الله يرزقك الذريه الصالحه واسمحيلي جماعتك ذولا متخلفين الحمدلله على عطاياه وهذا من فضل ربي ويمكن تنزل البركه ببنت خير من 10اولاد

هلا حبيباااتي

الله يرزقكم الابناء الصالحين المعافين البارين
اهم شئ الصحه والعافيه

انا الحمدلله والشكر له عندي ماشاء الله تبارك الله 5 بنات الله يحفظهم
والله انهم ماشاء الله متفقات مع بعض اكبر وحده توها مخلصه الثانوي واصغر وحده ثااث
ابتدئي
وماشاء الله عليهم دايم مع بعض ويساعدوني ويساعدون بعضهم
وابوهم فرحان فيهم ومافي والله يوم قال او حسيت منه بجزع او انه نفسه في ولد
يشهد عليه ربي انه انسان يخاف الله وعارف انه كل شئ بيد الله
ويقول الحمد لله انا فرحان فيهم ويتباها فيهم قدام اخواته وامه ويقول والله بناتي يشيلوني من علي الارض شيل
اول ما يجي من عمله يركضون عليه ويبوسونه في كفه ووحده تشيل ثوبه والثانيه تجهز له المويه بالكادي او عصير
والثنتين الصغار وحده عند راسه والثانيه عند رجوله يكبسونه ويدهنون رجوله بالكريم عشان رجوله تعبانه من المشي والعمل
وهو مبسوط الحمد لله مايقصر عليهم الله يخليه لنا ياارب ولا يحرمنا منه

بس والله انا اللي نفسي في الولد
ومن كثر الكلام اللي يجيني من اهله واخوته شئ يزعلني انا
وانا مؤمنه بالله انه كل شئ بامر الله تعالي
اول ماحملت اول بنت وجبتها ومن يوم صارعمرها سنه وانا اقص شعرها عشان يكثر وانتم عارفين بعض الاطفال شعرهم يجي ملفلف فكنت اقصه لها واصبح عمرها 3 سنوات وانا اقص
وكنت اوديها لما كان عمرها 4 سنوات مع اخويه يقص شعرها عند الحلاق كل فتره
وشافتها اخت زوجي الكبيره ومسكت شعر بنتي وهي تهز راس بنتي وتقولي انتيي مشتهيه علي الولد عشان كذه تقصين شعرها ولادي
والله انا مافكلرت في كذه لكن ايش تقولون في اخوات الزوج
وفي يوم كنت حامل ببنتي الرابعه واخت زوجي تناظر في بطني وتقول وهي تاشر بيدها
من بعيد واحنا جالسين في المجلس
بطنك هذي ماتجيب الا البنات --------هذي اول جرح انجرح فيه انا
والثانيه كل ماشافوني يالله احملي وجيبيلنا الولد -------- وماعندي غير اني ابتسم ابتسامه صفراء لهم
واخرشئ هو اخو زوجي لما تزوج قاال لاخواته وهم بدورهم جو يقولولي عشان يقهروني
انه اخويه اللي بيتزوج الحين مايريد ان يجيب بنات مثل اخويه الكبير يقول انا ابغي مثل اخويه الاوسط لان خلفته بس اولاد
سبحان الله ودعيت الله انربي يرزقه في خلفته البنات والحين عنده بنتين فقط
وسبحان الله زوجي عنده5 بنات واخوه اللي بعده عنده ماشاء الله 4 اولاد نفسهم في البنت
الله يرزقهم يارب بالبنت وكل محروم منها يارب
وعندما تعبت واشوف الاولاد في الشارع واقول يارب ترزقني يارب
وزوجي عرف انني نفسي في الولد وقال لي انه مره دكتور قله عندما راح يساله عن حبوب استخدمتها عشان توقف الدوره ايام رمضان فما وقفتها بل جعلت رمضان اكثره دم ينزل فراح وساله عن الحبوب وقله الدكتور كم عندك اطفال وقال 5 بنات قال اذا تريد ان زوجتك تحمل بالولد تعالي اقولك طريقه تحمل بعد الله بالولد

بس تصدقون يابنات والله انا مااريد هذه الطريقه وقلت لزوجي مااريد اجيب الولد كذه
يعني اريده انه يجي باراده الله تعالي
وحملت بعدما استشرة دكتوره رائده فخري في المنتدي وبعض الاخوات عن ايام التبويض واستعمال بيكربونات الصوديوم
وكنت قبل مااحمل اقرءسوره البقره والتزمت الاستغفار 1000 مره في اليوم مع الدعاء بين الصلاه والاقامه وكنت ادعو الله ان يهب لي ذكر بار بينا ويكون من الصالحين وحافظ كتاب الله ومن الشهداء وكنت الح علي الدعاء
وانا الحين حامل في الشهر الخامس ان شاء الله يكون ولد يارب
دعواتك اخوتي بالولد لي الصالح

