عندك مشكلة بالفرن والكيك محلوله

مساء الخير أخواتي وبناتي
أشوف كثير يتشكوا من أن الكيك ما يضبط معهم مادري ليش رغم أن أفرانهم ما شاء الله آخر صيحة مادري ليش ؟
الأمر سهل وكل وحده تعرف فرنها وتتأقلم معه شوفوا حبيباتي أنا سكنت بيوت إيجار كثير وكل مره فرن شكل وما صادفت مشاكل الحمد لله والكيك أسويه أشكال وألوان ويطلع ماشاء الله من أول مره لكن عندي مبدأ وهو
* درجة الحراره أحطها على 160 درجة مئويه للكيك أقصى حد 180 درجة مئويه وللخبز مابين 180 و220 .
* الشيء المهم ويمكن راح تستغربوا منه هو تسخين الفرن جيدا من قبل أنا ما أسخن أبدا لا للحلويات ولا للخبز ما أرغبه أعطي لداخل الكيك وقت عشان يستوي قبل ما يحمر الكيك من الخارج بالعكس إذا سخنته يخرب الشيء ، من برى ينحرق ومن الداخل ما يطيب يبقى معجن ، أشعل الفرن دقيقتين يدفأ الفرن وأدخل الكيك أوالخبز مباشرة وأغلق باب الفرن.
*بعدها ممنوع منعا بااااااااتا فتح الفرن لحد ما تشمي ريحة الكيك وتلاحظي من زجاج الفرن أن الكيك إحمر ودوري القالب عشان يحمر متجانس وكملي طهي كم دقيقة لحد ما يصل درجة إحمرار مناسبه وطلعيه .
*بالنسبه لتشغيل الفرن عن نفسي أشغله من فوق ومن تحت بنفس الوقت من أول لآخر الطهي وأحط القالب في المنتصف.
وإذا فرنك يشتغل من فوق أو من تحت وما يشتغلوا مع بعض بنفس الوقت شعليه من تحت وحطي القالب مو بالمنتصف في الرف فوق المنتصف (إلا إذا كان القالب نوعه من الزجاج الشفاف حطيه بالمنتصف لأن القالب زجاجه ما يمتص الحراره كثير ما ينحرق الكيك من تحت )والخمس دقائق الأخيره شعلي الفرن من فوق وحطي القالب بالمنتصف لحد ما يستوي نهائيا.
أتمنى أكون أفدتكم بخبرتي جربوا نصايحي وطريقتي وما راح تندموا سلام