ياعمـــري ياطويلة بال اجل لا تشكيلي ابكي لك الحال من بعضه

تصدقين نفس الشي انا واحد افضل من واحد بالحراره واحد ماتحمل التطعيم ابد

يومين كامله ماشفته مفتح عيونه من الحراره وشفايفه ميبسه يرحم يحوول

اما الثاني الحمد لله والشكر اهون يعني فيه حراره بس مو مثل الثاني خلاص قلت بيموت

الله يحفظهم يارب وعلى قولتك يارب يكتب لنا الاجر ويبرون فينا ومايورينا فيهم شر يارب

انا مدري وش جاء عيالي برمضااان يصحون الصحوه الزينه اللي فيها تفتيح عيون قبل المغرب بساعه

وتخيلي مشاء الله تبارك الله يجلسون الى 5 او 6 الصباح ماناموو تطير عيوني انا من هالشغله

انا اتعب وينهد حيلي وهم ماعندهم طاري يبون يلعبون وبس

مدري هالشي طبيعي بهالسن او انهم متعدين حدودهم افكر اوديهم الطبيب

اقرا في كتاب انهم في هذا السن يصحون 4 ساعات فقط والباقي نوم

واقول بنفسي كيف الحااااال 4 ساعات قال .. مدري من مسوين عليه دراساتهم هالخبول

وينكم بنات ليش اختفيتي

حسافه تعال نسولف نوسع صدر بعض

عسى المانع خير بس !!

انا اقولكم ان مع العسر يسرا والله كل ماتعقدت معاي ربي يسهلها الحمد لله بس انا مايقهرني الا السوق صعبه اخليهم وصعبه اخذهم معاي وانا لازم اقضي كل يوم ولما اخذهم تطلع روحي انا وابوهم والله اني اتفشل من زوجي يبهدلونه وتعالو شوفوا الناس انظارهم عليهم ويحسبونهم اربعه توام مايدرون انهم اقردوني على ماصارو كذا ويحسدوني مايدرون انهم شيبوا براسي والله وحده قالتها لي بالمستشفى لما ولدت التوم قالت اذا تبغى تدعي على عدوك ادع عليه بتوم واعتقد ان هالمثل يترجم كبر معاناتنا

ضي تبوك

ههههههههههههههههههههههههههه ياحبيلك احسك تتكلمين من قلب ومعاناه حقيقيه

هم صدق نعمه بس سبحان الله تعبهم ماينسى الحمد لله كل شي باجره

انا اليوم طلعت المطعم واخذتهم معي والله اني ضحكت على نفسي

كاني جايه بس عشان اشيلهم ماقدرت اكل ولا اسوي اي شي

وعقبها تبت الاولى والاخيره اطلع انا وياهم لحد مايصيرون يجلسون على الاقل

والسوق مره اخذتهم بالعربيه طيروووني تطيير كل الناس تتلفت تبي تشوف من يصارخ

علطول رجعت البيت حطيتهم عند الشغاله ورحت اتسوق لحالي افففف اللي يطلعهم معاه مجنون

بنات اللي عندهم خبره متى بديتوو تطلعونهم معكم بمشاويركم ؟؟؟

يعني السفر متى والمطعم متى والسوق متى ؟؟

وزيارة الناس تاخذونهم معكم ولا لا ؟؟ ولا تاخذون واحد وتخلون واحد ؟؟

الله يحفضهم