الصبر مفتاح الفرج يالغاليه.

بسم الله الرحمن الرحيم

ياله من شعور سىء جدا

والله على الرغم من إني مملكه الحمد لله وأحب خطيبي موت ومالي علي دنيتي

لكن تفاجأت بصديقة عمري(تمنيه) والله حبيت هالإسم عشانها
تنقلب فجأه وتتغير....سافرت عشان أكمل دراستي ورجعت :( وتمنيه ما عادت تمنيه أيام زمان ..........سبحان الله وتغير كل شي فيها
حواجب وحفتهم بهالفتره تخيلوا!!!!
وحجاب يكشف أكثر مما يستر....لا حول ولا قوة إلا بالله

والله أكتب وفيني غصه مو قادره أكمل
وكل هذا بسبب.....صحبة السوء

لكن ليس لي سوى أن أقول...

مالي سواك يا كريم......
اللهم إملأ قلبي بحبك ......اللهم إملأ قلبي بحبك
آمين يا أرحم الراحمين يا الله

رجائي كل وحده تقرأ موضوعي تدعيلي وتدعيلها لأنها تعنيلي الشيء الكثير والله وأدعيلها بكل سجود بالزوج الصالح والتوفيق وبالصحبه الصالحه آمين

الله يجزيكم الخير حبيباتي

أختكم
بطه

مريت بهالتجربة الأليمة :(
الله لا يعودها
وها أنا فيها مرة ثانية! بس الحين أنا وأعوذ بالله من كلمة أنا أقوى :)
والضربات الموجعة حسّيتها زادتني صلابة وقوة
ما عااادت تأثر فيني زي زمان!!!

في المرة الأولى حسّيت عمري غبيّة!!!

زعلت وبكيت وانقهرت فترة طويلة وكانت علامات الحزن والضيق باينة على ملامح وجهي!!!
والكل يسأل ومتعجّب من حالي!
الكل يقول هذي مو همس!!!إيــــش اللي حصل؟؟؟!!!
وانا كاتمة القهر والضيق في صدري
حتى إذا حكيت ما راح أقدر أحكي كل اللي بقلبي لحبايبي الباقين لو حبيت أفضفض
وبصراحة ندمت حتى أني قلت لهم القليل
كان لازم من البداية ألجأ لربي مو لغيره أبد
المهم
هذي أول مرة
ولكن
لقيت إني آذّي نفسي لحالي
وغيري عنّي مو داري!!!
أنا أحترق ألف مرة مكاني
وغيـــري في دنيته لاهي!!!
ولا دااري عن هوا داري!!!
ولا كانّهم السبب في احوالي!!!
أقضّي يومي في بكا وضيقي
أنتظريرجعولي و يسامحوني!!
لأني أعزّهم وأحبهم من اعماق قلبي!!!
أنتظرهم يسامحوني!!!
على ذنبٍ مو أنا السبب فيه لحالي

يمكن لي يدٍ فيه
يمكن لي ذنبٍ فيه
يمكن أنا تماديت فيه

ولكـــــــــــن!

مو أنا لحالي!!!
يمكن كانوا اهم السبب أكثر
يمكن حتى اهم اللي بدوا بالإيلاام والقسوة
ويمكن أنا!
وزادوا جرحٍ على جروووح
لكـــن القضية
من اللي يزيد لجروح!!!
من اللي قبل يسامح
من اللي يقبل الاعتذار من أوّله من غيــــر مذلّة!!!

وانا تماديت وكابرت وكبّرتها إيه أعترف

لكنها ردة فعل لما تشوفين نفسك منهاانة!!!

شو أقول بس

فكّرت وفكرت كثيييير

وبتوالي الصدمات
خاصة لما يبتعد عنك أغلى الناس ويرجعلك ويرد يبعد!!!>>> واضح استغلال المشاعر
ما أحب اللي يستغلون حبنا لهم ويوهمونك بأنهم ما يقدرون فراقك
وأنك تسوى عندهم الدنيا ومافيها!!!
وفجأة عند أي مطبة صغيرة!!!>>>لااا تعليييق:(

اكتشفت متأخرة
إن الشكـــوى لغير الله مذلـــة!!!
إيه والله مذلة

المهم!
وتذكرت متأخرة
وأعوذ بالله من الشيطان الرجيم اللي أنساني رحمة ربي
وقوله سبحانه وتعالى:
"وإذا سألك عبادي عني فإني قريبٌ أجيب دعوة الداعِ إذا دعان"

وفي آية أخرى:
" إنما أشكو بثي وحزني إلى الله "


أحاول الحين أحتسب أجر صبري على الرحمن
وأتوكل عليه في كل أموري
وأرجع لربي وأخليه قريب مني
لأنا والله نتوووووه من دونه
تلاقي الدنيا نااار من دونه
والله محّد يستاهل خالص الحب غيره
ولاّ ذولا الناس في هالدنيا الدنيئة!
ما يستاهلوا تذرفين دمعــــة عليهم
اهم ما قدّروك ولا راعوا مشاعرك
إش لج فيهم عيل؟؟؟!!!

