عندك بشرة دهنية ومليناه حبوب تفضلي..~~

بسم الله الرحمن الرحيم

السلام عليكم ورحمه الله وبركاته


كيفكم خواتي الحوائيات ان شاء الله باحسن حال




بما اني استفدت كثييير من منتداي الغالي حبيت افيدكم بالقليل والشي اليسير..


اتمنى أن يحوز موضوعي على رضاكم..واستحسانكم..




~..تجاربي مع حب الشباب



اولا:

الكل يعرف حب الشباب خصوصا ذوات البشرة الدهنية !
اكثر بشرة تعاني من حب الشباب والروؤس السوداء!..~


يعني موضوعي


..~لذوات البشرة الدهنية ~..
؛؛ومايميز بشرتنا انها تتأخر ماتبداء بالشيخوخه يعني تتاخر ماتتجعد
وثاني شي انها تفرز دهون بشكل كبير<< وهذا شي معقدني!
ثالث شي لمى نحط الميك اب ابدا مانعاني من قشور بالعكس لان بشرتنها بطبعها دهنيه!!


...


راح اقولكم تجاربني من سنين ووش اللي نفعني؟ ووش اللي ضرني؟
من اول ضهور لحب الشباب حتى يومنا هذا!..~


...

اسباب ظهور حب الشاباب:

اسباب خارجية:

-تجمع الوسخ على بشرتنا يؤدي باختصار الى ظهور حب الشباب <<توضيح{غالبا مايكون راس الحبه لونه ابيض ومنفوخه شوي واحيانا تالم}
-الدورة الشهرية اعزكم الله فانا لاحظت ببشتري عند اقتراب موعدها تبدا الحبوب بالظهور خصوصا منظقة الانف
-بعض الكريمات <<توضيح{غالبا مانستخدم منتجات او ميك اب مايكون مناسب لنا فتبدا الحبوب بالظهور}<<هنا ضروري نوقف استخدام المنتج..~

اسباب داخليه:
-فيه اكلات مانستغني عنها لكن للاسف تؤدي الى ظهور الحبوب منها{الشوكلاته والسكريات بشكل عام..الزيوت والاكلات الدهنيه والنشويات..
المكسرات والفصفص..الخ}
-حاله نفسيه فلاحظت انه لمى تمر فترة وانا بحاله نفسية سيئة تبداء تطلع حبوب عندي


واسباب كثيرة ...



ولكن انا ذكرت تجربه شخصية



ثاني شي:

كيف تعرفين ان بشرتك دهنية؟؟


اختبار جدا بسيط..~

جيبي منديل نظيف... وامسحي به وجهك وادعكي على خفيف... وبعدين شوفي المنديل تحت اضاءة جيدة... راح تلاحضين دهون او زي الوسخ بالمدنيل
معناه بشرتك دهنيه بحته
وغالبا ماتتوسخ بشترك بسرعه ويكون بها لمعه وغالبا ماتكون البشرة الدهنيه حنطية مائله للسمار !

ثالث شي:
العلاج

نصيحة...
.....~~الوقايه خير من العلاج~~.....



يعني حاولي تبتعدين عن الاسباب المؤديه لظهور حب الشباب المذكورة سابقا...



تجاربي السابقة


اول ماطلعت الحبوب عندي خفت على بشرتي وكنت صغيرة!! <<حطوا عليها عشرين
كان عمري 15 تقريبا!

فعطول فحطت لعياده تجميل طبعا مستشففى خاص...

وللاسف الدكتورة الله يسامحها ماعندها خبرة جيدة بهالمجال

التجربه:

اعطتني حبوب +محلول+غسول+كريم
ماداومت عليها كثير

النتايج:
للاسف سيئه ومافيه اي تحسن


التجربه الثانيه:


قررت تعملي تقشير كريستالي

النتايج:
اسوأ واسوأ
وطلعت حبوب ثانيه ووجهي توهج



معرفه اسباب الفشل:

اولا التقشير الكريستالي ماينعمل الا على يدين خبييييييرة ..
ثاني شي انه ماينعمل والبشرة فيها حبوب !
وثالث شي ماينعمل لوحده بعمري...

