dubai2 :

السلام عليكم بالنسبة لي عندي بداااااااااااااية فوبيا من السوق تخيلوا رغم اني اموووووووووت في شي اسمه shopping و هالموضوع من اربع شهور تقريباً من رمضان رحنا انا و امي (الله يخليها لي و يردها بالسلامة من سفرها ) قولوا آمين امي بغت تشتري جدور للطبخ دخلنا المحل و أخوي ينتظرنا في السيارة بعيد شوي عن المحل اخترنا و دفعنا و وقفنا عند باب المحل ننتظر و اتصلت في اخوي على اساس انا خلصنا فجأة يظهر لنا واحد سكرااااااااااااااااان طينة أسوووود و مبهدل و قبيح وحول شفايفه حبوب جلدية بيضه فيها صديد و سعابيله تقوطر (تخيلوا شكله ) شفناه و سوينا نفوسنا انا ما شفناه عشان ما يحس اننا نخاف منه ما فاد ظل يتابعنا بعيونه حاولنا ننخش >>>يعني نتخبا بعد ما فاد لان كل ما تحركنا خطوة تحرك عشر خطوات و المسافة بينا صارت وااااااااااايد قريبة قمت مسكت ايدها و قلت لها تعالي ندخل الصيدلية و نسكر الباب ورانا و اخوي على وصول يعني السالفة كلها دقايق انا دخلت الصيدلية و هي يا قلبي ظلت برع و السكران الله ياخذه بيني و بينها امي ابتعدت و ظليت انا داخل الصيدلية ماسكة الباب من داخل و هو يدز من برع ...................ااااااااااااااااه احساس الله لا يراويكم مثله الثواني تمر كانها دهر المهم راعي الصيدلية باكستاني و في 2 زباين و انا عند الباب و الخايس برع ما تحرك من مكانه الصيدلي قالي اتركي الباب و بيني له انك مش خايفة قويت قلبي و شليت ايدي من الباب قام النجس دخل و راي و قام يغازل و يقول كلام شاعري يعله السم الصيدلي يقوله عيب عليك كل يوم لاحق لك وحده >>>>>>>يعني الريال متعود و معروف في المنطقة قام النجس يقوله ما لك شغل لا تتدخل بيني و بينها و انا :confused:شو بيني و بينها بعد و الناس برع المحل تجمهرت و لكم ان تتخيلوا حالتي في هذي اللحظات بيني و بينه خطوتين بسسسس ما ادري من وين جاتني القوة و قلت للصيدلي خلني ادخل مكانك عند الكاونتر و انت اوقف بيني و بين النجس كلها ثواني و يوصل اخوي وافق الريال كثر الله خيره و مسكين تحمل الدذ و الضرب من النجس و ما هي الا ثواني حتى و صلت النجدة و صل اخوي و اخترق الحشود و دخل الصيدلية و مسك السكران النجس و ضربه و غسل شراعه بعد و كسر الصيدلية كلها فوق راسه و هو يقول لا تضربني انا سكران انا سكران الله ياخذه و ينتقم عيشني دقايق من الرعب لا يمكن انساها أبداااااااااااااااااااااا المهم طلعت من الصيدلية مثل البطلة و سعوا لي طريج بين الجماهير و ركبت السيارة و الناس تأشر علي و انا من داخلي ارتجججججججججججججججججف بس متماسكة بلغنا الشرطة بس الريال شرد و دخل المسجد و طلع من باب ثاني >>>ما اقولكم متعود و عارف المنطقة تماااااااااام على فكرة كل هذا و جدر امي في ايدي تصدقون خطرتي لي فكرة اني اضربه بالجدر اذا قرب مني الحمدلله ربي ستر ما صار الا تحرشات لفظية (الله يخرس لسانه إن شاء الله )و حركات بعيونه يعلهم البط و العمى إن شاء الله و بعد هالموقف صرت اكره الاسواق إلا اخاف منها موووووووت و اتردد قبل لا اروح مرات و مرات و كل ما شفت ريال شكله مب طبيعي او أسود اقول هذا سكران و اتسمر مكاني و اخاااااااااااااااااااف موت ((اسمحولي على الاطالة حبيت افضفض لكم ما عندي خوات تحملوني اختكم بنت دبي ^_^))

السلام عليكم بالنسبة لي عندي بداااااااااااااية فوبيا من السوق تخيلوا رغم اني اموووووووووت في...