وصلتني رسالتك يا عمري واشكرك عليها كثثثثثيير..................
عطيتيني الزبدة والمفيد الله يعطيك الف عافية...
وان شاء الله نتقابل ونكون حبايب..

ان شاء الله حبيبتى تيجو بالف سلامة ولو عايزة تعرفى اى حاجة قوليلى وانا اقللك ان شاء الله

مرحبا بنات كندا واونتاريو تحديدا
بصفتي رح اشرفكم قريبا(باق من الوقت اربع اشهر )
حابة اسال سؤال
انا والحمد لله انجليزيتي ممتازة بس حابة ادرس لغة حتى ما أمل بالبيت وحابة اندمج بالمجتمع الجديد وخاصة انه الاولاد بالمدارس
سمعت انهم بيعطوا المهاجريين الجدد دروس لغة مجانية صحيح؟
واذا كان كذلك كيف المواعيد مناسبة لربة المنزل؟وكيف المواصلات مؤمنه؟
والسؤال الاهم بيعملوا تحديد مستوى ولا كله مع بعضه؟
وشاكرة مقدما للي رح تساعدني بالاجابة على تساؤلاتي

نوقا
اهلين ياقلبي حياك الله
عزيزتي المعاهد مافي اكتر منها بس نصيحه لوجه الله لاجيتي تدرسي ادرسي الاي اس ال او اللغه في كلية او جامعه مشان ما تضيعي وقتك عالفاضي
لأنه املعاهد شغلتها فاضيه بس بيعطوكي ورق وتحلي وطق حنك كأنو الواحد تارك اشغاله واعماله مشان يروح يتسلى مو اكتر ..
بينما الكليه او الجامعه فيه واجبات وامتحانات واخذ غياب والشغله مو سايبه هيك ..

وبالنسبة لتحديد المستوى اكيد في تحديد مستوى في كل المعاهد سواء كانت منيحه او لا مستحيل الدولة يتركو الشغله هيك سايبه اللي بيعرف يحكي واليي مابيعرف الحروف في فصل واحد..

اذا انتي جايه على اونتاريو او منطقة تورنتو شوفي بنصحك انك تسجلي في كلية الشيرادين في برامتن .. اختي درست انجليزي فيها دورة لمدة سنة ونص (او على حسب مستواك ممكن يكون اقل) نظامها جداااااااااا قوي وطبعا مجانا لو ماكنت اخدتي الجنسية الكنديه لسه ..مع انه لغير الكنديين او للكندين قسطها حوالي ثلاث الاف دولار ... احلى مافيها انه ماهو معهد انجليزي والسلام لا... المنهاج مقسم (قراءة-كتابه-سماعي- محادثه) على حسب ما اذكر بس المهم انه لكل حصه تخصص معين .. وكمان باخر ترم بيسمحو لك تجربي اي كورس بتحبي في اي مجال بيخطر في الك .. مثلا بدك تجربي كورس كومبيوتر في كلية الشيرادين بيسمحو لك تاخدي كورس وتجربيه .. (كورس واحد طبعا)
المشكلة الوحيده فيها انه الطوابير عليها طوييييييييييييييييييييييله يعني اذا بدك تسجلي يا اما تحطي اسمك في الويتنق لست قبل ماتوصلي بشهر يا اما انك تسجلي اول ماتوصلي على طول حطي اسمك وغالبا بيطلع بعد شهر ..
فيها دوام صباحي ومساءي على حسب استطاعتك..

المواصلات اذا انتي بتوافقي تاخذي الباصات فالباصات كتير سهله ..
من محطة سكوير ون على طول في باص بوديك على شيرادين برامتن


انا بشوف انك تدرسي في الشيرادين مو بس مشان ما تملي لا مشان كمان تكسبي هالشهاده .. كتير بنات اول ما اجو اخدو معاهد حيا الله وشي يروحو وشي لا وقالو اهم شي امشي حالي في اللغه ومن هالحكي بس بعدين ندمو لأنه اخدو الجنسية الكنديه وصار هالكورس عليهم بثلاث الاف دولار

بالتوفيق يارب

اختي رغد يسملوا ،،

حبيت أسألك والأخوات جميعا عن مدارس صيفية أو سمر كامبس لتقوية الطلاب في اللغة والمواد العلمية والتعود على جو البلد على أساس راح نحضر ان شاء الله لكندا قبل بدء العام الدراسي بحوالي شهر فبدل مايضلو في البيت لاسيما راح أكون جدا مشغولة فشو بتقترحي مدارس صيفية او كامبات شو اللي ممكن يستفيدوا منه اكثر استفادة تنفعهم في المدرسة فيما بعد
واعمارهم 15 ، 12، 6 سنوات

بالنسبة ESL هل هي فقط لغة او كورسات مختلفة وياترى فيها orientation للقادمين الجدد؟

جزاكم الله كل خير