عندك تساؤلات... اوافكار...اوتجارب... حول الرجيم ادخلي

:22: يالله حي الدبدوبات بجميع الاحجام من النوع الاكس لارج واللارج والمديم والصمول
فتحت هالموضوع عشان نفيد بعضنا ببعض التجارب في الرجيم والمقصود اللي عندها اي سؤال في الرجيم تسأل المجربات هنا واللي عندها الجواب تنفع خويتها يعني الموضوع يختص بالتجارب النافعه للرجيم وبالتساؤلات اللي نحتاج فيها لتجارب غيرنا

انا عندي شوية اسئله

س1 ايش افضل سوبر ماركت يهتم باكلات الرجيم ويكون له قسم كبير ومنوع للدايت وياليت لوفي جده تدلوني مكانه


س2 لما تسوين رجيم اوتخفيف ايش اكثر الاكلات القليلة السعرات تعتمدين عليها وتحسينها مناسبه للرجيم وتشبع


س3 لما تحسين بالملل وضعف الاراده ايش تسوين عشان تحمسين نفسك؟


عندي تجربه حلوه لسد الشهيه ولعشاق الكابتشينو
لما تشربين قبل الفطور كابتشينو تحسين نفسك مسدوده عن الاكل ويساعدك في الرجيم
وطريقة الكابتشينو القليل السعرات واللذيذ كالتالي

تحطين ملعقتين صغيره نسكافيه + ملعقه صغيره كاكاو بودر بدون سكر طبعا+كوب حليب قليل الدسم +رشة فانيلا لوحبيتي للنكهه وتحطينها في الخلاط لحدما تشوفي الرغوه بعدين تحمينها عالنار وتحلينه بسكر تربيكانا احلى سكر رجيم وبالعافيه عليك


من ناحية الحماس انا عن نفسي بعد كل رجيم اقيس ملابسي اللي ضاقت عليه ولما اشوفها وسعت اتحمسس اكثر

ومرات لما اضعف اشوف عروض الازياء والمجلات احس تدب فيني الغيره واتحمس اكثر


هذا اللي ببالي دحين يالله انتو ايش افكاركم وتجاربكم وللي عندها اسئله تكتبها واللي عندها اجابات لاتقصر مع اخواتها

ولاتنسون اسئلتي اللي فوق يابنات:26: :26: