عندك جرايد.. وحابه تتخلصي منها.. تعالي شوفي طريقتي!!

السلام عليكم ..

كثير منا تبتلش بالجرايد ومنهم انا !!

وحابه تتخلص منها لكن لوجود اسماء الله الحسنه والآيات القرآنيه صهب ترمونها الزباله...


طيب اعلمك طريقه انا اخترعتها من نفسي ماادري اذا في احد غيري جربها او لا؟؟

الطريقه يا طويلات العمر... هي ( الطمس)...

كيف يعني طمس.. يعني تجيبين قلم خطاط.. وتمسكين الجريده صفحه.. صفحه.. وتطمسين كل اسامي الله الحسنى.. والآيات القرآنيه..

والله يابنات صدقوني الطريقه مو متعبه .. بالعكس انتي تسوين كذا لأجل الله عزوجل.. وادعي الله ان كل كلمه طمستيها يكتب لك اجر عليها وتسرك يوم القيامه عندما تقرينها في كتابك..

مثلا خذي كل يوم صفحه وحده او على حسب مقدرتك وبكذا .. ترمين الجرايد وانتي مرتاحه...

واعطي عيالك يساعدونك وكل واحد له صفحه.. والله يابنات تنبسطي وانتي تسوي كذا..

وترى من جد ماهي متعبه ولاتستصعبيها.. يكفي انها لله عزوجل..



اللي تعجبها الطريقه واللي ماتعجبها تدعليلي بتوفيق والرزق الحلال ويحفظ لي زوجي وولدي.. :)