هلالا بالامهات ..

انا الحمدلله ماعندي مشاكل بوقت النوم .. النظام نظام <<<<< اخص ياشدييييده :)

الساعه ماتجي 9 ونص الا وهم في سااابع نووومه .. خلاص يبقالي وقت اقعد اروق من ابوهم شويه ..

والفطور كمان ماتشكل مشكله لانهم اتعودو ياكلو اللي ينحط .. واشكلهم فطورهم مرات سندويتشات بالبينت بتر ومرات بالشوكلت بينت ومرات جبن .. واحيانا بيض .. وطبعا حليب معاهم ..

والمدارس عندنا نظامهم مريييح ..

يسالونا ايش الاكلات اللي يحبوها مع بداية التسجيل .. وخلاص ماارسل معاهم اكل بس افطرهم بالبيت

واول مايروحو بعد ساعه عندهم وجبه خفييفه طبعا من المدرسه .. سلطه فواكه او زبادي او مهلبيه او جلي زي كده ..

وبعدين الساعه 12 الغدا .. وعلى حسب مكرونه او رز او بيتزا يعني زي كده ..

وعلى الساعه 3 وجبه خفيفه تانيه .. كيك او كوكيز او اي شيئ ..

و4 يجو البيت ..

صرااااحه مريحينني مررررة ..

هواجس ناعمه ..
والله انا كمان هلكوووني ولدك صغير ولدك صغير .. قلت خلاص رضا الناس غايه لا تدرك .. اسوي اللي مقتنعه فيه انا ..

بالله ايش الفايده يصحا من بدري ويقعد بالبيت على التلفزيون او الالعاب .. يروح المدرسه وفيها لعب ويعلموهم بطريقه حلوة وبلعب ومع اولاد بدل مو لوحده احسن .. والحمدلله كانت فكرة صائبه :)

وااااو الموضوع روووعة ومفييييد توني أشوفه
الله يعطيكم العافية يابنات

اختلف انا عنكم شوي
بالنسبة لولدي البكر دخلته من بدري الروضه
وكذا وحدة وللأسف مافي نتيجة
مايحب يتعلم أبداً
ولما جاء يدخل المدرسة الأحرف الأولى بس اللي يعرفها
حتى الفاتحة مو كلها حافظها
والمدرسة كانت حلووه حسيته تأقلم وكان يحبها
ويحب يتعلم ويكتب اللي أخذه فيها
وهي الأندلس الأهلية اللي بجدة
وجاتني ظروف ونقلته لوحده ثانية أهلية كمان اسمها النصر
قريبه من البيت
بس مستواه مره نزل وكرها ولايحب يذاكر يقعد يبكي
أفكر انقله منها وأرجعه للأولى عشان أصحابه
بس زوجي يقول أقرب هذي
واللي صار له بس لأنه جاء جديد وكل الطلاب تعرفوا على بعض
لكن بسنة ثانية يمكن يتغير الوضع
وما أدري بشوف والله يعين


بنتي على العكس مادخلتها روضة أبداً
علمتها بالبيت الحروف
وجبت مدرس قرآن وحفظت بعض السور ماشاء الله عليها
والأعداد والجمع وتحب الرسم والتلوين والخياطة وعندها مهارات بالاشغال اليدوية
اللهم صلي على محمد

وسجلتها بمدارس الحمراء

والله يوفقهم ويعيننا على تربيتهم

سلاااااااااااااااام
الله يعطيكم العافية يابنات موضوع رائع
أنا الله يسلمكم بنتي الكبيرة هذي السنة ثانية ابتدائي دخلتها الروضة أزهار وتمهيدي وماشاء الله عليها كانت مره شاطرة والكل كان يقول لي صغيرة ، أحس بالعكس الأفضل للطفل
بس اللي مكرهني في وقت الدراسة القلق والخوف على بنتي ، أنا طبعا ربة بيت بس والله أتعب نفسيا أعوذ باللة تجيني أفكار لآيكون بنتي طاحت والا خرجت من المدرسة محد داري عنها وغير وغير والله ماأنام لحد ماتجي أقعد أضمها وأبوس فيها انه رجعت لي سالمة
وهذي السنه أختها معاها في الروضة يعني القلق قلقين الله يعين بس
يابنات تكفون مين زي
ودمتتتتتتتتتتتتتتتتتتتتتتتتتتتتتتتتتتتم

اهلين باختي كيكة العائله حياك الله في موضوعي
وفعلا اختي نقل الطالب من مدرسه الى مدرسه يزعزعه
والله يخلي لك بنوتك ياااارب
**********************

فرفورة الطايف حياك ياقلبي وش هالقلق اللي انتي عايشه فيه ما اقول غير الله يبرد على قلبك ياااارب
بصراحه انا الى الان ما بعد جربت بس خايفه اصير مثلك
ودعيهم الله الذي لاتضيع ودائعه واقري عليهم الاذاكار يوميا وربي بيحفظهم ان شاء الله وانتي كمان راح تحسي براحه

شااااكره لكم المشاركه

هلا والله با ختي اخر وحده
انا مبسوطه ان القائمه عجبتك وحللللوه مقترحاتك بعد
وانا الحمدلله بخير يسلموووخيتووو على السؤال
وسلامتك ولدك ان شاء الله ما يشوف شر