ست الحسن انت من فين ؟ سبحان الله معاذ باقي له اسبوع ويصير 9 :)

تصدقي عاد زوجي اشد مني .. وفي نظره انا مدلعتهم .وهو فعلاً احياناً احس انهم مدلعين .. يعني مو زي الامريكان ..كل واحد عليه شغلة في البيت .. جربت اخلي معاذ يطلع الزبالة بما انه المكب مرة قريب .. لكن تعالي شوفي يوم يوديها ويوم ينساها ويوم ماله مزاج ..

ومبدأ كل واحد له شغلة يسويها ومحد يسويها عنه مبدأ اتفقنا عليه انا وزوجي قبل لانجيب الاولاد وكان مثاله انه واحد عليه يجيب الحليب للفطور..

اظن لو سويناها عمرنا ماراح نفطر ..:)

غاليتي شام ..ايوة القمار في التكتس بس والله أعلم ..

مو قلت لك مايرضوا يتنازلوا عنها .. الله يعين كم مرة انبه عليهم ويرجعوا ليش طيب وليش هم سووها اذا حرام .....على نياتهم مرة ..

فتاة سورية كان عندي مشكلة الواجب بس خفت كتير الحمد لله لما صار الكل عندهم واجبات ..حاولي تعطي الصغار صفحات تلوين وقولي لهم هدا هوم وورك لكم .. والكل يجلس ويشتغل ..

مشكلة ايشمعنى عندي برضو واعصب منها كتير ومرات اقولهم طيب انت روح سوي اليي قلت لك عليه وماتدري ايش في جعبتي للباقين ..

نوغا .. لازم تشدي على ابنك شوية في الواجب لانه مايصير هدا الوضع مرة مو مريح لما يخلص يروح يلعب ..

ابني لما عرف انه كل شي بعد الواجب صار يسويه في الباص..ممكن تشجعيه بلعبة والا بخرجة بلاش اللعب مع الجيران يكون المكافأة ..

في شي أخير بدي أقوله قبل اسبوع تلفزيوننا خرب ومعين ورانا الويل بس الباقين مافرق معاهم كتير لانه ماكانوا يتفرجوا غير في الويك اند ..ومعين كان يخلي التلفزيون مفتوح ويلعب ويكتب .

المهم لما رحت السعودية قبل 3شهور جبت معايا فديو سي دي بالعربي ومدبلجة دبلجة اسلامية بدون موسيقى وفيها بعض الاذكار ..

بصراحها اخراجها ودبلجتها سيئة جداً واغلبها ماعجبني ..

المهم صرت اشغلها على الكمبيوتر ويجلس عليها وتقوى كتير في العربي وبما انه انهم يتكلموا بسرعة فظيعة كتير معين يسألني ايش معنى هده الكلمة ؟ واقعد افسر له هي ..
وامس سمعته ينشد من جد وجد :)

جربوها وتبغوا النصيحة خدو منتجات ( دار البلاغ) زي الابن البار بأجزاءه والدب فرحان وحروف بابا مشمش ..

عندي منتجات( يسر )مو بطالة وعندي منتجات الخطيب هي اليي مو عاجبتني ..
منها لبيب وحبيب مش ولا بد في نفس الفلم اسمه مغامرات الدببة الطائرة لصوت القدس احسن كتير في الدبلجة وعرضوها في قناة المجد الصيف الماضي .
مغامرات دبوب الشجاع برضو ماعجبني مع انه يعلم الفيزيا بس الكلام مو مناسب المواقف ..
ندى الذكية مقطع اخر تقطيع ومضيع الفكرة وفي لقطات ماتناسبنا هم مغيرينها بس وضعنا كمغتربين يعرفوها اولادنا زي حفلة عيد ميلاد وحفلة كرسمس مسوينها حفلة عادية ..
الديناصورات الصغيرة برضه فيها مواقف مغيرنها بس اولادي فهموها :(

نجي للحلو :) حكايات كان زمان ماخوذة من التراث الاسيوي والحمد لله ماعندهم خبرة اولادي عن عاداتهم .
نمول والمدينة الفضية ..مخربط شوية بس يمشي الحال ..حديقة الاصدقاء من شركة تون شارع التعاون النطقة الاولى مدينة نصر .

