الله يعين
انا يمر عليا شهوور اقعد بدون شغالة .... تعب جسدي ونفسي
و احس ما في فرق بيني وبيني الشغالة
طول اليوم كرف واعصب عى الولاد
لكن مع الوقت وتنظيم الشغل والاستغفار والتسبيح
ربي بيقوينا وبيصبرنا

انا الآن عندي شغالة مالها شهر
متعبتني نفسيآ شغلها اي كلام وكبيرة في السن

عقلي يقولي اطلعها

بس كل ما اتذكر الكرف و التعب

اقول هي احسن من غيرها واقعد ادللها

الله يخارجنا

حبيبتي مافيه شي مثالي 100٪لابديكون فيه ثغرات

واحنابشرلازم نتعب ولازم يكون لناحق في الراحه...

يعني انت نظفي واهتمي بس بحدودالمعقول..لاتقارنين نفسك بمثل وجودالشغاله عندك..اهي فاضيه وماوراهامسئوليات عشان كذاالبيت تمام التمام

لانك انت تهتمي بزوجك ونفسك واعيالك والباقي علي الشغاله...

راح اقولك اسلوبي في حياتي وماني انسانه مثاليه لابدمن الخلل خاصه ايام الدوره...

اقوم على صلاة الفجرواصلي طبعاواجهزفطورنا...

بعدمايروحوللمدارس وزوج للدوامه استلم البيت...علي طول..وطبعالبيت لويتنظف يومياماراح تتعبي فيه كثيرباذن الله...طبعاالصغاريرفعون

الضغط وفوضويين الله يصلحهم،،،

المطبخ ماراح يكون فيه الاغراض الفطورحطيهافي الغساله على طول،،،،انتهينامن المطبخ مبدئيا..

امسكي قسم الرجال وطبعابالنسبه لي قمة المتعه والسرعه لانه مايحتاج كرف كثير...اكنس وامسح الارضيات والطاولات والكنبات والستاير وانت بكرامه اغسل دورة المياه وطبعانااحط في السيفون معطرات وجل عشان يبقي طول الوقت ريحته حلوه وانظف المغاسل وارتب السلال وخرابيط المغسله تعرفين..............الخ والاسياب والمداخل والابواب...

اقفل قسم الرجال....عشان مايصيرفي خبركان اعيالي اي مكان مفتوح يعثون في الارض فساد...قبل ماكنت اقفله وطلعوروحي....

استلمي قسم الحريم اذاعندك قسم خاص فيهم ونفس الشي زي ماسوييتي في قسم الرجال وقفليه...

طبعاغرفة الطعام الحمدلله تمام التمام لان انظفهاعلي طول اول مانخلص من الغداوالعشافمااتعب فيهاابدا....والفطورنفطرفي المطبخ عندي كونتروكراسي....

جينالاغث شي وهومكان الدمارالشامل مكان جلستناهذاعاداكرهه كره المووووووت يتعبني بصراحه انظفه تنظيف سطحي لانهم راح يدمرونه فاخليه قبل مايجي زوجي بربع ساعه وانظفه تنظيف عميق واعطره...يعني هذاالمكان اربع وعشرين ساعه غثا...

انظف الصاله والاسياب والحركات الموجوده فيها....

خلصنامن الدورالارضي...

فوق علي طول ابدل المفارش وامسح الارضيات واعطرالغرف والحمامات وانت بكرامه..واجمع الملابس وعلي السله ...

اطلع فوق لغرفة الغسيل واحطهم في السله...طبعاانافي اثناشغلي تحت ويكون عندي شي احتاج اغسله احطه في الغساله في نفس الوقت اللي

اشتغل فيه تحت لان غسالتي ونشافتي اوتوماتك..بس لازم اول ماتوقف النشافه تروحي تاخذي الملابس وتعلقيهم في الدواليب عشان ماتحتاج

كوي عميق...

شفتي هالشغل كله الحمدلله اخلصه بدري مره لانه يومي وماراح يتعبك ابدا...

