الحمد لله وماشاء الله فعلا دردشة غير شكل وبتريح الواحد
انا بحس اني عندي مشكله مع ابني الكبير وبقوول يمكن لان اول ولد ما كنت اعرف اتعامل معه
مشكلته ماله شخصية وضعيف كتير واذا حدا من اخواته زعلوه بيجي لعندي عم يبكي وهالشي بضايقني كتير يعني اتخيلي ولد صبي كمان مو بنت عمره 6 سنين اذا حدا ضربه بيجي عند امه عم يبكي بحسها شغلة كبيرة ....كمان لما بخيروه باي شي بقول لي اسالي اخواتي اول وبياخد متل ما هنن اختاروا يعني ماعنده راي ......طبعا هذا مو دائما بس الاغلب
عم حاول معه كتير ابني شخصيته وقويها يعني لما بيجي لعندي عم يبكي بقول له مابصير هيك انت كبير مالازم تبكي فكر بالي زعلك وحاول تحله يعني اذا حدا ضربك قول له لا عاد تضربني واذا ضربك مرة تاني اضربه " مابعرف اذا هذا صح بس مابدي حدا يستقوي عليه بالمدرسة او بكرة لما يكبر"
قولولي هذا طبيعي ابن الست سنوات يجي على حضن امه ويبكي اذا حدا زعجه ؟؟
وفي اذا بتسمحوا عندي ملاحظة صغيرة لاحظت ان اولادكم بيحكوا معكم بالانجليزي ....نصيحة مني انتبهوااااااااااا لازم تقولوا لهم احكوا عربي لان شوي شوي بصيروا يبطلوا يحكوا عربي نهائيا بيفهموا عربي بس بيحكوا انجليزي
انا كتير متشددة مع اولادي بهالموضوع والانجليزي ممنوع بالمنزل حتى وقت اللعب ..."احيانا بيلعبوا ان بمثلوا ...فبنتي عم تمثل انها كوافيره قلت لها احكي عربي قالت بس الكوافيره بتحكي انجليزي ..قلت لها الكوافيرة الي بالسعودية بتحكي عربي قالت طيب"
كنت بصراحة كتير مبسوطة بهالشي وبفتخر دائما ان ولادي بيحكوا عربي مو انجليزي بس مرة ابني حكا مع اختي وسمعها دعاء النوم والشهادة بعدين اختي قالت لي ماشاء الله حافظها بس لهجته كانه اجنبي مأسلم جديد ............ياربي وقتها زعلت كتير وقلت فعلا عربي بيحكوا بس مخارج الحروف مييييييح يعني ما منيحة ابدا
معلش اخواتي نسيت حالي ورغيت كتير بس اعتبروها فضفضة من اختكم
شام :
الله يخليك يا أوركيديا ويحميلك اولادك ويجعلهم قرة عين لك ....... انا لا زم حمل نفسي مسؤولية طبعا حسب قدرتي مشان اوصل فيهم للاخلاص العالية وهالشي هاد ما بيتحقق بسهولة ومتل ما بقول المتل : ما بيربي جسد ليفنى جسد أو : ما بيربى ولد ليفنى السجد الله يعينا يا رب ويعلمنا من عندهالله يخليك يا أوركيديا ويحميلك اولادك ويجعلهم قرة عين لك ....... انا لا زم حمل نفسي مسؤولية...
السلام عليكم يالطيبات
والله خوفتوني من تربية الاولاد الله يعينا اجمعين، ويسر امرنا ،سبحان الله فعلا التربية بهالبلاد صعبة وشايلة هم كبر الجبال على الرغم ابني عمره اربع اشهر الله يحفظه ويجعله قرة عين لوالديه .
اختي فتاة سورية جزاج الله كل خير على غيرتك على تعلم اولادك العربية ان شاء الله اعمل نفس الشي ممنوع بالبيت الكلام بغير العربية الله يسهل امورنا واموركم
بارك الله فيكم
والله خوفتوني من تربية الاولاد الله يعينا اجمعين، ويسر امرنا ،سبحان الله فعلا التربية بهالبلاد صعبة وشايلة هم كبر الجبال على الرغم ابني عمره اربع اشهر الله يحفظه ويجعله قرة عين لوالديه .
اختي فتاة سورية جزاج الله كل خير على غيرتك على تعلم اولادك العربية ان شاء الله اعمل نفس الشي ممنوع بالبيت الكلام بغير العربية الله يسهل امورنا واموركم
بارك الله فيكم
orkidia
•
يا فتاة يا سورية خلي لهجة امهن و بيهن تغلب على كل الحضارات
عارفة انا كمان ممنوع بنتي تحكي غير عربي في البيت
لان في شغلة انه هي عايشة بالغربة و دخلت مدارسهم يعني حياتها برا البيت كلها باللغة الاجنبيةففرض واجب داخل البيت بالعربية و باللهجة المحلية كمان
و ربنا يطلق السنتهم بالعربية الفصحى ان شاء الله و يتمسكوا بجذورنا و يحافظوا على ديننا
ان شاء الله
عارفة انا كمان ممنوع بنتي تحكي غير عربي في البيت
لان في شغلة انه هي عايشة بالغربة و دخلت مدارسهم يعني حياتها برا البيت كلها باللغة الاجنبيةففرض واجب داخل البيت بالعربية و باللهجة المحلية كمان
و ربنا يطلق السنتهم بالعربية الفصحى ان شاء الله و يتمسكوا بجذورنا و يحافظوا على ديننا
ان شاء الله
الصفحة الأخيرة
ربي يحفظك ويسلمك
انا بحوال احضنه فورا بس هو بيرفضه
وما بخليني ادءره يعني قرب عليه إلا لما هو بدو ......
الله يهديه عقله صعب ......
مشان هيك لقيت احسن طريقة اني بتركه لحتى هو يعطيني الضوء الاخضر متل ما بقولو لحتى صالحه أو لحتى ننسى الموضوع
الل هيبعد شر الامراض والتعقيدات عن هالاولاد
بس صدقيني تربية الاولاد بالغربة مختلفة تماما عن تربية الشام
وكل مين اجى لأمريكا وشاف عميل الأولاد وعذاب الامهات حطولنا الطاعة .......يعني قالوا الل هيعينكم نحنا مو هيك ربينا ولا هيك تعبنا ........
بس ربي ما يضوعلنا تعب ويطلعوا ولادنا صالحين وبارين على الكبر
مشكورة عززيزتي
بارك الله فيك