عندما تقعين في حب رجل آخر غير زوجك ما الحل ؟؟

ادعي ربك وعليك بالبقره يوميا. والدعاء بيقين وصدقيني كل اللي قلتيه بيختفي وحتى حياتك مع زوجك راح تتغير

يداري هواه ثم يكتم سرَّه ..... ويخشع في كل الأمور ويخضعُ
إذا لم يجد صبرًا لكتمان سرِّه ..... فليس له شيء سوى الموت ينفعُ

انتي ذكرتي السبب: اهمال زوجك
حاولي تعالجي علاقتك مع زوجك
بادري انتي واعملي امور تجدد علاقتكم
وابعدي عن الرجل اللي ببالك واقطعي علاقتك فيه

عليك بالدعاء والابتعاد عن كل ما يوصلك بهذا الشخص حسابات تواصل اجتماعي رقم جوالي وخافي الله واعرفي وش راح يصير لك لو لا سمح الله كفشك زوجك...


وملاحظة... ياليت تقرينها كلها حتى لو تبي تزعلك:
تقولين رجل يقدرني ويحترمني... لو يقدرك ما خلاك تخونين زوجك حتى لو بالرسائل... كل الذئاب بما فيهم المبتزين مافيه مثلهم بالبداية.. كل بنت صورت لمبتز وابتزها يوم ترسل له صورها وهي تشوفه الي مافيه مثله ومحترم واخلاق.. يعني تتوقعين تبي ترسل مثلا صورتها لواحد وهي تدري انه مبتز؟ او حتى موب محترم؟وبعدين تطلع بلاويهم وتصرفاتهم وأقلهم واكثرهم احتراما يسحب عليك باعذار واهية...
يعني هذا أقلها لو اخذ منك الي يبيه وشبع ويبي ينسحب يبي يقول لك اخاف اهدم حياتك ولا اخرب بيتك.. على اساس قبل ما كان يدري إنه جالس يخرب بيتها ويهدمه.. وبعضهم يقول هالكلام قبل ياخذ الي يبي عشان تثقين فيه لين ياخذ الي يبي ثم يطبق الكلام على ارض الواقع عشان ينسحب ويدور ضحية جديدة.. طبعا هذا اذا كان فيه ذرة انسانية اما اذا مافيه ذرة انسانية انواع الابتزاز...


الله يحفظنا ويحفظك

يقدرك ويحترمك؟!


تمثيل تقديره واحترامه لك