نبض واحساس @nbd_oahsas
عضوة جديدة
عندما تكونين بموقفني...
السلام عليكم ورحمة الله
كيف حالكم جميعا
..
بنات انا في ضيقه ... وابتلاء من الله .... ومشكله اعاني منها من شهر 6 لعام 1426 الى الان اواخر شهر ثلاثة
... بطرح مشكلتي .... وانتم اعطوني آرائكم... احترت والله ... احس الي انا فيه سببه عين.... لكن ماحد فاهمني
عموما ...بقولكم الي حصل لي بالضبط وانتم احكموا... يعني لو كل وحده كانت بموقفي وش بتسوي
الي حصل
في شهر 5 السنه الماضية رحنا لمدينة اخرى لحضور زواج ... المهم كان وقتها نزول النتائج فــ نفس الناس هذولا الي جيناهم حاطين فكره ببالهم اني انا متفوقة دائما وذكيه الخ
هو فعلا انا الحمدلله متفوقه ... وخصوصا اني قسم ادب انجليزي... فــ بالنسبه لهم هذا انجاز وشئ عظيم.. فــ لمى عرفو اني قسم انجليزي قالو يالله !! انتي كيف ماشيه فيه والا نص ونص... سهل والا صعب ؟؟؟ بدو يسالون
وانا ماحب اوضح كثير.. اقول الحمدلله يعني ..فيه وفيه ...
وهم طبعا مستواهم الدراسي عادي جدا... يعني البنات في نفس هالعائله داخلين مثلا قسم شريعة ولازم يحملون مواد هذا ان ما رسبوا اصلا فأحسن مستواهم نازل شوي.
المهم انا رجعت مباشره للرياض عشان النتائج كانت خالتي عندهم ما رجعت ...أخذت انا نتيجتي ونتيجتها.... وبشرتها وهي برا الرياض(عند نفس العائلة الي اقولكم عليها)
المهم قلت لخالتي انك نجحتي واني انا بعد نجحت بس علي ماده وحده لكن الحمدلله..لانه فعلا القسم صعب والي ينجح منه نعمه...
المهم خالتي قالت لهم انها نجحت قالو لها وفلانه طيب (يقصدوني) قالت عليها ماده قالوا بس اهم شئ نجحت ...... الحاصل خالتي يوم جات قالت لي ترا بشرتهم والله وفرحو لك ..تقول لو تشوفين كيف تعجبو لمى قلت لهم انك نجحي .. تقول اصلا حتى لو انك ماحملتي ولا ماده ..بس بتعجبهم هذا بقولهم امزح حملت ماده ... تقول لأنهم فعلا أحس إنهم منهبلين تقول والله خفت تجيك العين منهم .
المهم في نفس الاسبوع الي بشرناهم فيه والله العظيم احس اني تغيرت ... احس اني اتفشل من أي امر بسيط
مثلا
اختي تكلمني اناظر كذا كان عقلي يفكر بشئ يعني ماركز بالكلام نفسه لدرجه ان امي تسالني مثلا
تقول انتي وين كنتي اقول هاه وينقلب وجهي واجاوب لكن لمى اسال نفسي الحين ليه انحرجت مافيه سبب.. وهذا معروف اصلا
هو سببه مرض نفسي
... فــ كل من كلمني مثلا او سالني او مزح معي على طول انحرج ويبين بوجهي ...
تجي خالتي مثلا تمزح معي ... احس ماعندي قابليه اني اضحك ... على طول ينقلب وجهي .
هذا كان شهر( 6 و 7 و 8 و 9) كل هالفتره حاولت ما اختلط لان اعرف لو اختلط بتعرض لاحراجات شديدة... شهر 10 العيد وغصب علي اتجمع مع الناس... دعيت ربي وخفت الحاله صرت اختلط عادي...وشهر 11 كان نص ونص وبعد 12 نص ونص
لكن رجعت لي الحاله شهر (1 و2 و3)الي هو وقت الدراسه في هذي السنه. عموما الحاله كانت متقلبه احيان تجي واحيان تروح بالاشهر والان بكمل سنه من المعاناه.
الزبده يابنات الي اعاني منه اسمه الرهاب الاجتماعي لكنه بسيط... المشكله الحين
انا افكر ... هل سبب الي فيني عين ... والا لا؟
هل اني اروح لشيخ .....والا اروح المستشفى النفسي هذا؟
انا والله بالقوه صارحت الوالده قلت بروح لشيخ لاني ضايقه وأحس الناس إلي رحنا لهم العام جاتني منهم عين قالت خلاص اقدر اجيب من وراهم شئ( يعني من شئ شربو منه).لكن لحد ألان ما حصل شئ ...
