عندك ذبيحه جديده ..........أطبخيهـــــا بالبيت

هذي الطريقه اعطتني اياه الوالده الله يحفظهـــــــا سهـــــــله ولذيذه بدرجه ماتتخيلوونهــــا

اسويها دايم لما تكون عندي ذبيحه طازه ... سواء كاانت مقطعه قطع كبيره او نص كـــــامل زي ماهو
الحلو في هالأكـــــــله أنك راح تكشخين عند زوجك كشخه مو طبيعيه ولو ذاقوها اهل زوجــــــل راح يمدحونك باليل والنهـــــــار
انا جننت اهل زوجــــــي فيها:cook:

الطريقه هي :
بعد ماتغسلي اللحم تحطيها بصينيه كبيره وتتبليها ( بملح وفلفل أســــــــود مطحون وأجيناموتو . وكركم (هرد) )
طبعا تفركيها مظبوط ماتخلي مكان فاضي وبعد كذا ادهني وجه اللحمه بالكركم
بعدين صبي نص كاس مويه في الصينيه بدون ماتصبيها على اللحمه بس في الصينيه بعد كذا غلفيها مظبوووط بالقصدير وحطيها الفرن خليها ساعتين على نار متوسطه
في هالوقت تكوني غسلتي الرز ونقعتيه بمويه
تحطينه في القدر وتحطي عليه مويه وبهار حبات كبيره وملح وزيت(قليل) كأنك بتسوين رز ابيض
خليه يستوي ثلاث ارباع سوا ...... بعد ماتستوي اللحمه خذي من المرقه اللي بالصينيه وصبيها على الرز وخليه يكمل سوا

(اذا نشفت اللحمه مافيها مويه صبي عليها مويه مغليه وحركيها راح تصير صفره وفيها نكهة اللحم وصبيها على الرز)

قدميها مع السلطه العاديه وحظريها في صحن مدور كبير زي العزايم وزينيها بالبصل والطماطم والبيض المسلووق


أكشخي عليهــــــــم:icon28:

وبالهناء والعافيه