الله يخلي لج امج

انا امى طلعت الثالثه السنه المضيه وكانت زعلانه لانها مكرر مع جارتها وتقول انها تحفظ احسن منها بس اهى يعنى الجاره عندها اسلوب مع المدرسات ولا امى الله يحفظها من النوع الحياوى ما اتكلم الا فى دورها والله العظيم انى ضحكت عليها اهى وجارتنا لما يرجعون من المدرسه

الله يحفظ امهاتنا وامهات المسلمين:cool:

تتييييييييييب هي رقت لبرج المملكة والا لا؟

فعلا نسيت اتطرق لعنوان الموضوع ! ! !

يوم نجحت امي جت للرياض لموعد عن دكتور لاخذ منظار لها للمعده - شفاها الله - المهم قبل خروجهم من الرياض مرّت مع اخي مع طريق الملك فهد وقال لها هذه الفيصليه والثانيه المملكه ..

جت فكرة لاخي دون علم الوالده .. وراح للمكلكه وقال لامي نبي ندخل نشوف وشي المملكه - وكان في باله شيء ثاني دون ان يخبر امي - ..

نزلوا من السيارة ومشت مع اخوي وقص تذاكر للصعود لاعلى دون علم الوالده ..

وبعد دقائق واذا بأخي يقول لامي : شوفي الرياض وش كبره ؟.. وشوفي السيارات تحتنا .. ! ! ! !

المسكينه بغى ( يغمى ) عليها من الدوخه وما صدقت اللي تشوفه ..

وقالت : فشلتنا الله يفشلك بين الناس اللي بيقولون وش الحرمه الكبيرة جايه تشوف البرج ..

واعتقد ان الوالده الله يحفظها اكبر ( معمرة ) تصعد الى برج الفيصليه ( ربما هديه لنجاحها ) لا اعلم

----------------------------

المهم في القصه ان الوالده مصرة حتى الامس انها ستعيد الترم كمستمعه وقالت لي : ابعيد الترم واذا جت الامتحانات ((( انسحبت ))) .. ياحبيل قولة ( انسحبت ) من لسانها والله