وبما اني كنت جاهله بهالامور زدت الطين بله وصارت بشرتي عدااااااام



رايي بالتقشير الكريستالي


صراحه مو حلو ابدا واحسه يهيج البشرة عن تجربه شخصية







تجربتي الثانيه:


صابنوه دوف الخضراء

داومت عليها فترة طوييييييله


النتيجه:
رووووووووووعه قليله عليها لان هالصابونه مهديه للبشره

الطريقه:

اول ماتصحي الصباح تغسلي بها وجهك وتفركيه مضبوط بعمل حركات دائريه ثم تشطفيه بماء بارد افضل

كنت اغسل بشرتي مرتين باليوم الصبح والمساء




تجربتي الثالثه:


قناع المره

طريقته
تجيبي قطعه مرة صغيرة وتنقعيها بمويه طبعا بفنجال قهوة
ولمى تذوب القطعه او يصير لون المويه بني فاتح تحطيه على وجهك
ربع ساعه وتغسلي بصابون

الناتيج:
روعه قضى على الحبوب بنسبه 80 بالميه

العيوب:
جففت بشرتي يعني لازم بعد ماتحطيه ترطبين بشرتك
ريحتها ماحبيتها ابدا



تجربتي الرابعة:


قناع الطين


الطريقه:
تجيبي طين مغربي حق الوجه من العطار وترا تختلف انواعه النوع اللي استخدمت لونه غاممق مرة ومو معطر انتبهوا
تحطين كسرتين من الطين بفنجال قهوة وتصبين عليه شووووي ماء ورد وتذوبين باصبعك لحد مايكون الخليط مايل للغلظه
وتوزعينه على وجهك نصف ساعه وغسلي

النتايج:

رووووووووووووعه

العيوب:
لا يوجد بس النتيجه تطول ماتظهر


تجربتي الخامسه:

قررت اروح لعياده تجميل ثانيه
وقتها كانت الحبوب خااافه كثير بس باقي اثارها

العلاج:


عطتني
كريم+محلول+غسول
عطتني اياها عشان بشتري تتقشر وتروح الاثار

النتيجه:
مااتسمريت بس لاحظت ان بشرتي بدت تتقشر كثير والقشور لاحظتها تطيح

بعد كذا قامت بخطوه ثانيه
سوتلي تقشير بالاحماض


النتايج:
تقشر وجهي بشكل ملحووظ جدا وحفت الاثار شووي

العيوب:

طبعا التقشير بالاحماض غالي شوي
كل ماطولتي بالجلسات كل مابديتي تحسين بالم زي الحرقان


غلط فادح ارتكبته

اني كنت ادرس وماكنت احط واقي شمس وبالاخير انعدمت بشرتي وهي نست تنبهني
وباخررر جلسه
ارتكبت برضو غلط
اني رحت لها وكنت حاطه من الكريم اللي عطتني
وسوت لي الجسله
واحترررررررقت الم فظيع
فخبرتها وعلطول قالت انتي منظفه بشرتك قبل تجين او حاطه عليها شي
قلت حاطه الكريم الللي عطيتين
وقتها بغت تكفخني
لاني بشرتي احترقت
السبب
انا حاطه مقشر وهي بالجلسه حطت احماض قويه فاحترقت
تهيجت بشرتي مررة ومن بكرا طلع بخدودي زي الجروح البنيه

فتركت العياده



تجربتي الخامسة :

بالفترة الاخيرة نسيت موضوع الحبوب واعتمدت نظام من عندي
اول ماقوم اغسل بصابونه دوف وقبل انام برضوا نفس الشي
كريمات نهائيا مااحط اي كريم لاني كل الكريمات اللي استخدمتها زودت حبوبي
ولاحظت لمى احط كريم واروح للمدرسه ارجع للبيت وش القى

وجه مدددددددددهن مررررررة يلمع من الدهون مع اني مظفته قبل اروح


تجربتي السادسه:


النشا مع الماء ورد


النتايج:
حلوة بشره نظرة ومورده
العيوب:
يبيلها استمرار عشان تبان النتيجه صح

تجربتي السابعه:

ماء الورد

النتايج:

روووووووعه بشره موررده ونظيفه

العيوب :

مااستمريت واتكاسل

مع الوقت الحمدلله حبوبي خفت كثثثثير صارت ماتطلع الا يادوب حبه عند اقتراب موعد الدورة




