صادقة mama eyad ممنوع على اهل العرس وعلى المعازيم جوال الكاميرا

انا بصراحة ماتصور ابدا بجوال الكاميرا واول مااشتريته اخوي قلي ترى الصور ماتتمسح
الخوف ماهو انه ياخذ صوري وينشرها او يوزعها الخوف انه يقعد هو واصحابه يتفرجوا عليا وعلى صوري والله بينحرق قلبي ان دريت ان صوري تتوزع بين الشباب زي البنات اللي ×××

المصيبة لو الصورة اترسلت لزوجك بلوثوث حتى لو كانت صورتك العادية لان كلنا نعرف انه التركيب يبان على الصور مهما حاول يتقن بس يبان انه تركيب
يعني تخيلي تترسل صورتك لزوجك بالله ايش موقفك حتى لو كان عارف ان جوالك تسرق حتى لو كان اي عذر هل راح يعذرك؟؟

نحن هنا مانكشف وجيهنا فكيف نتصور وتتسرق صورنا ويتفرجوا عليها!!

وحدة اعرفها تسرق بيتها تسرق ذهب وفلوس واتسرقت كميرة الفيديو وفيها تسيجل لفرحها وغمرتها
الحرمة زعلانة على الصور ماهمها الذهب والفلوس تقلك يتعوض بس صورها اللي ماراح يبقى غلط وعدل إلا وشافها:(

وكثير بنات طايشات ماهو شرط شباب بس تكون بنت صغيرة في يدها جوال كميرا ورايحى فرح تخيلي ايش راح تسوي
سمعت بقصة وحدة صورت الحريم لما اكتشفوها امها دافعت عنها وقالت صغيرة وماادري ايه طيب والحريم اللي تصوروا!!

المسالة ماهو بالاستهتار بقدر ماهي انه نحن ناس ماتعودن انه نتصور وصورنا تتوزع وتنزل في المجلات عادي
فيكون خطير بالمرة عندنا انه تشوف صورة اختك او امك تتوزع في الجوالات.

بعدين كفاياكم تبجيل في الغرب روحوا شوفوا المواقع الخاصة بالبلوثوث
وشوف اللقطات اللي تقرف من الامريكان والاجانب شي يخلي الواحد يكره عمره
وانتوا بس تقولوا نحن وهما
هما مجتمع الغلط فيه صح الربا -بكبره اللي اهون باب فيه كزنا الام - حلال عندهم ايش عاد تتوقعوا يحرموا بعده؟؟

نو الشمس جد الله يعين..

سلافه ..ماراح يصير شي غير الا اللي ربي كاتبه ..بالنسبه للغرب .. واضح كلامنا كنا نتكلم من ناحيه معينه اتمنى وضحت الفكره عندك

شاكره لكم جميعا ..

أنا بزواجي مستحيل ان شاء الله اني اكتب ممنوع اصطحاب جوالات الكاميرا
ممنوع اصطحاب الأطفال .. !!
خلاص يكفي كلمة الدعوه شخصيه حتى يمكن ما يحتاج ..،

لأن انا عارفه مين الناس اللي بعزمهم .. مو معقول هم يجون يقدروني ويحضرون عرسي وانا اجيب لهم ناس يفتشونهم عند الباب !! طيب اذا انا مو واثقه فيهم ليه أعزمهم ؟

وحتى مسألة ممنوع اصطحاب الأطفال .. خلاص شي معروف ان البطاقه بس تدخل فيها وحده .. ليه أحط شروط بايخه بالبطاقه ؟ :)

ومسألة انتشار الصور .. انا أتصور بالجوال .. واذا لا قدر الله الله لا يقولها انتشرت صوري .. ما رح أنهار ولا شي .. ويمكن حتى ما أهتم .. لأن انا مو متصوره مع واحد وصوري معاه منتشره .. يعني يبين اني وحده منتشره صوري وانا مالي ذنب .. واذا على تفكير الشباب السعودي آخر همي عاد تفكيرهم !! مساكين الله يساعدهم والله .. الناس تتطور وحنا نتأخر بسببهم .. اذا مانعينا من السواقه عشان همجيتهم .. ايش تتوقعين منهم ؟ الوحده بين بيتها وبين جامعتها 5 دقايق .. تقعد تنتظر السواق اللي مدري وش عنده وممكن توصل نص ساعه انتظار .. كله بسبب الشباب السعودي الراقي ..
يعني الدوله الوحيده اللي بالعالم مانعين هالشي ما ادري دليل انه حنا الصح ؟ واللي يضحك ان الحريم نفسهم يقولون لك لاااااااااا حنا ما نؤيد .. طيب ربوا صح أول .. وثقوا بتربيتكم .. وقتها أتحداكم تعارضون .. ! واللي يقهر اكثر ان المعارضات من النساء يكون لها أب الله يحفظه .. ولها أخ ولها زوج الله يحفظهم .. طيب والضعيفه اللي ما عندها أحد ! وانحرمت مما تتصورون ومالا تتصورون بس عشان ما عندها أحد .. لو انها تسوق وتدبر نفسها كان حالها صار أحسن بكثير .. لكن ايش نقول في هذه البلد التي لا تتطور :)

وبالنسبه لـ نظرة المجتمع والتفكير يا مريومه .. اللي رادين بهالـ 7 صفحات هم المجتمع .. لأن المرأه نصف المجتمع .. والنصف الثاني تربية المرأه .. يعني بيدكم تغيرون ! انكم تربون صح ! مو تقولون هذا المجتمع وما نقدر نغيره .. !

للاسف نجهل استخدام التقنية الابما يؤذينا..
وبالنسبة لمنعه في المناسبات والله ماننلام لان الخير يخص والشر يعم...بعدين واذا جتك وحدة حاقدة عليك وقامت تصورك لمجرد الانتقام الله يكفينا شر من فيه شر واللي فيه بلى بيسويه وين ماكان حتى لو كان ممنوع...
مره في الجامعة الدكتورة دخلت علينا في القاعة تبكي وحدة مصورتها بالجوال ....والله شي يقطع القلب ويحز بالنفس...وان دل على شي فيدل على ثقافتنا وفهمنا الراقي لوسائل التكنولوجيا..


وتسلمين على طرح الموضوع...

شوفي احتي انتي ماتدرين عن مصائب الجولات في الاعراس,كم بيوت انهدمت بسبب هذه التقنيه اللتي أساء بعض الناس أستخدامها...