هلا وغلا بالغاليااااااااااااات

غرشوبه اخبارك ياقمر واخبار القمورات انشاء الله طيبين

اجل رايك اعطي ابو الشباب اشكل انا صراحه افضل ينامون لحالهم حتى انا انام معهم

واتسدح واخذ راحتي بالنوم بس حسد ودي ازعج ابو الشباب معنا عشان يروح مواصل لدوام خخخخخ

بالنسبه للحديد والفيتامينات اعطيهم حسب وصفة الطبيب انا ودي ما اعطيهم بس يقول الطبيب افضل

الحديد اسمه فيرومن والفيتامينات اسمها ميكسافيت

طويلة بال

هلابك يالغاليه اخبارك واخبار الشباب معك ياحليلك طهرتيهم علطول

انا عيالي جلسو بالحضانه عشرين يوم لحد ماصار وزنهم 2 كليو ويوم شافهم الجراح

رفض يطهرهم الله يقلعه عطاني موعد مو الاربعاء هذا الاربعاء اللي بعده وانشاء الله يطهرهم

عاد انا كنت بعاند واروح بخاص اطهرهم ماهمني كلامه لكن خوفوني الناس يجيهم نزيف مدري وشو

الله يعيننا بس

ماقلتيلي الناس وش ينادونك باسم الاول ولا الثاني ولا انتي ام الاول وابوهم ابو الثاني

انا ازعجوني الناس قلت سموني بسمي جعلكم اللي منيب قايله كانكم قلق مافيه شي يعجبكم

داندون

هلا ياقلبي مبروك عليك التوأم والله يتمم لك على خير ويقومك بالسلامه يارب

انا يوم ربطت فكرت اني ماراح اولد الا بالتاسع بس سبحان الله اللي ربي كاتبه بيصير

نزلت علي المويات بدري فاضطرو يسوون لي قيصريه علطول عشان البيبيات

والحمد لله والشكر زين انهم طلعوو مدري كيف بيكون شكلي بنهاية الثامن والتاسع لو هم ماطلعوو

بنت الاجاويد

هلا وغلا والله انك دلوعه عندك وحده وبعد متعبتك اجل حنا وش نقول

انا اقول لو هو واحد بحطه فوق راسي منيب منزلته بس اثنين ارحمهم مدري من ادلع

بالنسبه للفيتامينات الود ودي ماعطيهم تعبت وانا اعطيهم وهم مايبونها بس الدكتوور محرصني

مره عليها يقول مهمه لكل شي لاتخلينها على الاقل لمدة ثلاث شهور

عاد هانت مابقى الا شهر واتركها

بسمة الم

مشاء الله تبارك الله الله يخليهم ويحفظهم لك

صراحه انتي وطويلة بال عندكم قوة اراده وصبر مب طبيعي مشاء الله عليكم

لا تقولين لي بعد انك حامل الحين ؟؟؟؟؟؟؟؟؟؟؟؟؟؟؟؟؟؟ شفت الشريط تحت بس اقول لا مب حامل

حركة المحبس حلوه بس معقوله يبون يطيعون يجلسون فيه 24 ساعه لازم عاد يبون يخربون شوي

طيب اذا احتاجو رضعه بالليل وهم نايمين من يعطيهم اياها ؟؟ الشغاله طيب لو صاحو مع بعض

ماقلتيلي اعمارهم كم التوأم الحين ؟؟ شكل نومهم معتدل مب صغار وقطع لحم

مايفهمون لا ليل ولا نهار ......... الله يعين انا افكر اجيب مربيه ارتاح منهم شوي

لان الشغاله مهما كان يالله تكفي لشغل البيت لو طفل واحد ممكن بس اثنين صعبه