تايتنك :

انا دخلت مكتب ابونا وجبت ملفات كبيره كل ملف فيه 200 حبه من البلاستك وحطيت لكل واحد من عيالياي ورقه تخصه من شهادة ميلاد وتطعيم وشهادات التمهيدي والابتدائي واي ورقه تخصه بالملف بشكل مرتب حسب التاريخ وعندي ولدي الكبير مخلص الجامعه صار له ملف حلو يقدر يتفرج عليه اعياله ان شاء الله بعد مايكون اب بحول الله وبعدين رتبتهمعلى الرف وكتبت على كل ملف اسم الشخص اللي يخصه وبعدين جبت ملف للفواتير المهمه وشهادات الضمانات للاجهزة اللي بالبيت وملف ثاني للاشعار اللي يكتبها زوجي وعيالي وقصاصات الشعر اللي من الجرايد وملف لاوراق صور البطاقه الشخصيه لكل واحد بالبيت وصور دفتر العايله عشان لو طلبناها علطول اجيبها بدل اول كنت احوس وبالاخير نصور جديده ونخلي اللي مستخبي بين الاوراق قاعد وخليت ملف خاص لاوراق المستشفى وطبعا الملف مقسم على عدد الاسره وحطيت اساميهم وكل اسم بوسطه اوراقه الخاصه ومواعيده وبعدين سجلت مواعيدنا بالرزنامه اليوميه في المطبخ عشان كل يوم نشوف المواعيد اللي باليوم التالي ولا تفوتنا اي مواعيد بعدها واشياء ثانيه كثيرة استفدت من هالمنتدى الله يخليه لنا والحين مضطره اطلع عشان ابو العيال ناداني الله يخليه لي وبعدين اكمل لكم ترتيباتي ببيتي

انا دخلت مكتب ابونا وجبت ملفات كبيره كل ملف فيه 200 حبه من البلاستك وحطيت لكل واحد من عيالياي...