لــــــــــــــرفع,,,,

لااله الا الله محمد رسول الله,استغفرالله واتوب الية

جربي العسل وزيت الزيتون
أنا ماجربت
لكن الله عز وجل ذكر في كتابه الكريم أن العسل شفاء
وعن رسول الله صلى الله عليه وسلم أنه قال عن زيت الزيتون
ائتدموا بالزيت و ادهنوا به فإنَّه من شجرة مباركة ٍ " رواه ابن ماجة
وكذلك السدر الذي نصحنا به رسول الله صلى الله عليه وسلم
أيضا قرأت عن عصارة الصبار وفوائدها
اجمعي بينها وورتبي لك جدول بحيث تستخدميها بشكل منظم وشبه يومي
المهم الصبر وعدم استعجال النتيجة والحرص على اختيار
نوعيات جيدة من العسل وزيت الزيتون والسدر
والله يكتب لك الشفاء

ااااااااااه من الكلف اللي معقدني من فترة المراهقه وهو مرافقني ماخليت ولابقيت شي ماحطيته حتى التقشيرسويته في المملكه وخارجها وكل اللي سواه ان زاده اكثر من قبل وكل ماسمعت عن كريم كتبته ومن الياس شي اشريه وشي اطنشه لين حملت وخفت من الكريمات وقلت هو راح يزيد اصلا من الحمل فقلت استغل فترت حملي واستخدم اشياء طبيعيه ان مانفعت ماضرت ***** الله وبديت احوووووس في هالمنتدى واجمع خلطات واجرب والله يجزاهن خيراللي دلني على هالخلطات ويجعله في موازين حسناتهن ولا يعانن اللي عانيته اللهم امين وللامانه ماني متذكرتهن المهم كلها خلطات طبيعيه ويبيلهاصبر وطولت بال انا لي عليها الحين خمسه اوستة اشهر والكلف خف بشكل كبيييييير مع انه عندي قوي وعميييييق المهم مالكم بالطويله الخلطه الاولى للكلف المستعصي وترى مقاديري عشوائيه تحطين شوي خميره عاديه يعني حقت الاكل وشويه نشا وشويه حليب انا احيانا احط نيدو واحيانا حليب صافي الموجود يعني والشويه تقريبا قد ملعقه صغيره حقت الحلى وتحطينه على وجهك ماعدا الانف وبعد نص ساعه تغسلينه بمويه او موية ورد الموجود يعني انا احطها يوميا واحيانا افوووت ايام مااحطها بس والله نتيجتها عجيييبه من ثاني اسبوع والخلطه الثانيه اعتقد تعرفونها اللي هي حلبه وزبادي وبرضه نص ساعه وتغسلينها بمويه ويوميا بس حنا الكسل ذابحنا وغير كذا احط زيت اللوز المر لان ماقعد احد ما مدح فيه احطه ساعه اوساعتين واحيانا اذا صرت عند اهلي انام وهو عليه وكماااان احط جلوسوليد الاحمر تعرفونه طبعا احطه ساعه اوساعين واغسله باي غسول بس والله وكلمة حق وعن تجربه قديمه فضييييع هالجلوسوليد بس مشكلته يبيله صبروانا ماكان عندي صبر لكن الحين ماوراي شي طول فترة الحمل استخدمه وبعد احيانا امسح وجهي بعصير برتقال واحيانا عصيرليمون على الفضاوه واشرب موييييه كثير واشرب يوميا شاهي اخضر واكل سلطه واكل اول ماصحى ثلاث حبات مشمش مع كاس حليب وهذي الوصفه من اخصائية بشره المهم بشرتي الحين صارت احلى بكثثثير من قبل وهذا وانا حامل وحاله وماشاءالله ماتقولين حامل عكس حملي الاول الحمد لله والشكر مع انه كان اول حمل وانا لسا عروسه لكن الحين الف الحمدلله والشكروهذي تجربتي سردتها لكم سرد وسامحوني كتبت قصة حياتي وطولت عليكم لكن والله ابي الفايده لكم ماابي احد يعاني اللي عانيته مع الكلف الله يزيله عني وعنكم على خير عاجلا غير اجل اللهم امين

هلا حبيبتي عندي رابط لموضوع يمكن يكون حل
http://forum.hawaaworld.com/showthread.php?p=26448868#post26448868

نفس المعاناه يارب شيله صرت اذا اكره وحده ادعي عليها بالكلف