عندك بنات والناس ازعجوك بالتلميح للولد ادخلي وشاركينا!!!!!!!

الحمل والإنجاب

بنات ليه الناس كذا يحبون يخربون فرحه الواحد تصدقون انا جايبه اول بنت لي وطايرين فيها انا وابوها

بس شوفو وش صار ويصير بتخلف الناس

ارسلت مسج لصديقتي ابشرها فيه ردت بالمباركه وقالتلي شدي حيلك بسرعه وجيبي الولد ترى لو حتى الرجال مابين ترى يكون نفسه بولد
انا هالكلام جاني زي الصاعقه :(

زوجي كلم زميله بالعمل وقاله انه جاب بنت وزميله كان جايب بنت قبلنا بشهر فقاله زميله محد احسن من احد يعني ماجبت ولد:(

اعوذ بالله اجل الله يعينكم صدق ياللي كنتو تكتبون والله يلوم اللي يلومكم ياللي عندكم خمس وست بنات وش هالناس مايعرفون يقولون مبروك وينطمون:angry2:

طيب ياما ناس شفتهم جابو ولد اول شى وبعده درزن بنات
والله انا لما كنت اشوف حالات المواليد والاطفال بالمستشفى يتقطع قلبي واقول الحمدلله على الصحه والعافيه والله يابنات شفت رضيع عمره 3 شهور عنده سرطان واصلع من الكيماوي ويعاني المسكين من الالالم اللي الكبار مايتحملونها الله يشفيه ويرفع عنه ولايبلانا
اسفه اني طولت بس من الحره وودي اسمع ارائكم!
92
12K

يلزم عليك تسجيل الدخول أولًا لكتابة تعليق.

تسجيل دخول

~*~وصـــايف~*~
~*~وصـــايف~*~
اختي الي يتابع كلام الناس يتعب
انا بصراحه ماهتم اذا انا مقتنعه بالي الله معطينيااه
الحمــــــــــــــــــــــــد لله...
moooon_ksa
moooon_ksa
ياقلبي الي يسمع كلام الناس مايتهني
انا عندي ولد ويجلسون يقولون لي الي ماتجيب بنت ماكنها خلفت !!!

فلا تسمعين لاحد ابدااااااا وطنشي كلام الناس
والله يخليلك بنووتك يارب
ويرزقني ببنوته قممر
XرهوفهX
XرهوفهX
والله ناس فاضيه لاتسمعين لهم هذا همهم بالدنيا هذي جابت ولد ليش ما تجيب بنت والعكس ..
غلا الرياض
غلا الرياض
حب العياااال شي مجبولين عليه الناس
والدليل الايات اللي وردت في القرآن ..
فلا تستغربين منهم ..

والبنات ملح الحياة .. الله لايحرمنا منهم
um hissa
um hissa
هذي بقايا الجاهلية اللي حاول الاسلام يقضي عليها !
افرحي يا بنت الناس و اللي يقولون لك هالكلام و الا هالتلميحات اضحكي ,,,, بس مش معاهم , عليهم !