ياريحة الجنة @yaryh_algn
عضوة فعالة
عندك حساب بالراجحي ؟؟؟ أجل تعالي بعلمك طريقة تسعدك قلبك وتفرج همك اللي مضيق صدرك
السلام عليكم ورحمة الله وبركاته
تعالوا يابنات بقولكم طريقة بسيطة ولها فايدة عظيمة بإذن الله وهي إنك كل شهر أو كل ماضاق صدرك وصابتك هموم الدنيا
افتحي حسابك بالنت بتلاقين فيه خانة التحويل للجهات واللجان الخيرية
فيه جهات متخصصة بالايتام وفيه متخصصة بالقرآن وفيه بالمساعدة بالزواج وفيه وقف وفيه صدقات وفيه مساعة المعوقين وفيه اصدقاء المرضى ورعايتهم وغيرها وغيرها وغيرها كثيييير
وبتلاقون اسماء كل الهيئات والجمعيات الخيرية بالمملكة وجميع المدن اللي مسجلة ببنك الراجحي
عاد انتي اختاري الجمعية اللي تبين وحولي لها عشرة ريال مثلا وانويها عنك وإن الله يفرج همك
وافتحي جمعية ثانية وحولي لها عشرة ريال عن والدتك
وافتحي جمعية ثالثة وحولي عشرة ريال وانويها عن والدك
ومثلا عشرة ريال عن قريبتك المريضة او اخوك المهموم أو اللي ماتوظف ........وهكذا
وخلي نيتك حاضرة
وترا انا قلت عشرة ريال عشان اوضح المثال وانتم باللي تقدرون عليه
لو بريال واحد
والله سبحانه يربي الصدقات
وهالطريقة بتسهل على كثير من اللي مايقدرون يطلعون برا البيت مثلي ويودون صدقات للفقراء
ومعروف سبحان الله أجر الصدقة في تفريج الهموم وشفاء المرضى ورفع الدرجات للأحياء والأموات
والدال على الخير كفاعلة
بارك الله فيكم ،،
32
2K
يلزم عليك تسجيل الدخول أولًا لكتابة تعليق.
أنا مين؟؟؟
•
جزاكي ربي الجنه
الصفحة الأخيرة