مالقيت السي دي الا بالف شدة وشدة تتعبت لحد مالقيتها ولقت محل كمبيوتر عنده هده المجموعة واخدتها كلها حتى عجبت اختي قالت لي فين المحل قلت لها ماعنده ولا واحد اشتريتها كلها :) قعدت تضحك علي ..

الله اعلم انها موجودة في كل مكان وسعرها رخيص تقريباً 10 ريال السي دي والا 15 بس مافي احد عارف عنها شي .. حتى المحل اليي رحته شفته وانا ماشية في الشارع في مكة رايحة بيت اهل جوزي وكان باين من الباب انه فيه سي دي للاطفال ولما سألت الرجال قال مافي قلت له طيب ايش هدول؟ قال لحظة ولما قرأ اليي مكتوب عليها لقيها طلبي..

المهم وحدة هنا هي اليي اكتشفتها وعندها سنان وعائلة عبقري مرة حلوين ..عائلة عبقري هو هدا http://re2.mm-c1.yimg.com/image/1236364411

نوغا ايش رايك تكلمي معلمته .. انا كنت اقولها ولدي ماعنده وقت يحل واجباته لاتعطيه واجب لانه كان في مدرسة اسلامية بعييييييييييييييدة ومايلحق يسوي شي لما يرجع البيت يادوب يتعشى وينام ..

لكن المعلمة كانت غير متعاونة وتقول مو شغلي حسبي الله عليها مفترية ..

انت اشرحي لها المشكلة وقولي لها انه طول الوقت هم كتابة ودراسة ويحتاج يتحرك ويحرق طاقاته المخزنة يمكن تتعاون ..

انا لاحظت انه معلمات المدرسة الحكومية متعاونات اكتر .. مع انه اليي كانت في المدرسة الاسلامية مسيحية اجنبية ..لكنها زفت شوية .. وقعدت معانا سنتين ورتنا الهم الوان واشكال واليي قبلها كانت حبوبة مسلمة ومرة متعاونة حتى اني طلبت منها ترفع معاذ سنة قالت لي صغير ولعّاب :) ..مو حق كرف :)

حمرة الورد
هذا موجود عندنا باسمpère castor

هو الدب اللي بيحكي القصص و حلو كتير

شكرا حمرة الورد على نصائحك
بس احنا هون بالامارات وابني بيرجع البيت الساعة 3 وبينام الساعة 10 يعني ما في مشكلة بالنسبة للوقت بالعكس
هو بس متعلق كتير بلعب كرة القدم مع اولاد الجيران وطبعا مش مدرك موضوع الاولويات
بيفكر انه الحياة لعب وبس والاولوية للعب وبعدين الهوم ورك
انا دايما بشدد على انه الاولوية للدراسة
يلا كلها كم شهر ورح نترك هدا السكن ونجي على كندا وانشاء الله بيتغير كل شي

أهلا من جديد ...

أعذروني ...

غاليتي شام ... الحزن بين أسطري ليس لأنني متعبة من الأطفال أو مما أؤديه لهم لكن لأن اليوم ما عاد يكفي كل تلك الأعباء ليد ملايين الأشياء التني أفضل عملها عن شغل البيت ..

شغل البيت (شغالة) تؤديه لكن بطريقتها وإلا بتحرق لك دمك أما أطفالنا فلن يقوم بهم إلا نحن ... وزمننا يطالبنا بالكثير الكثير لهم ...


عموما قولوا يا رب يرزقني بشغالة ... (ذكية .. لماحة .. طيبة .. مدبرة .. أمينة .. نظيفة) ...