عندما تخطئ طفله ال6 سنوات ....

السلام عليكم اخواتي بنات حواء..
امس كنت عند صديقتي واختي واقرب وحدة لي..
وتفاجئت لما لقيتها معاقبة بنتها..
طبعا مش عقاب شديد..بس كانت حارمتها من كل شي..حتى من الروحة والجية..
تعرفو ليش؟؟
انا صراحة اول ما قالتلي ضحكت ..يمكن لعدم ادراكي مدى هول هذا الموضوع في لحظتها..بس لما رجعت البيت اتغميت وحسيت انو برج من دماغي طاااااار..
قال ايش..بنتها..ذات الست سنين..قالت لابن خالتها اللي اصغر منها بكم شهر..بوسني على فمي:kiss2: ...!!!
والغريب انو هذي المرة الثالثة اللي تقول فيها شي زي كذا..مع انو والديها عنفوها مسبقا..وحاولو يستخدموا اسلوب المفاهمة والنقاش...بس لا حياة لمن تنادي..
مع العلم انو صديقتي ما تخليها تشوف على التلفزيون الا الكرتون..من قنوات عربية بعد..
وماخذة حذرها بكل تصرفاتها امام بنتها..
طبعا انا قلت يمكن ولد اختك مسوي قدامها شغلات غلط..ويمكن يكون هو كمان متعلمها من التلفزيون..
لان حتى الكرتون فيه مناظر تقبيل واحضان..
فقالت انا مو عارفة اش اسوي معاها..
هيا طبعا مستاءة لخوفها من ان تتفاقم المشكلة..والبنت صغيرة..:(
واللي مزعلها اكثر انو البنت ما اتعظت من اول مرة..بل رجعت لعمل نفس الغلط:44:
!!!!!!!!!!!!!!!!
صراحة انا مو عارفة افيدها بشي..واخاف اقول حل يكون غلط..يعني بصراحة لو انا مكانها كان مسكتها وقطعتها قطع..من عصبيتي:angry2:
فارجو انكم تفيدونا بهالمعضلة ..جزاكم الله الف خير..
بجد هيا محتاجة توجيه..ومتكلة على الله ثم عليكم..
ومشكورين:( :( :(