والله العتب على المدرسة ,لو كانت تعرف تشرح ماكانت وصلت بنتك لكذه
اما عن الطريقة في التعليم فانا استخدم طريقة اللعب مع ولدي وحأقول لك كم لعبة وانت جربيها ان شاء الله تضبط
اول طريقة احكي له حكاية :
في ولد امه مريضة وراح يجيب لها دواء في الغابة الفلانية وعلشان يجيب الدواء لازم يمر من قدام 5 او 3 ( حسب الحاجة) وحوش (لان ولدي يحب الاثارة واذا بنتك رقيقة قولي لها بوابات بدل الوحوش) , كل بوابة ما تفتح إلا لمن يجاوب على السؤال وكملي لها القصة بشكل مثير ولمن توصلي للبوابة الاولى او الوحش الاول اسألي سؤال يخص الدرس يلي تبغي تعلميها وخليها تجاوب وعلشانها لعبة البنت ما تحس بالملل وكذه في كل البوابات
والطريقة الثانية : العب معاه الكنز ( يلي في mbc3) اخلي فرقة خيالية وفرقة هو فيها وكل الاسئلة المطروحة تكون من المنهج وبعدين لازم تكملي اللعبة لحد ما توصلي لاستكشاف الحاجات المخباية بالغرفة علشان تستمتع
الطريقة الثالثة: اعمل نفسي الاستاذ وهو واحد من الطلاب واسأل سؤال واقوم اصحابه ( يلي يكونوا خياليين) وهو يقلد كل صاحب ( طبعا يتعمد انه يجاوب خطأ علشان يطلع احسن واحد) بعدين اقومه فيجاوب صح .
والالعاب كثير وما تحضرني الآن وانت طولي بالك علشانها صغيرة ..و اتمنى اكون افدتك

ياعمري لاتحاتين ولاتشيلين هم
بنتي العام جننتني والسنه كلها وانا اخلاقي في راس خشمي منها
لاحفظ زي الاوادم وهي بالتحفيظ ولا املاء

والسنه هذي ماشاء الله تبارك الله
والله العظيم ماتعب معها بشيء
تحفظ من نفسها وبسرعه وتكتب واجباتها

يعني سنه اولى مو مقياس وباذن الله بتبشريني عنها السنه الجايه

العتب على المعلمة

عن نفسي انا اسلوبي ازيد مكافاة بالمصروف اكثر شي يغريهم

وانتبهي تدرسينها وفي راسها نوم

او اي احد يلعب وقفي العب كلهم اذا عيالك تحكمينهم

الله يوفقها ويجعلها تبر فيك يارب

الله يعينك ..

مشكورررات ع الردود ..
ريال فسحه مشكوووره جربت الطريقه الثالثه ومرره انبسطت الله يجزاك خير يارب ..
رذاذ الامل جربت معها مافاد مره ..مشكوره ..