لكنـــــي أحاول ما أستغني عن الطيبة!
إيه
حاولوا تحتوون>>>( من احتواء ) الناس بطيبتكم
لكـــن لا تكرروها كثير إذا جت ع حساب كرامتكم وإذا هالناس ما قدّروكم!

نصيحة من ناس عزيزين قالوها لي
الصبر ثم الصبر واحتساب أجره + تحتوين الناس بطيبتج + توكلج على الرحمن
ولا تخلّيييين الدنيا أكبر همّج وغايتج!!!

حاولي تشغلين نفسج في حاجااات أهم
استعدي لآاااخرتج
لأنج
ما
تعرفيييين
متى
تحيييين
ساااعة المووووت !

حاولي تستغلين وقت الفرح
وإذا ما انوجد إنتي اصنعيه!!!>>>جد ما أمزح
شغلي نفسج بأي شي لالا تخلييين للفراغ أي مكااان!>>>وهاي لحالي أعانيها وإن شاء الله أتغلب عليها دامني نويت :)

نوعي في نشاطاتج
فرفشي
سولفي مع اللي تحبينهم
إلعبي
رتبي
اقري
اكتبي
شوفي
استفيدي
وأفيدي
شوفي العالم من عيون عالم حواء :D :39:
ومن عيووون الكتب:)
شوفي الشغلات اللي من زمان ودّك تساويها
ارجعي
وحاااسبي نفسك


والسموووحة يالغلا
لقيت نفسي أكتب بلا توقف !!!
بصراحة هنا بعد الواحد يقدر يفضفض من غير لا يندم!
كلنا قلوبنا على بعض
لا تجمعنا مصالح دنيوية ولا حاجة
هنا تحسّين بالأمان والصدق من بعد ربي
صرت ما أرتاح إلا عندكم

تعلّمت
أني
مااا
أشتكي
لمخلوق!!!
ولا انتظر منه خيرٍ كثير

وعندي لكم دعاء وربي يتقبل إن شاء الله

اللــــــهم يا ودود يا ودود يا ودود
ياا ذا العرش المجيد
يا فعلاً لما يريد
يا مبدئ يا معيد
اللهم إنا نسألك بنور وجهك الذي ملأ أركان عرشك
ونسألك بقدرتك التي قدرت بها على جميع خلقك
ونسألك برحمتك التي وسعت كل شئ
لااا إله إلا أنت
يا مغيث أغثنا
يا مغيث أغثنا
يا مغيث أغثنا
اللهم ولا تجعل الدنيا أكبر همنا
اللهم وفك كربة كل مكروب في هذه الدنيا
اللـــهم وثبت قلوبنا على الإيمان
واجعل الجنة غايتنا ومنتهانا
اللهم ثبت قلوبنا على الإيمان
اللهم ثبت قلوبنا على الإيمان
اللهم ثبت قلوبنا على الإيمان

اللهــــم آاااامين
آااامين يا رب العالمين

أمانة بنات لا تنسونا من صالح الدعاء بأن الله يوفقنا دنيا وآخرة ويثبتنا على الإيمان
ويفك كربة كل مكروب
ويألف بينا وبين قلوب أزواجنا ويكفينا أمورنا ويصلح ما بينا دووووم مو يوم

والسمووووحة

طبعا راح اتألم واحس اني ولا شيء في هذه الدنيا وخاصة لما يكون هذا الانسان هو اقرب الناس لك وتحبه وفجأه تجده لايعبرك ولايهتم بك الصراحه شيء يقهر ويوجع القلب لكن مع الايام تأكدت بأن هذا الانسان لايستاهل اهتمامي له ولاحبي له00 الله يسامح الجميع ويعفو عنا 000المهم في النهايه راح انسى اي شيء يذكرني بهذا الشيء واصبر واهتم بحياتي ونفسي واطنش واعيش حياتي

بسم الله الرحمن الرحيم

حبيبتي وأختي همس الطبيعه ........

والله كلامك بكاني...وفتح جروح عمرها سنوات

ما أقول إلا حسبك ومغيثك هو الله ........والله وحده لا سواه


الواحد اللي يشوف قصص هالناس تهون قضيته
الحمد لله على كل حال


بحبكم
دعواتكم:)