انا زوجي يقولو له ابو جاسم وانا ام جاسم لكن جاسم ماجا عندي بنت ويقولو لي انتي وزوجك شكل خلفتك بناات جاسم مانشووفه وربي اتحطم ويتاثر زوجي كثير ونفسه بجاسم يبنات ادعوولي اجيب جاسم وربي شلت اللولب هالشهر بنية الحمل بجاسم ادعولي اجيب جاسم هالشهر

آآآآآآآآآآه ه ه ه
وش نقول و وش نخلي
وكيف نقدر نغير عقول هالناس
اصلا لو انهم يفكرون من منطق ديني او عقلاني ماكان تردت عقولهم وضمائرهم بالتصرفات الجارحة والكلام الغبي
انا من الحريم اللي عانيت كثير من الكلام
رغم اني في قرارة نفسي مقتنعة وراضية بعطية ربي
لكن المجتمع والناس ذبحونا
حسبنا الله ونعم الوكيل
انا من جبت بنتي الاولى البكر تخيلوا تجيني سلفتي الكبيرة اللي انا كنت العب بالشارع وهي متزوجة ومخلفة لكن الغيرة مهي مخليتها ترحم الناس من شرها
وتقعد عند راسي وانا توي والدة وتقول والله فلان (زوجها ) زعل وقال ليته ولد
انا حزتها بلعت الغصة وماعرفت ارد عليها
وجبت الثانية والثالثة وكانت اخت زوجي الكبيرة تجينا وتجلس تعطينا من هالمواعظ وتصبرنا وكأننا في مصيبة لاسمح الله وتقعد تقول البنات زينات والبنات حليلات خلتني غصب احس اني انا مو طبيعية وان احنا مو مثل الناس
وبعد ال3 بنات رزقني الله بالولد ولله الحمد والشكر وتجي هذيك السلفة عملت العمايل قدام زوجي وامه ماخلت صناديق ببسي ولا فاكهة ولاهدايا الا كبتهن ببيتنا وانا النافس الوالدة عند امي ماجتني ولا ورتني وجهها -يعني زي اللي تبي تحسس زوجي انك كنت في مصيبة وعوض الله عليك
المهم وبعد الولد قلت خني ارتاح شوية
وترجع تشتغل فيني مافي مجلس ولا عزومة ولا ولا ولا ولا
الا احملي يله جيبي لولدك اخ يله احملي
لاتخلي ولدك وحيد ---- انا مارح اتركك لين تحملي
وانا استحي ارد عليها بحكم فرق السن بيننا واني فعلا احتار مدري شقول لها
لكني بالاخير استجمعت قواي ورديت عليها وقلت لها بادب وهدوء والله لنا ما اقدر اجيب لنفسي ولد هذا شي بيد الله انت تقدرين تجيبين لحالك الولد؟؟؟؟؟
كانها استحت على دمها وراقت عني فترة بس جمعتها لي بالضربة القاضية
حيث كنا نحضر تمايم ولد اختي 00اختي شقيقتي الله يحفظ لها عيالها وقامواالحريم للعشا وانا بحكم اني ببيت اختي قلت ماني مخليتها تجلس لحالها بجلس عندها واذا خلصو الحريم اروح اتعشى
تخيلوا لما جات من العشا وشافتني جالسة قالت لي ليه ماتقومي تتعشي ياسنفورة== ولا غيرانة ==
حسبي الله ونعم الوكيل
تبغى تخليني غيرانة من اختي اختي00اللي عيالها هم عيالي ...لاحول ولاقوة الابالله
والله ماتتخيلون وش كثر اثرت فيني هذي الكلمة ومزقتني والمصيبة ان المجلس كان مليان حريم واحترت ماعرفت شلون ارد عليها
بس الزين في الموضوع انها طلعت هي الغيرانة وماخلص الشهر الا وهي حامل رغم انها على اعتاب الخمسين وابشركم بعد جابت بنت
وهذي هي حكايتي صحيح ان كل اللي حواليني يدعون لي بالولد لكن انا ما ازعل لان الولد كمان زين ومحرم لامه وخواته
مايقهرني ويزعلني الااللي يحسسك غصب بالنقص ان خلفتك بنات
معليش طولت عليكم لكن الله يجزاها خير من نزلت هالموضوع خلتنا نفش خلقنا شوي

سبحان الله في نااس تتمنى الخلفة وفي ناس تتبطر بنعمة ربهاوالله انو البنت ما في زيها ولي تحب لاولاد اكثر من البنات ما الها غير تفسير واحد انها مريضة نفسيا ولحد يزعل بس بصراحة شي يبط الكبد