نجي للاشياالاسبوعيه اواللي كل اسبوعين خصصي لك يوم تغسلي فيه الستايروالمفارش والمناشف والاشيااللي تحتاج تنظيف مثلا يوم الاثنين

تغسلي كل ستايرالبيت...الاسبوع اللي بعده يصيرالاثنين تغسلي كل المفارش...الجمعه من كل اسبوع المناشف لانهامهمه....وتكرري هالجدول

طبعاالشي يصيرسهل لوعندك الغساله والنشافه الاتوماتيك بس غيره شوي صعب وعن تجربه...

امابالنسبه لغرفة الالعاب اجبرهم يرتبونهاوالاعاقبتهم وقفلتها..هههههه...

الحديقه لوعندك اوالحوش بصراحه اناكل جمعه بس اهتم فيها...

وراح يكون عندك وقت تتصفحي شوي النت واذاجات الساعه 12زينت غدااعيالي لان ابوهم مايجي الامتاخر...اغديهم واطقطق شوي علي

النت بعدين ازين غداابونا.....وفي نفس الوقت اغسل المواعين واول مانخلص انظف غرفة الطعام وارتبهاوامسحهاوانظف المطبخ وامسحه

تمام...وازين قهوه ونجلس مع بعض لين ننااااااااام الوقت اللي يعجبنا...

ولله الحمدفيه وقت اهتم في نفسي واعيالي وزوجي ونطلع عادي....

علي فكره اناطول مااشتغل مااستغني عن الاستغفارمره حلووووو...

وعشان اعيالك يريحونك من ماماساعدينافي التغيير...

قسمي الدواليب اقسام للملابس الداخليه لوحدها....البجامات لوحدها...ملابس البيت لوحدها...ملابس الطلعات لوحدها...والشباشب والجزم في

الجزامه....والشراريب حطي الفردتين جوات بعض عشان مايغثوك جيبي وحطي...

وانت قبل ماتبدين شغلك حطي كريمات علي جسمك وقبل مايجي ابوالشباب تسبحي وتعطري والبسي...

يمكن الكلام كثيربس لوطبقتيه راح تحسي انه سهل باذن الله...

وادعي ربي يهون عليك...وانت لوحطيتي في بالك انك ماتقدرين وتعب راح تتعبي اصلانفسياقبل ماتبدي...طنشي كل الافكارالسووداويه وراح يعينك ربي...

طبعاانامااقولك ان ماشاالله ...والله يجي ايام اكره عمري فيها...

وانابصراحه اعطي نفسي يوم اجازه هههههه الشغالات مواحسن منا....

اخليهم يعتمدون علي اعمارهم فيه...ونطلع من بيتنالبيت اهلي....

الانسان مخلوق ضعيف يمل ويتعب فلاتكلفي نفسك اكثرمن طاقتها...ولاغيرك كلام بعض الحريم....السعاده موبلكرف اربع وعشرين سااااعه..

تجيك وحده تتفلس لازم يوميااغسل مفارش وستايرومدري ايش....والله لوانهااله يمديهاخربت....

ادري فقت راسك هههههههه....

ودعواتكم لي ولعيالي وزوجي بالشفااااااا

الحمد لله ماتذمر كثير من شغل البيت لاني مستحيل اقعد بمكان مكركب اعصب وتشين اخلاقي
عيالي اربعه الصغنونه عمرها 10 شهور احط لها طيور الجنه علشان تتلهى فيها والباقين اشغلهم معي كل يوم مايمر يوم بدون مايسوون شيء
وانا ارتب اول باول واليوم اللي يكون زوجي مو عندي اشتغل على راحتي التنظيف العميق يعني مثل دولايب الغرف او المطبخ
الملابس ارميها بالغساله واروح اشتغل بشيء ثاني والمسح مثل الجدران والتفزيون والابواب مالها موعد عندي احيانا بدون سابق انذار امسحها ماتاخذ وقت ابدا
الحمام نفس الشيء احط الكلوركس واروح اسوي لي شغله على بال ماياخذ مفعوله
وخليك نحله في بيتك وفي الحركه بركه والله الشغل مهما تعبنا منه يفيدنا مايضرنا
وبعد ماتخلصين تسطحي على الكنبه ونادي اولادك يعملون لك مساج ويدهنونك علشان تسترخين واشربي نعناع وهاتك يارواقه انا كذا نظامي

upppp

رفع