ملاحضاتي

1-لا تفكرين تلمسين الحبه نهائي او تفرغين اللي جواتها خليها زي ماهي
السبب:لو سويتي فيها اي شي راح تكون اثر وماراح يروح بسهوله الا بعد مرور سنوات طويله
2-لاتعبي نفسك وتدوري خلطات تزيل اثار حب الشباب لانه ماراح يروح الا بتدخل طبي زي العمليات او الليزر او التقشير
فقط او مع مرور الزمن اكيد بتجدد البشرة وتخف الاثار
3-لا تكثرين من تلميس وجهك بالعربي شيلي يديك عن وجهك عشان ماتنقلين جراثيم بالتالي تتكون حبوب
4\بالنسبة للخلطات لاتتعمدي تخلطين شي بكميات كبيرة لالالالاا احذري يعني استخدمي كل شي بوقته حطيه او الخلطه اللي تبين على قد استخدامك
واستخدميها بنفس الوقت لا تبقي شي لبعدين ناحذري

بالنسبه للموظفات او اللي يدرسون

عشان تتفادين لمعه الوجه الزايده او الدهون :
-غسلي وجهك وتاكدي من نظافته كويس
-رشي عليه ماء ورد باستخدام بخاخ
-او استخدمي اسكينول
عشان يكون وجهك مشرق ونظيف


لو حسيتي انه وجهك دهن وانتي بمقر العمل او بالمدرسه
خلي بشنطتك مرايه صغيرة ومسحات طبيه
فكي مسحه طبيه وامسحي بها وجهك عشان يتعقم وتزيلين الدهون اللي متضايقة منها

اهممممم نقطه :

المــــــــــــــــــــــــــاء

وحده من العضوات نصحتنا بشرب كاس من العصير البرتقال يوميا

قبل لا تبدين باي نظام او قبل تحطين اي كريم لا تنسين التاثير الداخلي

ضروووووووووري لانه التاثير الداخلي اقوى بكثير من التاثير الخارجي

لالالالازم تشربين اقل اقل شي 6 كاسات ماء يوميا يعني حاولي بعد كل صلاه تشربين كاس ماء وقبل النوم بوضوا
الماء غني ن التعريف:{{وجعلنا من الماء كل شي حي}}

وبرضوا
احرصي كل الحرص اذا تبين بشرتك صاااافيه تشربين عصاير الخضار والفواكه وممكن تاكليها اذا ماتحبي تشربين عصيرها


خلي بقائمه اكلك اليوميه ثلاث عناصر
برتقال
جزر
بقدونس
باي شكل من الاشكال لازم تاكليها
سوا اكل او سلطه او حتى عصير

فرواله وخس وعنب وليمون وتفاح وطماط خوخ وتين واناناس<<هذولاء لا يغيبون عن ثلاجتك احرصي انك تاكليهم باستمرار سواء مع الوجبات او وقت العصريه بدل الحلى لبشرة اصفى وانقى واحلى

باختصاررررررررررر راح اعطيك النظام اللي انا ماشيه عليه الحين


شروطه:
الناظااااااافه ثم التظاااااااافه ثم النظااااااااااافه
التعقيم ضروري جدا
عدم التساهل باي خطوة او التكاسل
وماننسى الفواكه لازم نلتزم باكلها
والماء برضوا


الاغراض اللي راح نحتاجها

مسحات طبيه
قطن
اسكينول
اولاي<<اي نوع يناسبك او تفضلينه انا استخدم
اولاي للتفتيح مع واقي شمس
وممكن تحطين اي كريم ترتاحين له
غسول نيتروجينا او كلين اند كلير كلهم حلوين وانا استخدم فترة نيتروجينا وفترة كلين اند كلير
ليمون
ماء ورد
المقشر اليومي من نيتورجينا



طريقه النظام:

او ماتصحي الصباح
تمسحين وجهك بقطنه مبلوله من اسكينول
تروحين تغسلين وجهك بالغسول
تحطين الكريم



بعد ماتجين من دوامك
تمسحين وجهك بسمحه طبيه

قبل تنامين تغسلين وجهك بالغسول ووممكن تحطين اي كريم يناسبك انا برضوا احط اولاي



هذا الجدول اليومي
الصبح:اسكينول+غسول+كريم+شرب كاس ماء ضروري
الظهر:مسحه طبيه+شرب كاس ماء
بالليل:غسول +كريم+شرب كس ماء

ملاحضه احرصي قبل ماتغسلين وجهك تغسلين يدينك قبل



...~كل جمعه لازم لنا عنايه خاصه


جيبي قدر وحطي فيه مويه وارفعيه على النار



جيبي فنجال وحطي فيه
ملعقه حليب نيدو +شووووي ماء
لازم الخليط يكون غلييييييييظ
حطيه على وجهك وسوي لوجهك مساج خمس دقايق بس يعني بالعربي سوي حركات دائريه
اغسلي وجهك

ارفعي القدر عن النار بعد ماتغلي المويه
نزليها فالارض وقربي وجهك من بخار الماء بس لاحظوا
مو قريب مرة مرة لا حاولي تبعدين شوي يعني تقريبا مسافه ثلاثين سم
او اذا عندك جهاز بخار الوجه برضوا ممتاز

وزي ماقلت من بعيييييييد مو تلصقين وجهك بالقدر
!

