ان عن نفسي لما اعمل ضيافة للحريم لازم نفس الضيافة احط للاطفال لاكن مافية فايدة يخلصون اللي عندهم ويرجعون على الحريم أكرهه الضيفة تتأخر وما تراعي ضيق المكان كان فية وحدة تزورني وتتأخر مرة وكل شوي تقول انا ابي اروح وانا انحرج اقول ليش تقول خلاص بجلس وانا متضايقة على الاخر لان المكان ضيق واطفالي ينامو بنفس الغرفة يعني لازم المكيف يرتاح علشان ارجع اشغلة والله انها تروح ويناموا اطفالي على الفجر ينكتم المكيف لازم اطفية ساعتين على الاقل وبعدين اشغلة وباستمرار تجي ولا تفكر تعزمني واطفالها يحوسو ويخخربو ولا تقوم تنهاهم يروحو الحمام ماتقوم كرهت كل الزيارات بسببها

احب الناس الرايقين اللى مايحبون الازعاج ويعورون فالراس

اللي تتمشى في البيت وتدخل من دون استأذان

احب اللي تجيب عيالها وهي معطيتهم دروس الادب والاحترام واكره الصجه بسببهم.
ما احب اللي يعجبها البيت ولا تذكررررر الله ولا تقول ما شاء الله حتى الواحد يرتاح..

اكره اللي تقاطع بالكلام وتحب بس تسولف ولا تترك مجال لغيرهها.

ما احب لمن اروح لاحد واجيب صينيه معايا ماتقدمها او تقدمها ولا تقول مين جابها بالذات اذا كانت طبخ بيت ولذيذه والكل عجبتهم.

ما احب اللي تستخدم الحمام بشكل عشوائي وتعدم فرشات الحمام بالمويه ولا همها.
انقهر لمن وحده اقدملها عصير وتشرب رشفه بس ولا تكمله يعني ايش اسوي فيه مو حرام يترمي ماتشربيه من الاول لاتاخديه.
اكررره اللي تفتش شنطتي وجوالي واي شي من اغراضي.
ما احب لمن وحده تجيني تكون لحالها جايه ومجهزتلها كل شي وتطلع ماتشرب لا عصير ولا شاهي ولا قهوة وانا مسويتها عشانها ولا انا ماهمتني بس وش اقدملها احتااار وتكون الاحوال مستورة..
يترفع ضغطي من اللي ماتحترم الوقت تقول تجيني بعد المغرب بعد المغرب مو الساعه 9 اكون مخرجه زوجي من بدري ومهجولته ولسه على بال ما تخرج حضرتها صار نص الليل وهو مسكين بره واحيان يكون وراه دوام ثاني يوم.
اكره الزياره في نفس اليوم احب قبلها بيوم اقل شي تعطيني خبر بجيتها .

مره جاتني وحده وعيالها ماقصرو في البيت لعب وتنطيط ويفتحون الثلاجه والادراج
ولما سمعتني عمتهم اخاصمهم زعلت مع اني بس قلت لهم عيب كذا اذا بغيتو شي قولو لي لاتمسكون شي

والقهر فجأه

لقيت الحرمه فاتحه باب غرفتي تبي تدخل ترضع ولدها << قدها فتحت الغرفه وخلاص تو تتذكر تستاذن هبله من جد


بس تحملتهم لين راحو وخلاص


استغفرالله


فعلا فيه ناس يضايقون بالزياره بس شنسوي لازم نتحملهم لانهم ضيوف في بيتك كلها كم ساعه وبيروحون اهم شي يذكرونك بالخير

فيه حريم ماتصدق تشوف منك حركه او زله لسان وتروح تتكلم عند الناس انك ماتبين احد يزورك او انك متكبره

بس من بعدها تعلمت اذا عرفت ان الي بتجيني معها عيال اشيل كل شي ممكن يخرب او يتكسر من اكسسوارات واخصص كاسات بلاستيك للصغار

والله يعين