غنوة ياعمري الحال من بعضه حتى عن النفي الإجباري ..لكن الله يعين انات عندي توأم اولاد عمرهم 4 شهور و الوقت الله يعين لكني جلست اسبوع اراقب كم ياخذون من وقت في الصحوه و النومه و الحين الى حد كبير بديت ارتب نومهم بس الله يعينك لو غيرتي النظام بيتلخبط لمده لا تقل عن اسبوع حتى يرجع و ربي يعظم اجرنا

طويلة بال

ننتظرك لا تتاخرين تعالي قوليلي كيف مرتبه وضعك من غير شغاله

قسم بالله انا بيتي لو تشوفينه تقولين خرابه حوسه وكل شي فوق بعضه والمواعين نص تنظيفه خخخخخخخخخخ

ماعمري نشفتهم واعوذ بالله ماعمري استقبلت احد او رحت لاحد لاني لو اطلع يوم يتلخبط كل شي

حتى نوم العيال لو اتاخر يوم برا البيت علطووووووول يخترب

الله يعين بس


بياز

هلا وغلا ياقلبي انتي وين منفيه خخخخخخخخخخخخ ؟؟ اشوفك كاتبه الرياض تعالي نتبادل خخخخ

مشاء الله الله يخليلك عيالك انا عيالي بيتمون السبعه الحين ويدخلون الثامن

الحمد لله راحت ايام السهر والتعب والترضيع كل شوي

واذا رحت لرياض وبدت السهرات والطلعات علطوول يتلخبوط وانحاس من جديد

وارجع بيتي واجلس شهر اعلمهم الترتيب وماني لاقيه وقت لشي اعوذ بالله

عندك شغاله ولا لا ؟؟؟؟؟؟؟؟؟؟

هلا والله بك ياغنوة ........
صراحه أنا مثلك البيت حوسه لكن مو مثل ماقلتي إنتبهي تكوني بهالوضع لأنك بتتعبين أكثر وأكثر شوفي أنا عندي ثلاثه وزوج وبيت كبيييييييير ومع ذلك الحمد لله مرتبه وضعي ووقتي بقدر الإمكان
بحيث يكون كل شي تمام يعني مثلا أصحى من النوم الساعه10ص أو أحيانا 9 ونص وعندي إلى
آذان الظهر وقت كافي حق الغسيل أوالكوي أو تنظيف البيت وفطور العيال وبعد الساعه 12 أحاول
أخلص أشغالي بحيث اتفضى للطبخ وفي العصر يكون عندي وقت أكمل الشغل يعني تنظيف وترتيب على طول كل شي في وقته عشلن مايتراكم الشغل وأرتحت كثير على هالوضع وبين المغرب والعشاء
أقعد ماعندي شي مثلا على النت أو أقرا كتاب وبعد العشاء أعشي العيال وينامون الساعه 9أو 10
وأقعد أنا مرتاحه منهم إلى الساعه 12أو1تقريبا وبعدين أروح أنام ,,,,,,,,,
ماأقولك أن مافيه تعب أو إرهاق أو قهر من العيال اللي يخربون كل شي أسويه ورفعة ضغط
لكن وش أسوي أتحمل أهم شي ماأفكر بالخدامه ...........
وأنا لو منك ماأقدم خدامه أحس وضعك أحسن مني لكن كلا وقدرته وإن شاء الله ماتتأخر عليك
إذا أنت محتاجتها والله يعينك عليها وبالنسبه للطلعات عادي إطلعي بالراحه ونظمي وقتك على طلعتك من بدري يعني أنا مثلا إذا بطلع أجهز شنطتهم من بدري لو العصر وملابسهم اللي بيلبسوها أطلعها من بدري وأكلهم قبل ماألبسهم وأغسلهم بعدين يلبسون وأخليهم حتى لو قعدوا يبكون أخليهم وأروح أجهز
نفسي قبل الطلعه بساعه عشان ماأنزنق وأحاول قدر الإمكان إني أطلع والبيت نظييييييييييف والمطبخ
مافيه ولامواعين كله مغسله مو شرط تنشيف عشان لما أرجع يادوب أقابل العيال وأغير لهم وأعشيهم
وأنيمهم وأجهز رضاعات أخوهم بعدين أنام ....
وعادي أستقبلي اللي تبين بكل أريحيه ونظفي بيتك قبل ماأحد يجي من اليوم اللي قبل
عشان العيال مايريحونك أهم شي عوديهم أنهم في الأرض على طول عشان إذا أنشغلتي بالناس على طول مايتعبونك أو حطيهم في العربيه وخليهم عوديهم أنك تبتعدين عنهم شوي وأعطيهم أكلهم في وقته وخليهم وإذا طلعتي وتأخر وقت نوم العيال عادي أرجعي وحاولي تنيمينهم على طول وحاولي ترجعين للنظام اليوم اللي بعده على طول حتى يتعودوا شوفي أنا لازم أطلع في الأسبوع مره أو مرتين وتشوفين
نظامي يخرب في هاليومين لكن أرجع وأصحيهم اليوم الثاني بدري عشان يرجع نظامهم وينامون بدري
لكن عشان عيالك باقي صغار تقريبا زي عمر ولدي الثالث يعني ينامون في اليوم كذا مره لكن عوديهم ينامون مره في الظهر يعني مابين الساعه 1إلى 3 وفي المغرب وبعدها خلاص ينامون مره وحده إلى اليوم الثاني صح بيصون وقت النوم أعطيهم رضاعاتهم أو اللهايه ,,,
أنتبهي تطلعين والبيت محووس والله مجربه لأن اشغل
يصير دبل وأحاول أني أكون مرتبه ونظيفه وعيالي كمان وحتى البيت أقل شي قدام زوجي لأن بيتي هو اللي يمثلني ............
والله يعينا وياك لكن صدقيني بترتاحين إن شاء الله إذا كبروا صح ينتهي شي ويبدا شي
لكن شي عن شي يفرق ,,,,,,,,,,,,,,,,,,ومادام الخدامه جايه إن شاء الله بترتاحين .............
تصدقين كلما أروح مكان يقولون ليش ماتاخذين خدامه كيف تقدرين عليهم و..و..و..
لكن أشوف أني مرتاحه من البلوى الخدامه يعني أتعب لكن أهم شي يرتاح بالي ............
والله تعبت من الكتابه بروح أكمل شغلي الغدا بعد ساعه ......................أنتظرك يالغاليه ...,,