ودي أروح لشيخ لانه بيعرف اذا الي فيني عين والا لا ....
لان سبحان الله (المعيون) يتعب مع القراءه ... مثلا يضيق في وقت القراءه ..او انه يتثاوب كثير... او يصدع الخ
عموما يابنات عطوني آرائكم.... اذا انتم بموقفي هذا وش بتسوون
وادعولي الله يجزاكم خير... انا لحد الان صابره...فسبحان الله الانسان المحبوب عن الله دائما مبتلى وانا والله اني احس انه ابتلاء واختبار من الله ... فعلا فعلا معاناة لكني لازلت متفائلة
حتى اني والله ماشكتيت ولا احد سواء بالبيت او بالكليه ابد... ولا ابي اتكلم اصلا... اكتم واصبر احسن لي
* مستواااي في الكليه بدا ينزل... ماحب اذاكر ابدا... اتعب اذا ذاكرت...
بالنسبه للاحراجات يابنات الي تصير لي في الاجازه ماكانت تحصلي لمى بدينا الدراسه يعني في محيط الكليه ماانحرج وعادي...لكن بعدها انقلب الحال وصار بالبيت وبالكليه ملازمني هالمرض...
وعلى فكره حتى وحده من البنات تقول يالدافوره يالدافوره وانا والله ماحس اني اسوي شئ يبين اني شاطره... فـ حتى البنت ذي ماذكرت ربها...وبعد فتره قالت لي شفيك صايره (مهمله) وعلى الرغم من الي يحصلي من معاناه مع هالمرض والاهمال الي حاصل مني لازلت انجح الحمدلله ولا احمل ولا ماده .... الله مكرمني الحمدلله ... وسبحان الله بنات كثير يذاكرون لكن ماينجحون...
الزبده : الحين انا والله في معاناااه سواء عند قرايبنا الي صرت ماعاد ازورهم ولا ابي اجيهم والا بالكليه بعد الي صرت احاول اني اغيب وافتك من الاحراج ..
بنات ادعوا لي الله يعافيكم... فــ كل انسان بحاجه لدعوة اخيه عن ظهر الغيب...
و أنا ما ستغني عن آرائكم انتظركم على أحر من الجمر....بأخذ بآرائكم وأنفذها إن شاء الله. والمعذرة على الإطالة
23
3K
يلزم عليك تسجيل الدخول أولًا لكتابة تعليق.
حسبي الله العظيم
•
الله يفرجها عليج ويكافينا شر العين انا صارلي نفس موقفج بس انا ماقمت اركز وصعوبه بالحفظ صار عندي من عقب ماكنت اركز واحفظ بسرعه في اخر سنه ثانوي وكانوا البنات يقطون علي كلام شلون تدرسين وشلون لاني متفوقه لي حد ماصكوني عين بالجامعه ونزل مستواي بس حمدالله رديت بعدها عادي اعوذ بالله من العين
اسأل الله ان يزيح همك..
اختي العين حق ومحد ينكر هذا الشئ عشان كذا انصحك تروحين لشيخ يقراء عليك وبكذا بتعرفين
لان اعراض العين واضحه..
وهذا ما يمنع انك تعرضين نفسك على دكتور نفسي واستمري على القراءه وزيارات الطبيب......
وان شاء الله خير..
اختي العين حق ومحد ينكر هذا الشئ عشان كذا انصحك تروحين لشيخ يقراء عليك وبكذا بتعرفين
لان اعراض العين واضحه..
وهذا ما يمنع انك تعرضين نفسك على دكتور نفسي واستمري على القراءه وزيارات الطبيب......
وان شاء الله خير..
الله يستر...........
روحي اقري عند حرمة عشان تاخذ راحتها في لمسك وتحسس الأماكن اللي تشك فيها........
واعتقد انه شيء آخر غير العين(انتي في الرياض؟؟؟؟؟؟؟
إذا تبين رقم راقيه بالرياض....اخبريني.......
الله يعافيك ويوفقك لما فيه الخير.........
روحي اقري عند حرمة عشان تاخذ راحتها في لمسك وتحسس الأماكن اللي تشك فيها........
واعتقد انه شيء آخر غير العين(انتي في الرياض؟؟؟؟؟؟؟
إذا تبين رقم راقيه بالرياض....اخبريني.......
الله يعافيك ويوفقك لما فيه الخير.........
اقري على نفسك القيا الخاصة بالعين والسحر وترى القرآن عموما كله خير ....
إذا عندك وقت اقري سورة البقرة يوميا ترى مفعولها عجيييييييييب.........
إذا عندك وقت اقري سورة البقرة يوميا ترى مفعولها عجيييييييييب.........
الصفحة الأخيرة