حالتي مستعصيه :

اهم شي الشهاده ثم الشهاده ثم الشهاده دراستك وشهادتك هي الي بتعزك حتى قدام زوجك ولا بتخليك لا تحتاجين له ولا لأي مخلوق ثاني على وجهه الارض !! اعتمدي على نفسك خلي الكل يحترمك خلي لك مكانتك بالمجتمع وادرسسي ! صدقيني مارح يكون لك كرامه بدون هالشهاده

اهم شي الشهاده ثم الشهاده ثم الشهاده دراستك وشهادتك هي الي بتعزك حتى قدام زوجك ولا بتخليك لا...

اخت واختها :

حبيبتي هذا الكلام الللي تقولينة ممكن انا اقولة احيانا لكن فكري بالواقع بالله من الللي تقدر تواجة مجتمعنا؟!؟! مجتمعنا ياحبيبتي لو كرهك او نتقدك يوصلك لسابع ارض!!!! وش خلا البنات يتشفقن على الزواج من يصير عمرها 20 الا مجتمعنا!!!! ياقلبي حنا عايشين وسط مجتمع مانقدر نهائيا نقول طز فيهم ماعلي منهم انا ترا على فكرة شبة معزولة عن الناس ومع ذلك ماسلمت منهم رمي كلام ولمز بالكلام لو شفت احد من اقاربي وشو عشانة؟ عشاني كبرت ماتزوجت عشان فلانة وعلانة اصغر مني تزوجوا واذا دخلوا المجلس علينا الكل يفز لهم ويمزح معهم ولو وحدة فيهم فتحت فمها بتسولف الكل يلتفت لها ويلقيها بال معليش انا ترا بعد مثلكم الود ودي احط المجتمع تحت رجولي ومااهتم لكن غصب ياناس نتألم المجتمع يضغط علينا بشكل رهييييب مجتمعنا يقدس الزواج ويقدس المظاهر ويقدس الفلوس ويقدس الرجل الملتزم خارجيا ومايهمهم التزامة الداخلي وطهارة قلبة لاحظي هنا اني قاعدة ابجل الزواج وامدحة من باب نظرة المجتمع يعني لسى ماحكيتك عن رغبات كل بنت ماننكر ترا كل بنت تبي يكون لها زوج وبيت لية تبونها تتجاهل هالرغبة والفطرة وكل كلمة والثانية ترا الزواج مهب كل شي انا اشوف الزواج هو الحياة زوج يكون لي قريب وحبيب يملا فراغ عاطفتي ومشاعري ورغباتي الخاصة اصلا البنت اذا استقرت عاطفيا وجنسيا يرتفع عندها هرمون السعادة واذا ارتفع هالهرمون يخلي فيها ثقة بالنفس عالية جدا علشان كذا تشوفين بعض المتزوجات اللي مبسوطة فيها ثقة بالنفس بطريقة كلامها وجلستها ومشيتها ولبسها وبكللل شي واخر شي تجون تقولون الشهادة اهم لا مهي اهم مو معناتة انها تصير امية طبعا لا!! بس القصد انا اشوف ان بعد الثانوي اذا البنت جاها كفو خلاص تتزوج واذا ماقدرت توفق بين البيت والدراسة تترك الدراسة لان المهم بيتها لكن الللي تقدر توفق الله يعينها وتكمل وانا لو تسأليني اقولك ياليت يقولون هاتي شهادتك الجامعية وخذي زوج صالح بقول ياليت لان الدراسة مالها عمر ولا زمن اقدر اكمل بعدين اقدر اعوض بدورات مهب شرط جامعة لكن الزواج لا ياحبيبتي كل ماكبرت البنت وهي ماتزوجت تعيش بقلق نفسي واحباط هذا غير انها بالمستقبل اذا تزوجت بتحاول قد ماتقدر تستعجل بالخلفة مابتنبسط بالزواج زي الللي تزوجت وعمرها 23 مثلا

حبيبتي هذا الكلام الللي تقولينة ممكن انا اقولة احيانا لكن فكري بالواقع بالله من الللي تقدر تواجة...