السلام عليكم
ياحريم ودي اطلع ودي اتمشى ودي اتعشى برا مع زوجي
ودي اجي اضحك واسولف معه
ودي اشوفه كاشخ .. حتى انا ماعاد اكشخ وليه اكشخ ولمين
لو لبست احلا ماعندي ماراح يشوفني ولو شاف ماراح يركز
المرض تعبه وتعبني معه ومااقدر اشتكي لانه صاير حساس
ولو حس مجرد احساس اني تضايقت يصير يبكي ويلوم نفسه
نوم زي العالم ماانام لاني من انام اصحى على صوت بكاه تالي الليل يسجد ويبكي
ويقول انا جبته لنفسي انا استاهل سامحني يارب
ويكسر خاطري واسكت واهون عليه واقول بالعكس ربي لوما يحبك ماهداك وخلاك على عماك وتموت ع المعاصي وان المرض محنه وتعدي عشان ربي يكفر ذنوبه ان شاء الله
لي 6 شهور على هالحال حتى وليدي تأثر لان ابوه مايبيه بس مو بكيفه غصب عنه صاير مايبي احد
ولدي صار انطوائي وخايف من كثر مايصيح ابوه عليه ومن ينام ويغفى يروح يبكي عنده ويبوسه يقول ودي ادللك بس مو بيدي
وانا بمنطقه مااعرف فيها احد واصلا لو اعرف مااقدر اطلع لان زوجي مريض وولدي بعد صار انطوائي
ماخلينا شيخ مارحنا له من الشرقيه للغربيه للجنوب للرياض وحتى برا السعوديه وفحوصات طبيه وكل شي مافي فايده مو عارفين وش فيه وهو يلوم نفسه يقول عقوبه من ربي ويلوم نفسه
كاسر خاطري مسامحته مسامحته مسامحته وادعي له ليل نهار واختم القران بنيه شفائه
الي كبري مابعد اتزوجوا وانا مابين زوج مريض ولد تعبان نفسيا وغربه ودراسه وانا ضايعه بالنص اهتم بكل شي وانسى نفسي نسيت شكل الشوارع ونسيت قهوه العصر وقمصان النوم وحتى الالعاب ماعاد شريتها لولدي صار ولدي لما يلعب يجيب لي الزيت ويقول ماما تعبان راح اموت ادهنيني يقلد ابوه صار المرض لعبته
صايره ام واب له حتى لما تجيه حراره ولا يتعب انا اخذ حماي وادور به بالمستشفيات
وانا اتسوق وكل شي
ياصبر اللهم الصبر ابي الصبر
مانسيتك ولا دقيقه @mansytk_ola_dkykh
عضوة فعالة
يلزم عليك تسجيل الدخول أولًا لكتابة تعليق.
روح مطير
•
لا تحطم لوتحطم لك امل اعرف ان الله يبك وابتسم لا تقول الحظ عمرة ماكمل قول اناحاولت و ربى ماكتب
أختي أصبري والله إن شدة المحن وقسوتها دليل قرب الفرج إستمري على الدعاء والقرآن والصلاه
وأبشري أبشري أبشري بقرب الفرج لاتيأسي
لاتشتكي للناس فلن ينفعك أحد غير الذي خلقك هو أعلم بحالك
أسأل الله العظيم رب العرش العظيم أن يشفي زوجك وإبنك ويفرج همك
وأبشري أبشري أبشري بقرب الفرج لاتيأسي
لاتشتكي للناس فلن ينفعك أحد غير الذي خلقك هو أعلم بحالك
أسأل الله العظيم رب العرش العظيم أن يشفي زوجك وإبنك ويفرج همك
الصفحة الأخيرة
خليه يروح دكتور نفسي
يارب يخليه لكم ويشفيه واقري على ضناس وزوجك وعلى نفسكم يوميا