هلا وغلا طويلة بال

مشاء الله عليك نظامي نفس نظامك بالضبط بس انا ماقدر اتحرك من عند عيالي واخليهم لحالهم

الى الحين يبون شيل وحط حتى الجلوس ماجلسووو الى الحين ولو اخليهم دقيقه اجي القي مصيبه جايتهم

مره واحد احترقت رجله من الدفايه ومره واحد سحب مفرش الطاوله جيت لقيته بغى يختنق

ومره واحد لقيت رجله دااخله تحت الكنب ومتجرحه وهو ساكت يناظر مدري وش يبي الله يصلحه

ولا اجي القاهم مقابلين بعض يا واحد يضرب برجوله ببطن الثاني ولا واحد يشد بشعر الثاني

يعني ماقدر اتركهم لحالهم ابد ابد وتوهم ماجلسوو عشان احطهم بعربيه واخليهم يلاحقوني وارتاح انا منهم لا بس متسدحين بالارض وانا بس اراقبهم

اصحى الساعه 10 الصباح طبعا يصحون معي او هم اللي يصحوني علطوول اغير البامبرز واقعد معهم ماقدر اخليهم ابد اقولك تجيهم المصايب لين عندهم لو اتركهم دقيقه

بالوقت اللي يلعبون فيه بدون بامبرز اروح اغسل الرضعات الى الحين الله يصلحهم يرضعون 3 مرات بالليل يعني لازم ست مرات اقوم ارضعهم ويمكن اقوم زيها اعطيهم اللهايات يعني نوووووم ماكوووووووو متقطع وعذاب صراحه

واجهز للغداء بعدين اجي البسهم واوكلهم

يلعبون شوي ويجيهم النوم مره ثانيه ينامون على 1.30 الظهر او 2 بعدين اروح اكمل غداي

بعدين اجلس فاضيه الى الليل ماعندي شي لاني ماسوي عشاء

ومواعين الغداء اغسلها علطوول بعد مانخلص

وغسيل الملابس مخليته لاخر الاسبوع مره وحده ملابسنا مع ملابس الاطفال

حتى ترتيب البيت وتنظيف الحمامات اخليها اخر الاسبوع

والكوي ماعمري كويت خخخخخخخخخخ ملابس زوجي يكويها براا

والاطفال مايحتاج كوي وانا اذا جيت البس شي كويته والحمد لله ماشيه الامور

بس ماتتلخبط الا اذا طلعت او جاني احد

وبعد نفس الشي ماعمري طلعت ولا عمر جاني احد تعرفين منقطعه بابها ماعرف احد

بس الشغاله لابد منها العيال كل يوم يكبرون وكل يوم تزيد الحوسه وتزيد تتغير الملابس

وتزيد مسؤلية اكلهم وترضيعهم فتزود المواعين خخخخخخخخ

وانا اقدر على البيت كله لو هم معتمدين على انفسهم شوي او يجلسون بالعربيه بس مشكلتهم بس منسدحين وانا بس اراقبهم فماقدر اتحرك من عندهم ابدااااا

وهـ ياكثر قرقناا حتى انا الناس ازعجوني وين ماعندك شغاله كيف عايشه

بس اذن من طيب واذن من عجين مالهم دخل بي .........................

هلا وغلا خواتى انى عندى تووووم الى عندها خبره تقولى اشلون نرضعهم جميع :26: وكم الفتره الرضاعة الطبيعيه تكون للفطام:26: