السلام عليكم ورحمة الله وبركاته
مرحبا جميلات حواء .. اولا الموضوع هذا اتمنى من كل وحده تشارك فيه وتحتسبه عندالله للموجودين حاليا ..وللاجيال الجايه بعدنا ..
بدون لا اطول ..من اللي فينا ماضاقت بيوم من الايام ..او تعقدت امورها ..او تعبت ..او مرضت ..او صار عندها مشكله كبيره ..او أغلقت الحياة بوجهها صخرررره ..
وطبعا من السنه النبويه ان اذا اغلقت عليك هذه الصخره انك تدعين الله بصالح الاعماال كما جاء عن الرسول في حديث ال٣ رجال اللي نامو بالكهف فأغلقت عليهم الصخره ...
خلونا نقول اعمالنا الصالحه اللي دعينا الله فيها وفرجت علينا ..حتى نذكر انفسنا أولا ثم للي بتضيق عليه في يوم من الايام ويدور حل هنا
أببدأ انا اولا ...اذكر بأحد الايام كان عندي عمليه دقيقه جدا وكان دوري الاول فكنت خايفه مرره واصلا يالله لقيت موعد عند هذا الدكتور لان كان عنده زحمه مره ..المهم لما جاء دوري خفت وقمت وهي بنج موضعي فقال الدكتور انا مو فاضي انتظر عندي زحمه ومشغول تبين ولا خلاص قلت عطني دقايق بس ...هنا قعدت اتذكر عمل صالح ادعو فيه ..ولحسن حظي لقيت عمل صالح سويته لله .. والحمدلله دعيت الله فيه وربي لك الحمد سويت العمليه بدون خوف وربي لك الحمد نجحت هالعمليه ...وهو لما كنت بالحج وكنت بحمله مااعرف احد بها كان معي مره كبيره جايه هي وولدها للحج وكان معها ربو المهم بوقت رمي الجمره الاخيره اتفق ولدها مع زوجي انا نروح سوى وكان الطريق طويل للجمره والرجال الله يهديهم مايحسون بالتعب وانا كنت صغيره اتحمل شوي بس هي مره كبيره تعبت بس كانت تسكت ع شان ولدها المهم كل فتره كنت اعبي لها ماء من البردات واخليها تشرب وتغسل لانه كان حر ..وبعده طفنا الوداع وبعده ركبنا الباص حق الحمله..فكانت مجهده مرره ويالله تنفس منكتمه مرره .. رحت وقعدت عندها ..كانت غطوتها ثقيله ..رحت وشقيت من نقابي طبقه غطاء لها وعطيتها ..وشفتها للحين تعبانه فكنت ابكلم زوجي يعلم ولدها رفضت وأمنتني مااعلم ولدها تقول اتحمل لين نأصل البيت ..المهم الباص كان يمشي شوي ويوقف من الزحمه ..فكلمت ع زوجي وقلت اول مايوقف الباص انزل ورح لاقرب صيدليه واطلب بخاخ للكتمه قال وش اسمه قلت اسأل الصيدلي مااعرف ..والحمدلله نزل وجابه ورجع للباص ..وعطيتها واشوى ارتاحت شوي وقدرت تنفس
وبعد ما وصلنا بيوم كانت تكلمني وتدعيلي مع اني مااعرفها ابد .
غريبة دنيا @ghryb_dnya
محررة برونزية
يلزم عليك تسجيل الدخول أولًا لكتابة تعليق.
وعليكم السلام ورحمة الله وبركاته الله بقبل منك ويجزاك خير وييسر أمورك يا كريم. أرجى عمل عملته وأسأل الله به دايم هو قولي اللهم إني أسألك بأني أشهد أنه لا إله إلا أنت وأن محمدا عبدك ورسوله. أن تحققلي ما أتمنى . أو اللهم إن كنت تعلم أني أشهد أنه لا أله إلا أنت وأن محمد عبدك ورسوله موقنة بها أن تحققلي ما أتمنى أو أدعوه بما أ يد. ولا يخيب الله من دعاه. إما اجابه أو دفع بلا أو يدخرها أجرآ عظيم ليوم القيامه ❤❤❤وعليكم السلام ورحمة الله وبركاته الله بقبل منك ويجزاك خير وييسر أمورك يا كريم. أرجى عمل عملته...
آمين وياك ياقلبي
الله يسعدك ع ذكر تجربتك ويجعل ماكتبتي في ميزان حسناتك .. وسنه حسنه تسنينها للي بعدك 💕💕💕
الله يسعدك ع ذكر تجربتك ويجعل ماكتبتي في ميزان حسناتك .. وسنه حسنه تسنينها للي بعدك 💕💕💕
لا يمكنك مشاهدة هذا التعليق لانتهاكه شروط الاستخدام.
امين حبيبتي الله يحفظ لك اولادك ويجعلهم قرة عين لك ❤❤
ام ملك 1 :
ماشاء الله تبارك الله جزاكم الله خيراماشاء الله تبارك الله جزاكم الله خيرا
وياك حبيبتي .. وشاركينا بموقف مر عليك 🌹
الصفحة الأخيرة
الله بقبل منك ويجزاك خير وييسر أمورك يا كريم.
أرجى عمل عملته وأسأل الله به دايم هو قولي
اللهم إني أسألك بأني أشهد أنه لا إله إلا أنت وأن محمدا عبدك ورسوله. أن تحققلي ما أتمنى .
أو اللهم إن كنت تعلم أني أشهد أنه لا أله إلا أنت وأن محمد عبدك ورسوله موقنة بها أن تحققلي ما أتمنى أو أدعوه بما أ يد.
ولا يخيب الله من دعاه.
إما اجابه
أو دفع بلا
أو يدخرها أجرآ عظيم ليوم القيامه
❤❤❤