عندك مشاكل بالأسنان و معد تلحقين على المصاريف؟

السلام عليكم

حابه أفيدكم بشي ما كنت ادري عنه

انا في الأصل استحق العلاج في المستشفيات العسكرية
و كبار الضباط كمان

بس اولا مواعيد الاسنان عندهم مو بس بالأشهر
احيانا بالسنوات

و زوجي للاسف ممكن يرفع السماعة و بطرف اصبعة يضبط امورنا بس ما يسوي كذا الا للناس
بس أهل بيته لا

المهم
ولدي الله يصلحه اشتغل بشركة و صار عندة تأمين صحي لي
رحت الحبيب و كشفت على أسناني

و ياليتني ما دريت

مأساه

يمكن 6 أسنان يبيلها شغل و الا خلع

اشتغلوا على سن
و قبل ما يخلص خلص التامين

المبالغ شي يخوف

بالصدفة
وحدة معترفة عليها قريب قالت ان بنت اختها طالبة في كلية طب أسنان الرياض
( كلية خاصة لها 3 فروع بالرياض )
و انها تحتاج احد تشتغل عليه سحب عَصّب

قلت خل اروح و اشوف


ايش لقيت؟
مبنى كله طلبة و طالبات في مستويات مختلفة
يكشفون عليك و يقيمون اسنانك و يشتغلون الي تبين

المميزات
اولا ان المبلغ الي تدفعينه تقريبا 10 الى 15 ٪ من المبلغ المطلوب بالحبيب ( سحب العصب كلفني في الحبيب تقريبا 1700 ريال و عندهم مع التنظيف و الاشعات تقريبا 170 ريال )
ثانيا كل خطوة تسويها الطالبة لازم تشيك عليها الاستشارية و توقع انها اشتغلت صح و لو شغلها مو مضبوط او يبيله دقه تشتغله نفس الاستشارية

العيوب
انه خصوصا اذا الطالبة مستوها التعليمي مو كثير ( سنة ثاني او ثالث ) و لانها تضطر تشتغل و توقف بانتظار موافقه المشرفة ، يأخذ الشغل وقت طويل ( اقصد اكثر من موعد ) يعني الي ممكن يتسنى بموعد واحد عند طبيب متمرس ممكن يأخذ موعدين او حتى ثلاثة لان أوقات كثيره تكون انتظار بين الخطوات و مرور الاستشارية

الي لاحظته و انقهرت اني اعرف كثيرين عندهم مشاكل بالأسنان و لا راحوا بسبب السعر الغالي
و لمن شفت المستشفى لقيت ان المرضى 90 ٪ اجانب

عموما
استفسرت اذا ممكن افتح ملف و انا ما اعرف طالبة
قالوا ايوه
بس جيبي بطاقتك الاحوال او الإقامة للاجانب و يكشفون عليك و يحولونك بحسب الحالة و بحسب الإمكانية

طبعا بعدها اكتشفت انه كمان فيه قسم الي يشتغلون فيه كلهم طالبات امتياز و طبعا شغلهم يكون كثير أسرع لان الاستشاره تكون فقط وقت ما تبي تتاكد من شي او لو انتي اعترضتي و حبيتي رأي ثاني ( رفضتي تخلعين سن مثلا )
و فبه قسم ثاني متخرجين حديثا اعتقد

حبيت أفيدكم

الحقوا اسنانكم و الحقوا جيوبكم :icon29: