حمامه تائهه @hmamh_tayhh
عضوة جديدة
عندما تحقق الحلم تحطم على يدي زوجي
االسلام عليكم اخواتي حوائيات انا عندي مشكله لها تقريبا خمس سنوات وهي ........................انني متزوجه من تسعة عشر عام وكان هم زوجي انه يمتلك بيت المهم اني جلست كل هالسنوات بدون اي سفرات وبدون اي كماليات وعلاشان ما اكون كفارة عشير كان الاكل واللبس ما يقصر بس ما فيه سفر ولا روحات لملاهي ولا طلعات الا بعد ما نشتري البيت المهم كنت انا وهو بمد وجزر من المشاكل عند هالموضوع اللي ضيع احلى سنين عمري وانا انتظر هالبيت حتى الاثاث اذا قلت ودي اصلح غرف لعيالي قال اصبري للبيت والفرش ما تغير من زواجي حتى الشقه اللي كنت ساكنه فيها اول حياتي ما كان عندي مكان خاص للضيوف كنت اذا جاني ضيوف دخلتهم بنفس مكان الجلسه الخاصه بنا وانتو عارفين مكان جلسة العائله وشلون يصير خصوصا اذا كان فيه اطفال المهم طلعت من الشقه الى دور وطبعا نفس الاثاث لاننا ننتظر البيت وجلست بهالدور ما عندي غرف لعيالي ولا عندي مكان خاص بالضيوف مع ان كان فيه امكانيه اني احط غرفه للضيوف بس طبعا ما فيه اثاث وكنت ما احب اعزم احد بس لهاسبب وفيه ناس كثير قطعتهم لان ما عندي مكان استقبلهم فيه وبعد سبع سنوات بدا يفكر بشكل جدي بالبيت طبعا اللي كان مانعه قبل الماده المهم جلس كم شهر وهو يدور بهالبيوت وبديت احس بالفرحه دخلت قلبي والاحلام تتشكل عن شكل البيت وعن وش بنسوي فيه واتناقش فيه المهم انه لقي اكثر من بيت بس يا مايناسب او انه غالي بالنسبه لنا وكان اذا لقى بيت اعجبه رحت معه علاشان اشوفه ويوم استقر شبه نهائي على بيت كانو اصحاب البيت الى الان موجودين فيه وطبعا هو راح وشاف البيت هو واثنين من اصحابه اللي يثق برايهم وجاء ووصف البيت لي ورسم لي مخطط له وقلت له ابي اشوف البيت الي حلمت انا وانت فيه وضاعت احلى ايام عمري بسببه قام يتعذر لي باسباب غير مقنعه مره قال لي صعبه الناس موجودين فيه قلت له انتم رجال دخلتو عادي اروح انا لصاحبة البيت واشوفه هذ امو شي بنشتريه كل يوم جلس يماطل بي وانا كل يوم اقول متى اشوف البيت وهو يتعذر باعذار غير مقبوله وجاء يوم قال بروح اليوم اكتب عقد البيت انا من الصدمه ما رديت عليه المهم طلع من عندي وبعد فتره اتصل علي وكان طاير من الفرحه كنت احس بالفرحه بصوته وهو يقول خلاص البيت صار لنا واني باستلم البيت بعد شهر من اليوم لان اصحاب البيت بجهزون اغراضهم المهم احس وهويكلمن ما كنت معه وشلون يشتري بيت العمر وانا ما شفته ولا شاركته بالراي ودخلت بحاله من اللا مبالاة وبعد عشر ايام دق علي المغرب وقال اجهزي انتي والعيال بوديكم مشوار قلت وين قال استلمت مفاتيح البيت وانا ما زلت مصدومه وماني مصدقه انه اشترا البيت وبعده طلعت انا والعيال ورحنا ويوم وقف عند البيت نزلو وانا جالسه بالسياره ما نزلت احس ودي اروح لاي مكان الا اني اروح للمكان اللي يسمى بيتي وجاء لي بالسياره وقال وشبك انزلي ونزلت ودخلنا وكنت امشي مثل الاله وكانو العيال فرحانين الا انا كنت احس اني مجروحه وانزف وانا اشوف كل غرفه من غرف البيت وكان كل شوي يناظر بعيوني ويقول وش رايك وكنت اقول بنفسي رايي ماله قيمه الحين خلاص الموضوع انتهى وصار واقع المهم اننا بدينا ننقل وسكنا بالبيت ما غيرنا فيه اي شي اللهم اننا غيرنا الصبغه وكان البيت من جوا يبغي له ترميم من بيبان وسيراميك بس قال انا ماعندي فلوس اصبري الى ما نرد شوي وبعدين نسوي كل شي يعني رجعنا لموال اصبري وبعد فتره من يوم سكنا صار مشكله بيني وبينه ومن شدة القهر اللي بخاطر انفجرت وطلعت الاول والاخير وصارحته وقلت له انت بتصرقك هذا هدمت حلمي اللي حلمته معك واللي كنت اصلي معك استخاره علاشانه قال هذي امور انتم يالحريم ما تعرفون به قلت له انا مااقول لك شاورن بالاساسات لان فعلا الحريم او على الاقل انا ما اعرف به بس اشوف شكل البيت وتصميمه واقول لك رائي المهم قام يتعذر باعذار لايمكن اقبلها بمثل هالموضوع وبعد فتره تناقشت معه عن اشياء كنت اتمناه بحياتي واتنمى الزمن يرجع كان تتغير اشياء كثيره وفتحت معه هالموضوع وهل حس انه غلط بحقي او لا قال اني فعلا غلطت بس بعد ايش والان لي خمس سنوات ساكنه بالمكان اللي يسمى بيتي ولا عمري حسيت انه بيتي ولو يجي بيوم ويقول ابي ابيعه ما عارضت ولو يقول باجره وتسكنين بشقه اقسم بالله ما عارضت والى الان والى ما اموت احس بغصه اذا شفت وحده تتكلم عن بيته وعلى ايش اتفقت هي وزوجه وش بيسون ووش بيحطون واحس بالم بوسط قلبي وحزن ومراره احس بطعمه بحلقي وسالته وقلت ليش سويت كذا رد على بعذر اقبح من ذنب قال خفت ان البيت ما يعجبك وتأثرين علي وما اشتريه والبيت من ناحية التاسيس جيد ومتين قلت له اقسم بالله لو انك خليتن اشوفه كان الحين اشوفه قصر والمشكله اني قنوعه بس وش اقول الاالحمد لله على كل حال وبعد هالسنين افكر وشلون سكت وما تكلمت وسويت اي رد فعل بس انا فعلا ما كنت مصدقه انه اشترى البيت بدون مااشوفه والحين بعد ماراح عمري بالصبر الا محدود اقول الا ليت الشباب يعود يوما والمشكله الى الان ما عندي مكان مرتب للضيوف ولا غرف لعيالي ولا غيرت غرفتي ولا رممت البيت ولا اي شي من الوعود الكاذبه وقلت له هذا بيتك انت ولا هو بيتي وانت جرحتن جرح عمره ما يبرى وان الله وكان كاتب اني اموت قبلك ابيك تعرف وانت تنزلن للقبر انك ذبحتن وجرحتن جرح ينزف طول العمر ومره ثانيه الحمد لله على كل حال واكيد اني طولت عليكم اخواتي بس حبيت اني افضفض لكم واشوف ارائكم بالموضوع وشكرا على سعة صدوركم
41
7K
يلزم عليك تسجيل الدخول أولًا لكتابة تعليق.
روابينا
•
موقفه مو حلو ..ويزعل ...ومن حقك تسوي مشكله لان انت معه طول المشوار ....عزيزتي الحمد لله فعله مو شئ يغضب الله ولا بيه حيله ..اعطاك مبرر لعمله...لان بناءه جيد ..واكيد سعره مناسب ...ويعرف الرجل احلام المراءه مو مثله هو عملي شويه وهو اللي سعى وشاف البيوت وغلائها ..وعرف انت ماراح تقدرين مثله ..انا معه في ذلك ...احمدي الله ونقي نفسك معه وخلي بيتك جنه بالقناعه ..وسببك انك ماتنسين فعلته هذه انا لست معك ...معقوله وين صايره ..ينزلك بالقبر وانت مجروحه ..ياعمري ماتسوى ...وانت ام الصبر ...تجي على الرضا والقناعه والمسامحه تقفين !!!!
انسي ترتاحي وتريحي اللي حولك
انسي ترتاحي وتريحي اللي حولك
هونيها بتهون اختي
معلش شوفي الجانب الايجابي من الامور
صار الك بيت ملك شوي شوي ان شاء الله بتغيري الي بدك اياه وعلى كيفك
هلا دورك احكيله مادام البيت باختيارك هلا من حقي العفش كله يكون من اختياري
معلش شوفي الجانب الايجابي من الامور
صار الك بيت ملك شوي شوي ان شاء الله بتغيري الي بدك اياه وعلى كيفك
هلا دورك احكيله مادام البيت باختيارك هلا من حقي العفش كله يكون من اختياري
الصفحة الأخيرة
احمدي ربك عالاقل صار لكم بيت ملك
وشوي وتتحسن ظروفه وتعدلون بالبيت وتغيرون فيه
كل منا يتمنى يسكن بقصر بس مو كل شي نتمناه نحصل عليه