=عندك نصيحه طبيه لا تبخلين علينا فيها= الكل مستفيد هنا !!

..*.. النصيحه الثانية ..*..

الي تعاني من آلآلآم في البطن مغص مو مغص حموضة ..... الخ من آلآلآم البطن الي ماتنتهي

أنصحها تاخذ لها حبة مرهـ قد حبة الحمص ماهيب كبيره يعني

وتذوبها في علبة مويه صغيره على قد الحبة كل ماكبرت كل ماكانت العلبة أكبر

حتى يطغى طعم المرهـ مو الموية

وشوفوا الراحة شلون :)

حتى الي تعاني من انفاخات في البطن .. أو هوا

فـ هو حل فظيييييييييييع ,,, يالله وادعوالي إذا عجبتكم النتايج :)

اقتراح جيد وعلشان يكون مرجع للاستفادة من الوصفات الشعبية ..
وياليت تكون من الاعشاب اللي نكون مجربينهم بانفسنا...مشكورة اختي على
هالفكرة...
انا عندي كم وصفة بس مااتذكر هالحين الا ثلاث واذاذكرت شئ برجع أكتبه..
وفعلا المره لها مفعول عجيب للمغص والكحه...

1عند الاحساس بمغص يضاف محتويات كيس لبتون الى نصف كاس ماء بارد
ويشرب ..يسكن المغص بسرعه.

2
للتخمة وبعد اكل وجبة دسمة ( أحيانا خاصة الأطفال بعد اكل الدسم يصابون بتخمة وعسر هضم) توضع قطعه من الحلتيته صغيرة جدا جدا بحجم بذرة الليمون داخل قطعه من التمرلاخفاء طعم الحلتيته وتبلع بدون مضغ ويشرب معها ماء مثل طريقة تناول حبة البنادول..

3
عند ظهور فطريات بالفم نحمص حب بن مع قطعة مرة صغيرة على النار لين تصير غامقة بالمرة وتطحن بمطحنة القهوة حتى تصير ناعمه وتوضع على الفطريات وتترك بالفم لمدة بسيطةعلى حسب المدة اللي تقدرون تحملونه ثم تغسل..وتكرر كم مرة باليوم حتى تختفي الفطريات...

وما تشوفون شر ان شاء الله..

..*.. النصيحه الثالثة..*..

هالنصيحه مفيدة للي يحبون الطلعات والتماشي كثير

سواءً أماكن بعيده أو قريبة

وبما إننا في موسم بر ... حبيت أفيدكم بهالشي

للتسممممممممممممم

الي يعاني من شي اسمه تسمم والمعده ماتتقلب اي اكل في مكان غريب

فـ أنصحكم بحاجتين

وهي : البـــــصل + الليمــــــــون

أدري البصل ريحته كريهه بس فوائده بالمحافظة على الصحة والمعدة بالذات كثيرة

مهما كان الأكل مجرثم ومهما كان المكان مو مضمون وأخذتي معك

البصل والليمون واكلتيه مع الاكل بإذن الله ماراح يضرك شي

خصوصاً الأطفال الي معدتهم ماتتحمل تغير الاكل والمكان

فـ عودوا أطفالكم عليهم ... انا الحمدلله اخواني الصغار نقطعه لهم صغار وياكلونه

طبعاً من خلال التشجيع فلان شاطر فلانه سبقتك مين ياكل قطعة بصل اكثر

ووووو بـكذا راح تنسين شي اسمه ماما بطني يعورني <---- اصلح مقدمة برامج :icon28:

الشامانه حياك الله بأي وقت

وشاكره لك إضافاتك القيمة ... أضفتها للخلطات الشعبية عندي ;)

الله يجزاك خير

ألام الضرس والأذن
عليك بوضع إصبعك على موضع الألم وقراءة المعوذات بإذن الله يخف الألم
مجرب