عندك بنوتة تحب الفراشات تعالي اقولك كيف ترضينها

السلام عليكم ورحمة الله وبركاته

حبيباتي الحوائيات كيفكم إن شاء الله تكونوا بخير

حبيت اليوم اقدم لكم طريقة سهله جدا لعمل الفراشات الكبيرة الي تتعلق في غرف البنوتات وطبعا زي ما نعرف حب البنات الصغار في الفراشات هذا اذا كانوا زي بناتي الله يحفظهم

مالكم بالطويلة

اول شي نجيب علاقة الملابس الحديد نحتاج حبتين نفس اللون

ثم نشبكها في بعض زي كذاالصورة الاولى

وبعدين نثبتها بسلك عادي ونفتح الجناحين الصورة الثانية

بعدين نلبسها بشيفون او شال حق فستان قديم زي ما تحبي ونثبته بغراء المسدس ونجيب قطعة فلين ونقصها على شكل البطن والصدر والرأس ونثبتها بغراء المسدس او السليكون زي ما يحب البعض يسمونه

بعدين نجيب غراء الخشب ونحط على الفلين ونلونه بالوان الأكلين الي متوفر عندك وعلى ذوقك


بعدين لوني الاجنحة عن طريق وضع الاكلين على القماش ثم نثر الاكلين علية وشكلي في الالوان على كيفك وبدعي

وعبي غرفة بنتك فراشات ولو تخليها تساعدكي في وضع الاكلين واختيار الالوان راح تنبسط اكثر

وتراني صورتها قبل لايجف الغراء وتراه اذا نشف يصير شفاف لايهمكن الحوسة الي طالعه تراه تروح

واتمنى تكون الطريقة سهلة وواضحه لاني ما قدرت انزل كل الخطوات بالصور لان ارفاق الملفات محدود ولا اعرف طريقة تحميل الصور عن طريق المواقع الثانية

والا ترا عندي شغلات يدوية كثيرة وتهبل,,,,,مادح نفسه........

لكن طريقة تحميل الصور معقدة

تمنياتي لكم باجازة رائعه إن شاء الله