خلطاتي كلها مجربه وسهله وطبعاً كلها من دفتري الجميل اللي اسجل فيه اي شي سهل ويعجبني واجرب على نفسي وعلى خواتي واذا شفت نتيجه حلوه نقلته لغيري واذا لا شقيت الورقه وانتهى هههههههههههههههههه
وطبعاً صار عندي خبره كبيره الحمدلله
حياكم بنات وان شاءالله تستفيدون
1) اول شي تعملي شور محترم
وتسوي تقشير لجسمك بكريم كاب افضل مقشر استخدمته بحياتي
وتلبسين القلفز اللي من بدي شوب << حلو مره
وتفركين جسمك بخلطتك الصابونيه
انا اعتمد على صابونة البابايا
وصابون كركم
وصابون غار
وماء ورد << اخترعتها واعجبتني نتايجها
نظافه وتفتيح
وفي الفتره هذي تكوني حاطه ماسك لوريال على شعرك من جد بنات شي عجيب من تجربتي وتجربة امي وخواتي يعطي شعرك نعومه مو طبيعيه
وفيه كذا نوع لها بس هذا لنعومة الشعر يطلع شعرك رووعه بعد الاستشوار يسهل عليك الاستشوار بعد
وفيه ماسك مغذي وماسك معالج
كلها ججربتها وكلها رووعه
وبعدها تآخذي ليفه ناعمه وتحطي فيها شوي من جل دوف للإستحمام اللي بدون عطور تغسلي جسمك من الخلطه الصابونيه
واذا خلصتي رطبي جسمك بزيت اللوز والجلسرين او اي مرطب انتي تحبيه بس مرطب عميق وقوي
2). نجي لقناع للوجه
القناع يناسب البشره الجافه واذا بشرتك دهنيه ضيفي لها عصير نص ليمونه
ملعقه زبادي
ملعقه عسل
ملعقه طحينه
طبعاً تغسلين وجهك زين
وبعدها تحطين القناع لمدة نص ساعه وبعدها افركي وجهك شوي شوي
وغسليها
شوفي كيف بشرتك بعدها واذا استمريتي ماراح تصدقين النتيجه اللي راح توصلي لها
فوائد القناع
يعطي نظاره للبشره ويصفيها ويفتح البشره
الطحينه
تصفي البشره وتفتحها
العسل
يعالج كثير من مشاكل البشره اللي منها الحبوب والنمش وينقي البشره ويخفف ظهور التجاعيد
الزبادي
وياكثرها فوايده منها يشد البشره ويسكر المسام و يعتبر مرطب قوي للبشره ومع الاستمرار يخلي ملمس بشرتك نااعم يشيل الشحوب ويعطي البشره نضاره ويفتح لونها
وبس شفتو كيف اشياء سهله ومتوفره في كل بيت والفوائد لاتحصى
3) نجي للشفايف
لأن اهم شي في البنت شفايفها تكون صحيه
عكر فارسي
زيت الجلسرين
زيت جنين القمح
زيت اللوز
مرطب طبي للشفايف تلاقينه في الصيدليه ومو غالي وبالنسبه لي افضل مرطب هذا
جداً جميل بالصبار
وعلى فكره فيه معجون اسنان من نفس الماركه اتوقع اسمه آلو دنت روووعه << طلعنا برا الموضوع
الطريقه
تكسرين المرطب بالسكين وتحطيه في المكرويف الين يذوب
وتحطين عليه نص غطاء من كل زيت وشوية عكر فارسي
واذا ماتوفر عندك اي واحد من الزيوت استبدليه بزيت الزيتون
حطيه في علبه واعتمديه مرطب يومي لشفايفك
حطيه بالليل على شفايفك وشوفي اذا صحيتي كيف يكونو
بنات انا كنت ابيع الخلطه هذي بس اضيف لها بعض من اسراري
بس الطريقه هذي جدا جميله وسهله قلت اكتبها لكم تستفيدون من باب حب لأخيك ماتحب لنفسك
و كذا وحده تمدحها من زمان ومن خلال تجربتي لها اقدر اقول افضل مرطب وعلاج للشفايف التعبانه او حتى الغامقه راح يصير لونها وردي مع الاستمرار
وعشان يكون موضوعي متكامل ماننسى اهم شي
4) الاظافر
عندي لكم طريقه حلوه وسهله
صفار بيضه وحده
3 ملاعق زيت زيتون
3 ملاعق خل تفاح
الاشياء هذي معروووفه بتقوية الاظافر ويطولها وعلاج للأظافر الهشه وتقصف الاظافر
تخلينها على اظافرك وحوالينها ربع ساعه او ١٠ دقايق وتغسلينها وكرري الطريقه هذي
وان شاءلله ماتجي المناسبه الا وانتي قمه في الجمال والانوثه
اشجاان
،، منتديات عالم حواء
بنات اللي بتنقل الموضوع تذكر اسمي والمصدر رجاء مااحلل اي وحده ماتكتب اسمي