عندك مشكلة مع زوجك تعالي بكلمة راس

السلام عليكم و رحمة الله تعالى و بركاته

ما بطول عليك ابيك بس بكلمة راس دقيقة فقط اقري هالسطور

من غير رمي احكام على اي احد و من غير كلام طويل

زوجك يعصب عليك ما يحترمك؟
زوجك يضربك؟؟ عنيف جدا ما يتفاهم؟

زوجك ماكل حقوقك و لا ساءل عنك ؟

زوجك يهينك قدام الناس و الاهل و لا سال فيك؟

زوجك بيتزوج الثانية و الثالثة و المليون بدون سبب حقيقي و بس كذا لعاب و يبي يقهرك؟

زوجك ما يخاف الله فيك ؟


الحقيقة انا موضوع مو عن زوجك ... ايوا لا تستغربي

كل اللي ابي اقوله كلمة وحدة ... شايفة ولدك الصغير راح يكبر و يصير شخص ظالم مثل زوجك او مثل اي زوج ظالم اذا ما ربيتيه عدل

اذا انت مو ساءلة عن ولدك و تشوفين من حقه يسوي كل اللي يبيه لانه رجال راح يطلع مثل زوجك اللي قاهرك بالظبط و يمكن اسوا

حقيقية انا نفسي ما اعرف شو الحل لزوجك ابو المشاكل ما عندي غير الله يعينك و يهدي النفوس

انا كل اللي بقولك اياه من شب على شيء شاب عليه

لما ولدك يضرب بنتك باستمرار و انت تتركيه لين ما يكبر و يتعود انه شيء طبيعي يهين اللي حوله و ما حد يتكلم معه بيكبر و يشوف من حقه يمد يده على الاوادم
لما ولدك يشتم اصحابه و يجالس ناس سيئين بيكبر و يصير راعي سجائر و شراب و طلعات لاخر الليل و ما حد بيقدر يساله و لا حتى انت
لما تتركي كل الحرية لولدك بدون قيود انت بكذا تظلمينه لانه ما يعرف يوجه نفسه و هو صغير و بيكبر و لا يقدر يسيطر على حياته و يحس بالفشل
لما انت تتركي ولدك بالساعات في الشارع مو عارفة وينه و وش يسوي بكرة لما يكبر و يرجعلك 6 صباحا لا تصارخي و لا تزعلي

باختصار تربيتك اليوم لولدك هو سلوكه كرجل بكرة .... و اسوا ما يكون التعديات اللي تحصل على اخواته بحجة انه ولد خافي الله في تربية عيالك
اذا ربنا ما وفقك بزوج مخلص او حياة زوجية هانئة حاولي ما يكبر رجال اخر يشبه ابوه
الام هي وحدها من يقرر كيف يكون رجال المستقبل و للاسف الكثير من الامهات ما تدرك هذا الشيء
سوء تربية الاولاد بالذات هو اكبر عقاب للمراة نفسها فيكبر و يكبتها اكثر و اكثر

و بس لاعت جبدي من اللي اشوفه
هدانا الله و هداكم.