بسم الله الرحمن الرحيم
مساكم مسك وعنبر وكادي لحبايبي واخواتي في عالمي المحبوب
وزي ماانا استفدت منكم كثير حبيت افيدكم اليوم بتجربتي الخاصه
مطبخي فيه فتحه بين المجلى والجدار بجنب الفرن
ومافيه للاسف درج تحت المجلى:(
وهذي الفتحه مضايقتني حيل لان الزيت بعد القلي ينزل على الاغراض الي احطها تحت المجلى او(المغسله الي مايعرف) وكل ماحطيت شي توصخ من الزيت وبقايا الطبخ
هذا غير الارضيه الي تبقع من الزيت وانتوا عارفين الزيت غثيث (اتمنى فهمتوا علي)
المهم خطرت على بالي فكره ونفذتها وبصراحه ريحتني كثير واناسبق وقريت موضوع لوحده تشتكي من هالسالفه فاقلت افيدها وافيد الاخوات الي عندهم نفس المشكله
ماراح اطول اكثر ,للاسف ماصورته قبل بس انتوا شوفوه بعد واكيد بتفهمون وش اقصد
هذي الفتحه بعد ماسكرتها وان شاء الله وضحت الصوره اعذروني نسيت اصور قبل
والطريقه :
جبت قطعت كرتون على مقاس الفتحه وغلفته بقصدير وبعد كذا ثبته بتيب تثبيت جيد
الكرتون حقي متين فاذا كان الكرتون الي عندكم رقيق الافضل تحطينه طبقتين حتى يتحمل
طبعا اكيد راح تقولون ليه ماحطيتي رخام وارتحتي؟
انا بيتي اجار ومقاسات المطبخ ماجت مع الرفوف صح, وهذا حل مؤقت لين نسكن في الحلال .متى؟:(
وهذي باقي الصور حتى توضح الصوره
لا تدققون في الفرن حق العزابيه ههههه
لا تناظرون القراشيع الي تحت :09: ماقلت لكم حل مؤقت
اتمنى تكونوا استفدتوا من موضوعي
ادعولي بالبيت الحلال والمطبخ الي زي مطابخ بعض الاخوات في المنتدى الله يبارك لهم يارب
واني اسكنه وانا بالصحه والعافيه والسعاده
ملينا من الاجارات نبغى نستقر
وهذي للي يردون رد حلو
وسلامتكم:)
والله يرزقك بالبيت الحلال وتاثثينه احلى الاثاث