موضوع وايد حلو

انا اقول للاخت دودي ان الله لا يقوله مره ثانيه اذا صار فيها ضرب ان ما تمد ايدها على زوجها مهما كان عشان بعدين تكسرين خاطره اكثر يعنى عشان يقول بنفسه مسكينه انا ضربتها وهالحجي هههههه
وبعد لان مو حلوه ان المره تضرب زوجها واتمنى ان طووول حياتكم تكونون على اتفاق
انا لو ضربني زوجي مادري شراح اسوي لان مانحطيت بهالموقف صراحه بس ان شاء الله ماامد ايدي عليه بس بقعد ابجي اكيد
احنا ماعندنا غير البجي
انا يسمونى ام دميعه بسرعه ابجي :34:


وعلى فكره انا قريت ان بعض الحريم لو يضربهم زوجهم راح يتركون له البيت
لالالا يا بنات مايصير جذي هذا بيتج مملكتج لاتهدين البيت مهما حصل لانها حياتج ولازم تواجهون كل شي يصير وتحاولين تفكرين بحلول

موضوعكم يهبل انا هذا الشهر بكمل سنتين من زواجي والحمد لله عمره مامد ايده علي بس هو عصبي ولما يعصب اعوذ بالله بس وانا اعمل نفسي مسكينه وها يبكا وشوي ويجي يتاسف وفي ضرب بينا بس مزح يعني وانا غافلة يضربني على ظهري وانا اضربه بس انا الي انهزم لاني ماقدر عليه يده ثقيله وسلامتكم .:19:

موووووضوع يخوف بصراحة




لأني ماأتخيل زوجي يمد يده علي ولا فكرت في الضرب مزحأوأو جد..

وأعتقد أن أسلوب الضرب لحل أي مشكلة أسلوب خاطئ لأنه يحمل الكثير من الآثار السلبية بين الزوجين

لأنها تبقى في النفوس مهما طالت السنين لأن المرأه رقيقة بطبعها والضرب يجرحها ويحطمها...

صراحه موضوع رائع وسبق وناقشته زميله لي في الجامعه وعجب الدكتور بس انا عن تجربتي الشخصيه الحمد لله عمره ما مد أيده علي وبصراحه أنا احترم زوجي واحلى ما في علاقتنا الاحترام قولوا ما شاء الله وعندي الضرب يولد عدم الاحترام لأن العلاقه الزوجيه ارقى من الضرب وفيها رحمه (وحده خوافه ) المهم أن عصب زوجك روحي بعيد وارجع سالم مثل مايقولون ليمن يهدا لكن انا وزوجي نتمازح بالضرب وانا أموت من الضحك مع أن الضرب مؤلم بس أحس أنه في طياته مسجات اتقول ديري بالك لاأطقج وانا معصب والمصيبه اللي ماتدرون ليش زوجي ما اقدر اطقه لأنه ضابط وممكن يمسكني من أماكن أنتوا ما تتخيلونها وما أقدر أتحرك وبطريقه ماتخليه حتى يتعب أسرار المهنه مثل ما يقولون فالله لايقوله وأطيع بايده أدعولي الله يستر
وبعدين ورا الطقه ما اقدر أروح دبي أكيد راح أروح مستشفى العظام

انا عارفه ان الموضوع مكتوب من شهر بس توني اليوم اشوفه و حبيت اشارك فيه بتجربتي الله لا يعيدها ......قولو امين

كان لنا فترة واحنا نتخانق لين ما مليت من كثرت الخناق و اخترت الصمت
قعدت ما اكلمه اربعة ايام بلياليها......(شهرزاد على غفله:21:)...........حتى السلام ما اقوله ولا عطني او جيبلي مهما كنت محتاجه.......
في اليوم الخامس طقت معه...........ولما ركبت السيارة وسكرت الباب ما لقا مدخل علي الا ليش سكيت الباب بقوه.........تخيلوا
المهم الرجال قام يصرخ ويزعق ويلاغي واختكم في الله معطيته طناش
الطريق كان طويل والرجال ما سكت ............طلع القديم والجديد
ما قدرت استحمل وطلع صوتي وردت على كل كلمة بكلمة
على قول المصريين.........كلمة مني كلمة منه .......نظره مني قصدي اني اكلمه من غير ما حتى اناظره............
وما دريت الا بذاك الطراق
هو في الحقيقة ماكان طراق..........(وحده رضت على زوجها)...........هو من غير رايه خبطني على وجهي علشان يشيل الغطاء في وسط الشارع
المهم ان من الروعة ما قلت شي حتى ما لبست الغطاء
من دلاخته قام يخانقني -غطي وجهك!!!!!!!!
ذلحين مين الي شاله
لما شافني ساكته ومرتاعه خذني لبيت اهلي على طول علشان يصالحونا على بعض
بس طبعاً اختكم ما سكتت لما دخلت لبيت اهلها.ساعتها طلعت الجراءه ورفضت ارجع له
بس هو تأسف....(والقهر انه كان اسف من غير نفس :08: ).....وعلشاني طيبه واحبه رضيت
بس اقول لكم حلفت له انه اذا مره ثانيه تجرأ ومد ايده اني لاطلع من غير رجعه

والحمد لله الأمن مستتب حتى الآن
اللهم ادمه...........قولوا آمين