عندك بنات وماعندك ولد تعالي احكي لنا عن مواقفك مع الناس / قديم

السلام عليكم ورحمه الله وبركاته

كيفكم اخواتي اتمنى تكونون بخير

حياكم الله امهات البنات الله يرزقني واياكم الولد الصالح البار قولوا ااامين

الموضوع مبين من عنوانه

ابي كل ام عندها بنات وماعندها ولد تدخل وتقول المواقف اللي صارت معها مع حمولتها اوالناس عشانها ام بنات مااقول الا الله يشفيهم

تعالوا نتجمع ونحكي من باب الفضفضه مو من باب الاعتراض على الرزق طبعآ لالالالا

انا بنسبه لي عندي بنتين وهم عندي بالدنيا كلها

لكن الناس الله يهديهم تعرضت منهم مواقف خلتي ابكي منها مو عشان انا عندي بنات لالالالا

عشانهم يرمون كلام زي الدبش بدون احساس

مثلا

اخت زوجي تقولي فيه طرق لاانجاب الولد حاولي بالطرق جيبي وحطي

حماتي تقول وهي حامل ياربيه فيني بنت ولما ولدت اكتشفت انها جابت ولد قالت اخاف تحسدوني

عمت بناتي نفس الشي بنتها حامل وقالت بنت بعدين البنت ولدت وجابت ولد

واختي متخيلين فيها ولد الثالث لما كانت حامل تقول بنت ولما ولدت جابت ولد


وكلهم لما ولدو وراح كم شهر قالوا كنا عارفين انهم اولاد بس خفنا من العين تقولون رحمنا رحم اولاد

وحده تقول لي الحمد لله البنت مافيه احد يبيها ولايدعي انه يرتزق بها

وحده ثانيه تقول الله لايقطعك كأني عقيم ماعندي عيال وهالبنتين وش هم مو نعمه

وحده تقول انا موازنه عيالي الحمد لله العيال قد البنات مو مثل هالناس طيب هذا رزق الله وامره انتي

مارتبتي من نفسك

وحده تسالني تقول وانا حامل وش فيك قامت وحده تضحك تقول يعني وش بيكون فيها بنت

ولا والان يقولون شكلك يتجيبين الثالثه بس اللى عايقني بس احمل فيها ولاهم اطلعوا على الغيب

ولا واللي ادهى اي وحده يجيها ولد تعبان نحيف ولما اشوف لااله الا الله مافيه الاالعافيه

امس ولدت وحده من اقارب زوجي المهم دقيت اهنيهم بسلامتها جايبه ولد يقول مسكينه تعبانه وفيه

الموت وشي المهم لما دقيت عليه عااااااااااادي ولاهي تعبانه ولاشي بالعكس صوتها زين ومافيه الا

العافيه وجلست تدعي لي ان الله يرزقني الولد البار

ابي اشوف تفاعلكم ترى هذي فضفضه

ومااقول الا الله يرزقكم ويرزقني الولد ان شاء الله مايكمل سنه الموضوع وعيالنا بين ايدينا

ودعواتكم للغاليات في قسم تأخر الحمل الله يرزقهم الذريه

اللي تدخل رجآآآآآآآآآآء

وماتبي ترد تدعي لنا بالولد الصالح فقط
واللي ماعجبها الموضوع تكتفي بالرفع

ومشكورات مقدمآ