انا عن نفسي اكره احد يجيني فجاة بدون موعد مره جتني وحده توها عروس لها ثلاث شهور متزوجه تقرب لنا وزوجها تصير امي عمته دخلت علينا فجاه واحنا ماجهزنا شي لاحلا ولا فطائر واللي قهرني فيها ماتشرب قهوه عربيه ابدا ولاشاهي فيه احد مايشرب قهوه فيه احد يستغني عن القهوه 00 عطيتها كاس عصير وشربته وقلنا لها اعذرينا مادرينا انك جايه وا وا00 المهم راحت -- والشي الثاني اللي اكره الرسميات تجيك الوحده جالسه ومافيه بالسانها غير اخباركم وشلونكم طيب اسالي عن اخبارنا بس مره من يوم تدخل لين تطلع وهي تسال ماعندها جديد طيب تسكت احسن 00 وحده من صديقاتي تقول جتني وحده غثيثه بس اتعيب على اثاث بيتي كنبكم قديم بويت بيتكم تبغى صبغه طيب تجلس معززه مكرمه وتحترم نفسها -- والشي الثاني اللي يقهرني اذا صار عندي عشاء وماعندي شغاله بعد مايخلصون يقومون ويجلسون ويطقونها سواليف ويتركوني انا اشيل اللي بعدهم 00 طبعا هذا اذا صارو قريباتي بس اذا صارو صديقاتي يكفيني كلمة تبغين نساعدك طبعا بقول لهم لا -- اسفه طولت عليكم بس بطلع اللي بقلبي ههههههههههههه على كل حال الضيف له احترامه مهما صار يظل ضيف

اول شئ الاطفال
انا اتضايق لما وحدة تجي تجيب معاها سربها (بزارينها ) كلهم وراها
ازعاج وربي اجاهد يوم تجي عندنا اجلس اطارد بزارينها الي يدخل الحمام و يلعب بالمويه و الي يستفرغ على الكنب اكرمكم ربي وهي بااااااردة ماتتحرك والي ياكل ويفت ويوسخ الفرش صح انه طفل مايعرف ياكل بس على الاقل امه تاكله تمسح الي طاح منه ويوم احنا نظف الاكل الي طاح منه تزعل وتبوز يمين كرهت جيتها ارهاق حتى شغالتها ماتبي تجيبها بخيلة يعني احنا نصير شغالات لعيالك ويوم لسى بندخل بصحون الحلى بزارينها زي الدود التموا حوليني ابغى ابغى ابغى ابغى واذا حطيت صحن الحلى عند امه هجوم عليه و امه ماذاقت منه ولا شئ واذا خلصوا الصحن ياخالة حطيلي واذا طنشتهم رحت المطبخ يلاحقوني حطيلي ولا كمان ياشرون على مكانه ويطلعونه طيب هو يادوب يكفي الضيوف الي بجون بعد شوي هو حلى للذواقة مو عشان تشبعون فيه ولازي المويه و الحمام كل شوي ابغى مويه ابغى مويه رايحين جايين على المطبخ ولا من زود القافة الحين الحريم مو هم الي صاروا يتفقضون البيت ويطالعون بادق تفاصيله صاروا يدخلون بزارينهم يمين بالله بنتهم عمرها 8 سنين تطالع في كل ركن في البيت تصمه صم وتفتح دواليب المطبخ والثلاجة وتطالع ولا عليها من احد ومافي غرفة في البيت مادخلتها وحفظت شكلها
ولاكمان يوم مثلا نعزم خالاتي عزيمة خوات بس هي مانصحى تدق جرس الباب ليش ماعزمتوني وسربها وراها وماناخذ راحتنا بالهرج تحب تروح للناس وماتبي احد يجيها ولا بزارينها مايلزقون عندها الا لما يكونون ضيوف مايجون الا مرة في السنة يعني نادر نشوفهم وهذولا عيالهم لزقة في المجلس صجة يادوب اسمع صوت الحرمة المشكلة ولدها عمره7 يوم اقله حبيبي روح اجلس مع الاولاد هناك وش يقول بجلس عند ماما يعني الحين طاح عليك حب الام ويوم نجيكم مانشوف وجهك بس فالح لزقة فيها يوم تجي عند خلق الله و لسانه طويل

وياكرهي للي تجي بدون ماتتصل وزيادة الطين بله تجي في وقت مو مناسب والسرب حقها وراها ولا تتصل على فلانة وعلانة تقول الحقوني تراني عند بيت فلانة طيب يمكن احنا مشغولين نجاملك نستناك لين ماتروحين ونبي نروح مكان غير تعزمين خلق الله على بيت مو بيتك

اكرة الضييفة الي تطول عندى الكل يروح وهي تجلس الي اخر اليل الساعة 2او 3 بحجة زوجها معزوم طيب ليش معزوم الى اخر الليل


لان الوحدة مناتتعب وهي تجهز طول اليوم وصعبة تواصل الى اخر الليل

اكرة الضيفة ثقيل الطينة اذا قلتى تفظلوا للعشاء ردت تونا متغدين العصر مالنا نفس
اجل ليش جاية

سبحان الله

كل شي عندي عادي الاطفال حاطه لهم صالة اللعاب والحمدلله مايعنون لي مشكله الشييني الي يضايقوني لما تدخل تكرمون الحمام بجزمتها بعدين تدخل علي الموكيد النتضييييييييف بنفس الجزمه احس باالقهررررررررررر \
والشي الثاني حصل لي كم مره من نفس الناس يجون لبيتي واكرمهم وافرح فيهم والله ومايمديني اقفي اجيب شي من المطبخ الا اسمعهم يتهامسوون علي بضحك وطنازه تحززززززز بخاطري طبعا انا اعرف ان هذا طبعهم مع كل الناس بس تحز بخاطري اذا صارت لي الله يسامحهم ...