كيف الصبايا اليوم ان شاء الله الكل بخير ورضى وسعاده وهنا من رب العالمين
اليوم جايبه الكم طريقتي في استخدام بقايا الدجاج لانه انا ما بحب ارمي اي شي
من الاكل الي بحافظ ع النعمه النعمه بدوم في بيته والله يجعلنا جميعا من الي بحافظو على نعم
رب العالمين ونبلش بالموضوع ع طول اليوم عملت مكرون بشميل ببقايا الدجاج من غدا مبارح
كنت عامله دجاج شوي وزاد الصدور طبعا ما الها شعبيه بالعيله هي الي بضل بعد كل غدا وصرت اضطر
استخدمها بطرق تانيه عشان استغلها وما تروح هدر
المقادير : نصف كيس معكرونه اي نوع متوقر مسلوق بماء وملح وشوية بهار كبسه يا دوب على راس المعلقه
بصله وفصين توم وحبه فلفل اخضر بارد واربع حبات طماطم كلها مفرومه فرم ناعم
طبعا بقايا الدجاج مفتت بالايد لقطع كبيره ومعلقتين زبادي كبار ومعلقتين صلصة بندوره وبهارات مشكله فلفل اسود كمون بهار حلو بهار كبسه وملح .
مقادير البشاميل هاي المقادير لتلات اكواب بشاميل تقريبا
6 ملاعق حليب بودره
6ملاعق دقيق
نصف كاس زيت
ثلاث اكواب ونصف ماء دافئ
فص ثوم مفروم ناعم
ملح
رشة فلفل اسود
رشة بابريكا
علبة زبادي حجم 400 غم
الطريقه سهله كتير وبلصور ر توضح معاكم بالتأكيد
هاي الكشنه الخضار كلها بتشوحيها مع شوية زيت
بعدين بنظف الدجاج المقطع
بعد كذا البهارات والملح معلقتن الزبادي والصلصة والقليل من ماء سلق المعرونة
وهنا بلشت احضر البشميل بحط الزيت والثوم والحليب والطحين وبحطهم على النار بحركهم شوي وبضيف الماء بالتدريج لحد ما يتكاثف وبع كذا بضيف الزبادي باقي العلبه كلها واخر شي الملح والبهارات وبحركه شوي وخلاص بشيله عن النار وبصينية البايركس بحط المكرونه والخلطة وبقلبهم مع بعض وبضيف البشاميل وانا ما بحب الجبنة معها لي بتحبها اضيفهاع الوجه وبدخلها الفرن مشعل من تحت وفوق ربع ساعه تتسبك وتتحمر وبالعافية.
وهاد الصحن عشان اتذوقوها وتعطوني رأيكم وعليكم بالعافيه ان شاء الله...