عندك طريقة لتزين صناديق للاطفال ؟؟

مرحبا بنات حواء
او فنانات حواء
كيفكم وش اخباركم

انا مدرسة رياض اطفال
وبما ان السنه قربت على النهايه
بديت اجهز صناديق كرتونيه لاطفال الروضه اللي انا فيها
طبعا الصناديق هذي نحط فيها كل ما يخص الطفل ويستلمها معاه اخر الترم كانها هديه
( اعماله الفنيه - دفاتره - اوراق العمل -ملابسه - الخ )
طبعا لازم نزين الصندوق بشكل يناسب الاطفال
بحيث يكون شكله طفولي - وفيه مكان لصورة الطفل ورساله لامه على الغطاء - صوره جماعيه على احد جوانب الصندوق - باقي الجوانب تزين حسب الرغبه ولكن بدون تكلف بحيث تبان طفوليه ومناسبه لعمر الاطفال 3 سنوات

المطلوب منكم يا اخوات هو
انا عندي الصناديق لونها زي الكرتون العادي اللي على بني فاتح
وابي وحده من الاخوات تزينها لي بمبلغ مناسب بحيث بسوي عندها 20 صندوق وبالنسبه للصور والرساله حقت الام انا بزودها بها
وكل هذا يكون جاهز في 16 مايو
وتعمل لي نموذج خلال اسبوع علشان اعرضه على مشرفة الروضه تشوف اذا هو مناسب او لا
المبلغ اللي ممكن ادفعه على الصندوق هو متوسط 20 ريال فقط تزين 3 جوانب من الصندوق
مقترحاتي
طباعة استنسل - رسمه مناسبه للاطفال
وزي كذا هذي الافكار اللي عندي واتقبل اقتراحاتكم وعروضكم
وشكرا