عندما نجتر الماضي

السلام عليكم.....

اتمنى كل وحده قاعده تقرا موضوعي اليوم انها تكون بصحه وعافيه والله يتمم عليها نعمته وعلينا وعلى كل مسلم ومسلمه...

موضوعي يمكن محد يحب يقراه او ممكن البعض تقول مستحيل يصير او او او..

بس انا اقوله لكم عن واقع وعن تجارب....

الماضي...تعرفون شنهو الماضي ؟؟هو حاضرنا بس مع مرور الوقت اصبح ماضي...

انا اتكلم واخص البنات الصغار الي تكون بثنوي او بالكليه وطبعا لاهانو البنات الي عدو 25 سنه زي حلاتي :27:

فيه بنات يسون اشياء وتصرفات يعتبرونها عاديه او تصرفات ماراح تضرهم...بحكم انهم يبون يعيشون سنهم...بس التصرفات هذي شنهي؟؟؟

البعض تمشي مع بنات ويوم تدري ان سمعتهم مو زينه تستمر بالعكس يجذبونها لهذا الشي..

البعض تتعرف على شباب وتستمر علاقتها معاهم والبعض من زود ثقتها تعطيه اسمها او حتى من غير ماتعطيه اسمها يقدر يطلعه من الرقم...

البعض يوم تطلع السوق او اي محل حتى بعزيمه بعرس تسوي تصرفات عشان تلفت النظر...وغيره من الاشياء الي عادتن في فتره من فترات اعمارنا نحسب انها صحيحه وانها كووول وتسوي لنا شعبيه

بس تبون الصج ان بعد كم سنه يوم يجتر الماضي نفسه وهذي تصير وللاغلبيه بتتحسفين

يصير ودج انج تمحين هالفتره او تقولين بنفسج ليش انا سويت هالشي...او تقولين ليتني كنت ماشيه مع بنات احسن او مامشيت هالدرب او ماكلمت تلفون ليت بهالفتره في احد ردعني....

كلنا نغلط وانا شخصيا ساعات يوم اتذكر اشياء سويتها ايام ثنوي وكنت احسب روحي ذكيه وشاطره يعورني قلبي اقول اشقد كنت غبيه وتافهه يوم اني كنت افكر بهالطريقه...

هذي نصيحه من واقع تجربه بل تجارب لبنات مرو بهالمراحل وبعضهم تزوجو وندمو على ان في اشيا كانت ماضي ورجعت لهم بعد الزواج وبدت تهدم حياتهم...


بنات نصيحتي لكم قبل لا تتصرفون اي تصرف فكرو انه يمكن الله يعطيككم عمر حاولو تبنون سمعتكم وانفسكم واساميكم من ذهب لا تخلون اي شي يخليكم تستحون من ماضيكم او يهدد حياتكم او حتى يخليكم تعيشون المستقبل وانتو نادمين

نصيحه اعتبروها من اخت ماتبي شي كل الي ابيه ان ربي يستر علينا ويمحي ماضينا وماضي اي بنت نضجت وتابت ودعواتكم لي ولاهلي وللمسلمين :27:

اختكم الي عورت راسكم بهالهذره دانوووووه