عندناا عزيمهـ

أقترح عليك تقدمين صنفين حلى مع القهوة وصينية فطاير جاهزة مع الشاهي والعشا يكون نظام بوفيه أحلى من طبق رئيسي رز وحافظة جريش والباقي صواني ومقبلات وسلطات مع العصيرات وحلى للعشا ...
أما بالنسبة للأفكار بإمكانك الدخول على ملفات العزايم وتأخذين أفكار من الأطباق المقدمة ..وإن شاء الله الأخوات ماراح يقصرون ويفيدونك ..
إن شاء الله تصير عزيمتكم أحسن عزيمة

الله يعينك وييسر لك

طبعا العشا نظام بوفية بيكون اكشخ ولازم تنسقي وترتبي من بدري وتحددي السلطات والاطباق الرئيسية والمقبلات وحلى العشا
السلطات اقل شيء 3 انواع والمقبلات عادة سمبوسك وكبة وورق عنب مهم جدا والصواني عندك مكرونة باشميل او لازانيا
واي نوع رز ومشويات وممكن صينية خضار او اي اكلة شعبية تحبوها

بالنسبة لحلى القهوة ارشح لك حلى البرتقال شيك وجديد وحلى السجاد لذيذ مره وجيبي صحن شوكولا جاهز

وطالما في عشا انا اشوف ماله داعي تحطي شاي ومعجنات قبل العشا خلي المعجنات ضمن بوفية العشا


حلى العشا بيكون بارد وفيه حلى بارد عملته قبل كم يوم وكان مره لذيذ ويبرد على القلب وسهل مره

اخذته من المنتدى هنا بس ناسيه لمين يمكن الاخت نزف المحاني

كان 1- بسكويت مبلل بفيمتو او اي شراب توت
2- يخلط 2 دريم ويب و1 كريم كراميل و2 قشطة وبيالة ماء و4 ملاعق حليب بودرة ويصب جزء منها على البسكويت
3- بسكويت مغمس في شراب التوت
4- الخلطة2
5- تبرد حتى تتماسك ثم نضع
6- جيلي توت ويبرد
7- نزين الطبق ببقية الخلطة
واذا كانت تكفي تغطي طبقة الجلي نغطيها بالكامل ونزينها بجلي بودرة او كاكاو بودرة على حسب الرغبة

وهني وعافية

سحااب تسلمين يااعمري على الرد ^_^ واكيد بنخليه نظاام بووفيه أحلى ^_^

ذكريااات أمييييين ويااك يااارب يسعدك ..,

رؤى مااااااااقصرررررتي والله يااقلبوو تسلميييييييين والله يسعدك استفدت منك يالغلاا ..,

أنا أشوف مدام فيه عشاء ماله داعي أبدا تكثرين حلويات ومعجنات
يعني مع القهوه حطي تمر ونوع حلى وشوكولاته
ومع الشاي موالح
وبس