++++++

اعوذ بالله من الشماته || طيب انا مااحس اللي تشمتت في بنات الناس ترجع الشماته للبنت ؛ ممكن البنت متدينه وأخلاق وماترضى بس امها شماته راح ترجع الشماته ل أم، البنت مالها دخل . كل شخص بترجع اعماله له سواء خير او شر

والله بعد وفاه أمي الله يرحمها أنا بكريه ودوبي ولدت وتعرفون البكرية محتاجه أمها والحمدلله أنا ما عندي أم ولكن اهل زوجي ساعدوني ومرت الأيام
وبعدها بسنه كانت في قريبه ليا حامل وولدت واتصلت باركت لها وقتها قالت لي يا الله لو مافي أمي مادري إيش بسوي أنتي كيف عملتي بدون أمك وتعيدها وتكررها عاد وقتها قلت الحمدلله ربي سخرلي الناس الطيبين
وسبحان الله بعد حملها هذا عاى طول حملت وفتره ولدتها تزاعلت مع أمها وصار في مشاكل
ولدت قيصريه بدون حضور أمها لا الولاده ولا النفاس كان أمها ميته اللهم نسألك السلامه ومثلي بالضبط ما ساعدوها آلا اهل رجالها
الدنيا دواره الإنسان لازم يراعي ظروف الناس عشان هو ما يضمن ظروفه

تذكرت وقت اللي كنا نبني البيت كان راتب زوجي كله فيه وذبحنا الفقر بعت ذهبي كله وصار يمر العيد بدون اشتري لبس كنت اتهرب من الجمعات والمناسبات وكان لبس عيالي مرره بسيط كان تمر السنه ماطبيت السوق واكلنا بس معلبات ولا نذوق اللحم المهم قعدنا ٥ سنين نبني بالبيت لانه كبير ماشاءالله وظروفنا زفت بس الحمدلله كنت راضيه وشاكره لله ولا عمري اشتكيت لا احد بس اهلي الله يهديهم وخواتي بالذات وبعض الناس كانو يتشمتون بلبسي ولبس عيالي انا كنت اتحمل بس بنتي ياعمري دايم تبكي
وسبحان الحي القيوم تمر السنين الخمس وينتهي البيت وتخلص الديون انتهى القرض اللي من البنك ونزلت فلوس البنك العقاري لنا واثثنا بيتنا احسن اثاث وتغير حالنا من الفقر الى الغني وشريت ذهب لي ولبناتي ولبسنا من احل. واغلى لبس وشرينا سياره جديده وجبت خدامه لي وانعام ربي لك الحمد والشكر ودايم اذكر بناتي بوضعنا اول واللحين
طبعا بتقولون وش صار على اهلك واخواتك
اللي صار وضعهم مثل ماهو عليه بيوتهم الاوله ماتغير فيها شي قديمه ولبسهم جدا عادي واوضاعهم بسيطه مرره وثنتين ضعيفه مرره
ربي لك الحمد والشكر والفضل لك وحدك دايما يجي على طرف لساني ابقولهم تذكرون يوم كنتم تظحون علينا اللحين شوفو وضعكم ووضعنا بس اتعوذ من الشيطان واسكت على شان مايبلانا الله

والله العظيم ضحكت على اختي عشانها موسوسه
ماتمر سنه الا وربي. بلاني بنفس بلوتها
وعاد هي ذكرتني قالت شفتي يوم تضحكين علي ربي بلاك
ياااااارب اغفر زلات ألسنتنا وتب علينا انك انت التواب الرحيم