عزيزة بدينها :

الســـــلام عليكم ورحمة الله وبركاته أم أحلى وردتين .. الله يرزقك الولد الصالح ويجعله من حفظة كتابه .. آآآمين فعلاً الناس ما زال فيهم بقايا جاهلية إلى الآن !! أنا جبت بنتين ورى بعض (الله يجعلهم من الصالحات) وما يخفى عليكم ردات الفعل المقصودة وغير المقصودة .. إضافة إلى إنها الوالدة الله يخليها لنا الله رزقها بس بنات .. يعني ما عندي أخو !! هذه بعض العبارات الي سمعتها من أهل زوجي الله يهديهم.. إياكِ أعني واسمعي يا جارة فلانه جابت بنت وشكلها ما تجيب إلا بنات!! فلانه طلعت على أمها ما تجيب إلا بنات (( سبحان الله وش دخل أمها في الموضوع )) :) فلانه جابت بنت (( مسكينه ))يلله الي تجيب البنت تجيب الولد .. الله يرزقها فلانه حملت على بنتها وهي صغيره تبي تجيب ولد !! وغير النااااااااااس الي يسوون معادله بين عيال خواتي ويقولون البنات عندكم أكثر يعني طلعتوا مثل أمكم ... الحمد لله والشكر كأنها البنت كائن غير مرغوب فيه (( الله يشفيهم )) أنا وزوجي ما كان يهمنا هالعبارات والحمد لله راضيين برزق الله سبحانه وتعالى .. والحمد لله رزقنا ولد بعد البنتين ومع ذلك ما خلصنا :) الحين أنا حامل واذا أحد سألني وش قالوا فيكِ .. أقولهم الي يجي من الله حياه الله وزوجي وده في بنت يقولون لا ان شاء الله ولد وش تبين تصفين في البنات !! الله يرزق كل محرومة من الانجاب بالذرية الصالحة .. ويرزق كل وحده الي تتمناه .. آآمين

الســـــلام عليكم ورحمة الله وبركاته أم أحلى وردتين .. الله يرزقك الولد الصالح ويجعله من حفظة...

دوناتة :

السلام عليكم موضوع شيق انا عندي 3 بنات وولد والحمد لله لكن على الرغم من اني جبت ولد الا ان الناس كلامهم مايخلص ,,الله يسامحهم لكن عندي وحده من قرايبي عندها اربع اولاد وتوفي واحد لكن الله يسامحها دايم تجرح الناس اللي حواليها بيتنا بيت الاولاد انا ام الاولاد اذا راحت لزفاف وشافت بنات تقول تعالوا سلموا على انا ام الاولاد بعدين راح تدوروني ولما تزور احد عنده بنت وتشوف في شعر البنت او على الارض شباصه شعر او ربطه شعر تقول ايش هالاشياء انا ما اعرفها بيتنا كله اولاد مانستخدم هالاشياء واذا شافت بنت شعرها مرتب وحلو ,,, تقول اذا جاتني بنت علموني كيف اصلح شعرها انا ما اعرف الااصلح شعر الاولاد ومره سلفتها ولدت البنت الثانيه ولما راحت تزورها في المستشفى قالت لها لو انك جايبه ةولد كان نسكت وما نقولك حملي مره ثانيه بس انتي جبتي بنت واكيد زوجك بيقولك احملي علشان تجيبي ولد ودايم تقول انا من شاف وجهي ماشاف الا اولاد ومره يوم كانت حامل ,,,تقول للناس ولدي الكبير يسالني ماما بتجيبين بنت اقول له لا مافي الازيك الله يهديها ,,,, احيانا اشفق عليها واقول في نفسي حرام عليك هذا الكلام والمشكله انها جامعيه ومتعلمه ,,,,لكن مادري كيف تفكر الله يرزقني ويرزق كل من تتمنى الولد ,,,,بتؤم اولاد يااااااااااااارب

السلام عليكم موضوع شيق انا عندي 3 بنات وولد والحمد لله لكن على الرغم من اني جبت ولد الا ان...