موضوع جدا مفيد والمفروض يتثبت
مشكووره اختي جوان وجزاكي الله ألف خير وانا قريت كل الصفحات وفيه حاجات كثير استفدت من ردودك
أنا بنتي عمرها سنتين و8 شهور وانا لسه بعلمها الحمام بس موقنه وعارفه انه مو كل الاطفال زي بعض
عشان كذا عادي عندي لو تاخرت شويه بس مو هنا مشكلتي مشكلتي انه أنا حاليا في غربه في استراليا
هنا انا ساكنه في شقه يعني لمن بنتي تصيح ماأقدر اخليها تصيح أو تعلي صوتها اخاف يجي احد ويشتكي
لأنه مره جات وحده واشتكت من الجيران وانا خفت صراحه لأنه أخاف مره ثانيه يشتكو علينا ويجو ياخذو بنتي
عشان كذا صارت هيا لمن تبغى شي تقعد تصيح بأعلى صوتها لدرجه احيانا يروح صوتها ويصير مبحوح
فاضطر احيانا اني اعطيها اللي تبغى وانا ادري انه غلط بس الحين بسوي زي ماتقولين انه اقولها سوي شي سهل واعطييكي هو
بس صراحه صارت مدلعه مررره وأي شي تبكي من جد تعبتني هنا وحتى في السوق تبكي بشكل كأنه احد ذبحها
والناس تتطالع والله لو اني في السعوديه كان ماهمني بس هنا يطالعو وفي ناس يجو يسألو من جد احراج بس الحمدلله بدت
تنفع معايا حركه انه بنروح بس مانشتري لعبه بس حلاوه يعني من البيت أفهمها عشان ما تبكي هناك بس مو كل مره تضبط معايا
انا دارسه رياض أطفال بس لسه ماكملت إلا جات بعثه زوجي عشان كذا في اشياء اعرفها الحمدلله
بس مشكلتي اني في غربه وفي دوله ممكن ياخذوها مني اذا زودتها في الصياح لانه سمعت مره انه في وحده
اخذو ولدها منها لمن كم مره صارو يسمعو الجيران صوته وهو يبكي دلع مره اشتكو الشرطه بس ربي ستر
معاها وبعدين رجعو ولدها السعوديه عند اهلها هشان يفتكو منه يعني اذا في حل غير اني اطنشها لين تسكت اش هو؟؟؟ لانها لمن تبكي تتطول
وأحس انها تفهم فصارت أي شي تبكي لنه تسمع أبوها يقولي سكتيها لا يجي احد ويشتكي
الصفحة الأخيرة
موضوع اكثر من رائع