السلام عليكم ورحمة الله وبركاته
مساء الخير اخواتي
اول : شيء حابه اشكر كل من سألت عني ودعت لي في ظهر الغيب
ثاني : شيء بعض الاخوات طلبو مني انزل مواضيع جديده بعد ان توقفت فتره طويله عن اضافة المواضيع وذلك لظروف خاصه
ثالث : اني اشتقت لكم وحابه افيدكم
نبدا في الموضوع زي ماشفتو في العنوان ( كيف تستفيدين من الليمون الزايد عندك او اللي حاسته رخو وبيخرب قريبا وش تسوين فيه عشان تخدمين جمالك )
المقادير :
الليمون القدر اللي تحبينه
ماء لسلق الليمون
قطعي الليمون قطع الى ارباع او الى اثمان
حطيه في قدر خاص للسلق
صبي فوقه الماء الساخن وحطيه عالنار ينسلق لمدة ربع ساعه الى نص ساعه على حسب رغبتك
انا اخليه ينهري بالسلق عشان استفيد منه اكثر قدر ممكن
يعني نص ساعه
وبعدين طفي النار وخليه يبرد مره
وبعدها حطيه بالخلاط وخليه ينعصر بيطلع لك عصير ليمون طبعا انتي لاتقشرين الليمون خلي القشره لان فيها فايده اكبر من الليمون نفسه
وبعد الخلاط جيبي مصفاه وصفي العصير
وارمي التفل وخلي السايل اللي صفيتيه
حطيه في قاروره بلاستيك وضيفي له فنجان ماء ورد واحفظيه في الثلاجه
ووقت ماتحتاجين تخلطين خلطه طازجه رجي القاروره وخذي القدر اللي يكفيك
الان نجي للخلطات اللي ممكن تستفيدين من الليمون فيها :
خلطه 1:
الجليسوليد +زيت اللوز الحلو +فنجانين من الليمون اللي حضرناه سابقا ممكن تضيفين لهم م ك فازلين عادي
للجسم كامل توحيد وتفتيح وتنعيم
خلطة 2:
م ص زيت جنين القمح + م ك جلسرين سايل +2 م ك من الليمون اللي حضرناه
تفتيح وتنعيم وتوحيد اللون بشكل غير متوقع
خلطه 3:
1م ك من الليمون + 1م ص عسل +م ص جليسرين سايل او زيت زيتون او زيت لوز اي واحد مر او حلو
هذه للوجه والرقبه يوميا او كل يومين حسب فراغك وحاجتك يصفي البشره وينعمها ويزيل البقع
خلطه 4:
فنجان ليمون + 2م ك سكر + م ك ملح خشن مطحون + زيت زيتون او زيت لوز حلو
هذه بعد الشاور حلوه عباره عن سنفره ومرطب في نفس الوقت
تفتيح البشره وتوحيد اللون
خلطه 5 :
ليمون + زيت زيتون او زيت لوز حلو او جليسرين سايل
لكامل الجسم لتوحيد اللون وتنعيم البشره
واللي تبي اي استفسار تسالني انا حاضره
وارجو انه ينال اعجابكم
NOOR AL_HUDA @noor_al_huda_1
محررة ماسية
عندك ليمون رخو .. او زايد عن حاجتك وخايفه يخرب تعالي اعلمك وشلون تستفيدين منه لجمالك
30
3K
يلزم عليك تسجيل الدخول أولًا لكتابة تعليق.
الصفحة الأخيرة
جاري التجربه