خمس دقايق بس

بعدين بسرعه
قبل يبرد وجهك
جيبي الابرة حقت الرؤؤس السواداء تلاقوها بالصيدليه
وفرغي الرؤؤس السوداء اللي عندك

بعد ماتخلصي


غسلي وجهك بماء بارد وحطي عليه صنفره اي نوع تحبين انا افضل صنفرة ستيفز بالمشمش و احيانا احط المقشر اليومي من نيتروجينا


بعدها غسلي وجهك بماء بارد

وحطي على وجهك قناع
لو حبيتي حطي القناع المضل عندك

اانا حاطه لكم اختيارات عده اختاري اللي يناسبك

قناع الزبادي مع الخيار المبشور {ملعقه زبادي مع شوي خيار مبشور}
حلو حيل والمفضل عندي

او قناع الطين اللي سبق ووضحته لكم

او قناع العسل{ملعقه عسل-ملعقه زيت زيتون}

وبكذا خلصنا جلسه يوم الجمعه



افكار حلوه من تجاربي

\كريم اولاي رهيب للبيت كبديل عن كريم الاساس

\استبدلي الميك اب بالبيت بالبودرة حقت الاطفال من جونسون حطي شوي منها على وجهك باستخدام الفرشاة حقت الوجه بس شوووي مو تشهبين وجهك
بيطلع حلو وكنك حاطه ميك اب

\حاولي لا شفتي اي حبه طالعه تمسحيها بمسحه طبيه عشان تقعمينها ولا تلمسيها بيدك نهااائي

\اذا كنتي من يتحسسون من المسحه الطبيه او بشرتك حساسه انتهبي فالموضوع للبشرة الدهنبيه فقط لانه من تجربه شخصيه

\قبل تتوضين للصلاه حاولي تكون يدك نظيفه ومغسوله عشان ماتنقلين اي جراثيم لمناطق الجسم الثانيه

\انا صراحه مااييد اللي يشليلون شعر الوجه خصوصا لاصار جدا جدا خفيف اما ذوات الشعر الكثيف فانصحك ابعدي عن الشمع لانه يسبب ترهل

\اذا استخدمتي الخيط لازاله شعر الوجه حطي علي بشرتك قشطه او كريم سودو عشان مايلتهب خصوصا اماكن الحبوب

\اذا كنتي من النوع اللي يطلع لهم حبوب باستمرار نصيحه لا تعملي اي تقشير سوا كيميائي او كريستالي لان الحبوب راح تطلع من جديد وكنك يابو زيد ماغزيت


منتجات اعجبتني..~~

-كريم اولاي غني عن التعريف استخدمه من فترة طويله ومااقدر استغني عنه

-منتجات دوف روعه خصوصا الكريم الوردي اموت بريحته

-كريم الوردي من جونسون برضو حلو وينعم احب استخدمه لزوجي لانه خفيف وتمتصه البشرة بسرعه

منتجات االاطفال من جونسون الكريم والشاور جل
احب ريحتها روووعه ريحه اطفال وغالبا ما اخذ شاور فيها وادهن جسمي باللوشن

-زبدة الكاكاو من فازلين روعه كمان احب ادهن فيه روجولي بالليل خصوصا وقت المناسبات وبعد الحلاوة


واخيراء



حابه اقول الف شكر وتقدير لكل عضوة اعطت في منتدانا الغالي

وبصراحه كل تجاربي ماجبتها اختراع من راسي لا والله اغلبها من هنا من اخاوتنا العضوات المميزات
في منتدانا الغالي

باختصار موضوعي اغلبه مايستفاد من مواضيعكم المميزة وماهو الي شي يسير من تجربتي الشخصيه لحب الشاباب



واللي عجبها الموضوع لا تنساني بدعوة حلوة بشفاء زوجي
ولكم بالمثل


دمتم


تحياتي..~