جزاكم الله خييير

انا عندي ثنين الله يخليهم لي الصغير دايم وراي ويبيني اشيله وانا مو فاضية
احياناا اطنشة اذاكنت مأكلته ومغير له اطنشه علشان اخلص شغلي

ونظامي انا وعيالي وابو عيالي ماننام الا بعد الفجر
يفطرون وينامون وزوجي دوامه الظهر اصحى واقعده ويصلي الظهر ويجي
يفطر فطور خفيف ويروح لعمله الله يحفظة
واناا ارجع انام مع عيالي الى العصر وبعدين اقومهم واكلهم واحممهم والبسهم
وابد بالشغل والتنظيف علشان مايجي زوجي الا البيت ييلق وريحة البخور والعطور ماليه البيت
ونتقهوى بعد صلاة العشاء
وبعدين اقوم اسوي العشا وطبعاا عيالي يطفشوني دايم وراي ويزهقوني مايخلوني اشتغل
وبس ماقصرت كتبت يومياتي ههههههههههههه
وشكر

انا ياحبيبتي اصعب شي في حياتي كان ترتيب وقتي كنت احب السهر وانا بنت ودلوعه في بيت اهلي وحيدتهم وكل رغباتي مستجابه ومتعوده على الشغالات لدرجة امي تجي تلحفني وتطفي اللمبه وانا بالجامعه تخيلي ويوم تزوجت ع طول حملت مرتين وراء بعض بدون تخطيط والحمدالله عندي احلى بنوتتين واشقياء جداكانت بدايتي صعبه جدا بس كان زوجي يساعدني موفي الشغل طبعا لا نفسيا ويرتبلي وقتي المهم اول شي لازم تنظمي نومك انا نظمت نومي وانتظمت والشغل شوي شوي كل يوم اسوي شي وكل ماسويت شي ماتهنى فيه ع طول بناتي يخربوه بس مومشكله المهم زوجي مايحب يتغدى الظهر يحب يجي وينام ويتغدا المغرب وهذا احلى مافي الموضوع العصريه اطبخ الساعه 11يناموا البنات وانا 1 او2 ع حسب المزاج واصحى 10 او11 اذا صحوا البنات وهكذا كل يوم وبس تجيني ايام اتعب واطفش واجمع الشغل اجيب شغاله بالساعه ترتب البيت كله وبس؟؟اتمنى اكون افدتك؟وعلى البركه الشقه وبالتوفيق.

مبروك الشقه اولا
بس ترى بتتحسفين لانه مافي احد بيمسك ولدك الله يعينك
انا ساكنه في شقه وعندي بنت الله يخليها لي ويكبرها على خير ان شالله
بس ماتقعدددددددددددد عندها محبس وعندها كرسي طعام ومشايه ولاااااااا تحبهم
تقعد تبكي يا اشيلها او اخليها على الارض تروح بكيفها وتحوس في البيت
ولا تحب الالعاب تحب تاكل اي شي صغيييييير في الارض واول ماشوفها تعلك فمها
ركض اسدحها بالارض وافتح فمها واشيله وبيتي مغبر ويبيله اعادة ترتيب ومب قادره
ماقول الا الله يهديها وتكبر وتعقل وانتي الله يعينك اذا ولدك دلوووع هههههه

نظمي وقتك بديارنوده والله لتزين حياتك وتعرفين تمشين ولدك على اللي تبين ويتعلم منك ويريحك
وكمن زوجك وتحسين براحه بس اهم شيء ماتهملين بشيء عشان تشوفين شانيل تو خخخخخخخ
ترا مابتنفعك وولدك تشيله الارض < اتخيل شكلك وانتي شايلته وتشتغلين ههههههههه
ولا تقولين صعب هذا الشيء مااقدر والله ربي يعينك "وبروك لامتي في بكورها "
ومنزل مبارك وعامر بحسكم يارب



الله يقطع ابليسك قولي لي الحين كيف نظارة عيالك وصحتهم وانتي بعد كيف صحتك ونفسيتك
حاولي تنظمين وقتك وتصين بدري كل يوم قدمي ساعه من وقتك يعني لو تصحين 6 المغرب اليوم خليها 5 يومين ثلاث وبعده 4 يومين ثلاث وراح تتحسن اوقاتك وتنتظمين بصلاتك وعبادتك انتي وقتك كل نوم اكيد بتروح عليك نومه مره مرتين
خلي ربي يبارك لك بيومك وبعيالك
كلنا مرينا بمراحل صعبه بعد او قبل اجازه او وقت مرض بس مو تعرفين ان هذا غلط وتمشين معه
اذا مو علشانك علشان عيالك والله يخليكم لبعض

واذا انتي بتسهري اسهري وخذي راحتك بي اهم شيء عيالك ينامون بدري
والله اني اتعب هالفتره كلها سهر واحاول بقدر الامكان اعدل وقتي علشان بنتي اذا صحت بدري تلاقيني صاحيه معها
وولدي يرجع من المدرسه يلاقيني راقيه مو مدخدخه ابي انام
والله يعين يارب والله اني مجتهده على نفسي خاصه هالفتره ماعندي شغاله والله ييسر امورنا واموركم يارب