بسم الله الرحمن الرحيم
السلام عليكم ورحمة الله وبركاتة
أسعد الله أيامكم بكل خير وإيمان وطاعة للرحمن
وتقبل الله منا ومنكم صالح الأعمال والأقوال وجعلنا الله وإياكم من عتقائه في هذا الشهر الفضيل والمبارك "
لفت إنتباهي في المنتدى كثرة سؤال العضوات عن أسر محتاجة إما لصدقة أو زكاة وإمتثالاَ لقول الرسول صلى الله عليه وسلم (الدال على الخير كفاعله)
قلت أدلكم على جميعة ترعى الأسرالمحتاجة من الفقراء والمساكين والعجزة والأرامل والمطلقات والمرضى ومحددوا الدخل وأسر نزلاء السجون والمعاقون وذووا الإحتياجات الخاصة والأيتام والكثير من الفئات التي تثبت الدراسات الإجتماعية إستحقاقها للمساعدة .
وعائلتنا كلها تتعامل معها وأنا شخصياَ رحت وشفت نشاط الجميعة ماشاءالله تبارك الرحمن نشاط راااائع ويستحق التكريم
الجميعة من زمان لها أعمال بس حالياَ تم إفتتاحها رسمياَ "
الجميعة تسعى لتدريب الأسر المحتاجة
وتشغيلهم بما ينفعهم يعني تعلمهم على بعض المهارات ويصير عندهم شغل ودخل مادي بسيط جدا من هذي الشغله ومثل عمل أطقم الترامس والمناديل والسفره وعمل توزيعات العيد والمناسبات ومثل الطبخ والأكلات المفرزنه وللعلم أنا جربت أكلاتهم ماشاءالله تجنن ونظيييفه"
وأنا بنفسي شفت أعمال الأسر وإنتاجهم ماشاءالله تبارك الرحمن وقد قامت الجمعية بتسكين بعض الأسر المحتاجة في عمائر خيريه وعددها 3 عمارات خيريه وحده في السويدي و2 في الشفاء كل عماره فيها 14 شقه وكل شقة فيها من هذه الأسر اللي أنا واهلي قد رحنا وشفنا وضعهم كيف، هم ناس محتاجين ويستقبلون كل شئ أثاث وملابس وغيره ولعلمكم أنا ماقلت هالكلام لكم إلا لما رحت وشفت الأسر في بيوتهم وقرأت أوراق عنهم وتأكدت منها حتى تعرفنا على إحدى الأخوات اللي تشتغل في الجمعية الله يجزاها الجنه وكل من يشتغل في هالجميعة
وعرفتنا على مهامهم وأعمالهم وكيف إنهم يساعدون الأسر حتى في رمضان "
في رمضان عندهم إفطار صائم وكفاله للأسر المحتاجه في نفس الوقت كيف ؟؟
اللي يسوون إفطار الصائمين هم نساء من الأسر وقد تم الكشف عليهم والتأكد من سلامتهم صحياَ قبل ما يخلونهم يسوون إفطار الصائمين
فتصيرين مفطره صائمين وكافله أسره بنفس الوقت مبلغ التفطير اللي يستلمونه يعطون الأسر منه كأنهم يشترون الوجبات منهم
مثل لما تروحين لمطعم وتشترين وجبات إفطار وتودينها لمسجد بس الفرق إنه هنا اللي يشترون منهم الوجبات ناس محتاجه فتصيرين دفعتي للمحتاجين
وفطرتي الصائمين ماشاءالله تبارك الرحمن "
وأنا شفت ووقفت على نشاطاتهم وأعمالهم ومنها حفلات للأيتام في الأعياد والنجاح وأنا وأهلي حضرنا وحده من حفلات النجاح للأيتام وكانت رووووعه وإنبسطوا الأطفال الأيتام فيها الله يسعدهم مثل ماأسعدوا الأطفال "
واللي تبغى تعرف عن الجميعة أكثر " هذي بعض المعلومات عنها "
وهذا الموضوع عن الجميعة في جريدة الرياض
الموافقة على تأسيس الجمعية الخيرية النسائية للتنمية الأسرية «بُنيان»
المصدر جريدة الرياض "
وللأمانه أنا والله العظيم ماأشتغل في الجمعية ولاشئ بس أنا رحت وشفت الجمعية ووقفت على نشاطهم وأعجبني مرررره وقلت أفيدكم وأدلكم على الخير وكل اللي أبغاه دعواتكم والأجر من الله في هالشهر الفضيل "
واللي عندها سؤال أو إستفسار تسأل وإن شاءالله أجاوب باللي أقدر عليه واللي تبغى أرقام عشان تستفسر أو أي شئ تقول وإن شاءالله أساعدكم باللي أقدر عليه "
:26:الموضوع جهدي الشخصي وليس منقول :26:
أتمنى من مشرفاتنا الغاليات يثبتون الموضوع
إبتغاء للأجر والمثوبة من الله
وجزاكم الله الجنه